1 Timoti 2:8 - Madak

⁸ A vara i do lavatlok at levengkot axap dina ngising amisik, la dina song aurut mi levengkikngen di upana keneng at levesingising atdi la kopmen teven mukmusak la levenedak noxo nemen at lorooro atnedi.

1 Timoti 2:8 Iomraidhean Croise

Sam 134:2

Mina xip aurut kikngen keneng at lisingising to xeneng at loogu laplavang, la mina emi asu mi Leeme Silok.

Sam 141:2

Una siam ka lisingising tarak ngan ta lusuxa i so mavak, la una siam ka lukngak angosong aurut min naba lok ngan ta laplavang tu ukantinao.

Sam 24:4

Nedi mene di dadat at loklok atnedi la lodoxoma atnedi, la kopmen dina lotu saparap laxampoovo moroa la kopmen dina tong asu levengkakaape xaxarang.

Sam 26:6

O Leeme Silok, na a gos lukngak ti lox asuusu i do nia laradi sepsen. La at pas emi asu kangkan loxonin laplavang taram.

Sam 28:2

Una ronga ia at loxonaleng nia anang teng saparav u ri loklok tooro, la at loxonaleng ana xip aurut lukngak ti loogu laplavang taram i xaala aleng.

Sam 35:13

At levenaleng nedi digak meres, aga siga leventamon ti lox asuusu lanbulu rak la agan mun an. Agat kis tintiding aleng ukopok la agang sing tinedi;

Sam 63:4

Nia anaba tong loklok avukat tu at levenmaares nia ana rooro ren, la anaba xip aurut lukngak do ana sing u.

Sam 66:18

Dola lorooro rak gi umsu mi laxakapmek, Leeme Silok gixo ronga rak.

Metiu 21:21

La ne Iesu ga lok tidi, “A tong tuturun i rinimi; mo do mina nuunu ruturun at ne Moroa la kopmen lodoxoma atnimi na sixit ekarakat at levelinga ren, miba epovo do mina lok mun lempanga xerekngan nia a lox i ri na luuna pik. La kopmen na xusuk mun i, ketla miba epovo bok do miba vaase lolos ti na lakaana, la ni na xatu kaxat la na subu tup ti laras.

Metiu 5:44

Ketla mo nga ana tong i rinimi do; mina balamu nedi di munepen minimi, la mina ngising tinedi dik lox asongot nimi,

Metiu 6:12

Doxoma xepe laxakapmek atnema, kerekngan nema ma doxoma xepe laxakapmek atnedi di lox i rinema.

Lagale Lavavang At Ne Iesu Karisito Luk Ga Malagan i 23:34

La ne Iesu ga lok, “Tamak, una doxoma xepe na laxakapmek atdi. Dixoklen lavanga salai mo di lox i.” La diga epes levempanga singsiga ren kantubu atdi, diga lu buru mi lengkonuat, kusu ri lok kisip ka nege ba lok kaka i.

Lagale Lavavang At Ne Iesu Karisito Luk Ga Malagan i 24:50

La ne Iesu ga lam ka nga di boro Jerusalem la uto Beteni, la ni ga song aurut mi lukngen la ga lox anarong di.

Lagale Lavavang At Ne Iesu Karisito Jon Ga Malagan I 4:21

Iesu ga lok tin, “Latkin, una nuunu at na levelinga rak; laaleng naba vot la limixin axap di noxo lotu parap ne Moroa at na lakaana kopla to Jerusalem.

Leven Gugu 10:2

Konilias laradi ga lotu saparap ne Moroa; nedi axap diga nemen ap mo loogu ren diga lok ngangao at ne Moroa. Buaang lempanga neni ga lox i xusu ri lok tooro limixin pakpakes boro Judaia, la ni ga ngising amisik ne Moroa.

Leven Gugu 10:31

La ni ga lok, ‘Konilias! Moroa ira ronga vam levesingising taram, la ni ira doxoma vam leven gugu loklok tooro ram.

Leven Gugu 10:4

La ni ga ven tooro laangelo mi lanmarat la ni ga lok, “Lavanga salai mo, Leeme Silok?” Laangelo ga lok, “Moroa ira siam ka vam levesingising taram la leven gugu nunuan taram, la ni ira doxoma vam u.

Leven Gugu 21:5

Ketla levenaleng atnama ri nemen go ga xap, la maga on basinge mo lemenemen silok. Nedi axap, eburu mi lavakin atnedi la laxaalik kakalik atdi, diga vas kaxat eburu minema uto loxon. Maga xis tiktikbu mi lempatgulom atnama ro loxon la maga lok lising.

Leven Gugu 7:60

Ni ga xis tiktikbu mi luvatgulom teren la ni ga sing silok keretna, “Leeme Silok. Nemen uta doxoma na laxakapmek atnedi di lox i ria.” Ni ga tong i mo la ni ga met ta.

1 Korin 1:2

A malagan i na lovoang tinemi limixin at ne Moroa dom Korin; la ne Moroa ga lox akmokso luruptuvuk atnimi at lekngen ne Iesu Karisito xusu nemi limixin dadat teren. Moroa ga ro xaka vam nimi do ateren; la nemi mit kis esogo amisik mi ne Iesu Karisito, kerekngan limixin to at lengkot axap di lotu parap Leeme Silok atdik ne Iesu Karisito, neni Leeme Silok atdi la Leeme Silok bok atdik.

1 Korin 7:7

I lox avukat do nemi axap minak lok naa kerekngan ia; Moroa ga lox ia xusu a epovo anak lok naa i ngan laramtaba ren tia. Ketla lentaba vetpes kopmen na epovo rik lok naa la ne Moroa im taba di mi leventamtaba vetpes.

2 Korin 2:14

Ketla ata tong avukat ti ne Moroa, mo im gomgo amisik tinama at lugugu atnama; anai i lok ngan at lavatpas momo atnema xeneng at ne Karisito ik sak tup mi lavamunepen atnama; la at lekngen nama neni i paase asu Lagale Lavavang at lengkot axap la neni i so misigisigis tinedi dikleklen i.

Pilipai 1:12

Luvutnetak mi luvurinuk. A vara i xusu minaklen nunuan i do mo levesongsongot gat pot saparav ia, ga lok tooro aleng tinotno lususu at Lagale Lavavang.

1 Tesalonia 1:8

Buaang limixin ap mo lunep silok la ap mo levennep petpes bok diga ronga i do miga nuunu at levelinga at Leeme Silok; kuren la nema ma noxo tong asu bok ba mo levelinga do nemi miga siam kaka vam Lagale Lavavang.

1 Timoti 5:14

Kuren la a vara i do nedi lovosono naa dina epot la dina ruuna madak, la dina lok tatao avukat levempanga ro xeneng at laraugu atnedi, kusu kopmen di noxo raba luvuttadi munepen minedik kusu di noxo vaase xakapmek tidik.

Taitas 3:8

Na levelinga mumu loklox arooro at ne Moroa i ruturun; la una lolos ti tong asu amisix i ri limixin nuunu me Krit, kusu dina lolos ti lok leven gugu nunuan. Na leven gugu nunuan i lox avukat la i lok tooro limixin axap.

Ibru 10:22

Kuren la mina vosiga ne Moroa do lebelen nimi irak mokso vam la lunuunu atnimi irat matkun pam la lebelen nimi xopmen tusumsuma xapmek teren mila ne Moroa ga lox adadat pam nimi kerekngan di gos labantuxu atdik mi ladan i nunuan.

Jems 4:8

Nemi mina nemen auret ne Moroa la ni naba nemen tino eburu minimi. Nemi luvuttadi at laxakapmek, lorooro atnimi na maxat bilong, i ngan laradi i gos lukngen la ira maxat manga. Nemi mi ruuna legepu doxoma, mina lok pes nom levendoxoma xapmek basinge lorooro atnimi.

1 Pita 3:7

Kuren pam la nemi bok lavatlok, mina ekilen ela mi levempakpakes at lavakin atnemi la minaklen avukat box i do nedi dixo ruuna tololos solo la mina lok tooro nedi. Mina raba nedi mi loklok ngangao mila nemi buru axap minaba ruuna xaka laramtaba i rooro boro at ne Moroa. Mina mu asu i na levelinga xusu, kopmen tekarakat naba lok pe levesingising kantubu atnemi lavatlok eburu mi ne Moroa.