1 Timoti 1:16 - Madak

¹⁶ Ketla ni lavasuun mun teren la ne Moroa ga lox asuusu lebelemumu ren tia, kusu ne Iesu Karisito na ngangais aleng tia ri leeng basinge leveloklok kakapmek tarak, keke i do nenia laradi a lok kapmek aleng ti limixin axap. La nai loklok at ne Iesu Karisito, ni lampoovo rinedi limixin axap diba nuunu ren la dina lok ka lorooro avolo.

1 Timoti 1:16 Iomraidhean Croise

Sam 25:11

Leeme Silok, una lox epovo laxakaape ram la kerepmo una doxoma xepe laxaloklok kakapmek axap tarak, atla a ruuna laxaloklok kakapmek solo.

Lagale Lavavang At Ne Iesu Karisito Luk Ga Malagan i 15:10

A tong i rinimi do, kerepmo lubung angelo at ne Moroa diba momo aleng do tegesaradi xapmek neni i leeng basinge laxakapmek teren.”

Lagale Lavavang At Ne Iesu Karisito Luk Ga Malagan i 23:43

La ne Iesu ga lok tin, “A tong i na ru, lingina unaba nemen eburu minia ro at lemenemen at ne Moroa.”

Lagale Lavavang At Ne Iesu Karisito Luk Ga Malagan i 7:47

Kuren la monga a tong i ru, do langsangan labalamu ren mo ira lox asuusu vam i do a doxoma xepe buaang leveloklok kakapmek teren. Mo do nege, i ruuna lamanbalamu lixilik mun i tong asu i do laxakapmek lixilik mun, ara doxoma xepe vam i.”

Lagale Lavavang At Ne Iesu Karisito Jon Ga Malagan I 20:31

Ketla leventaba levempanga sangsangu ik lok at na lubuk kusu mina nuunu do ne Iesu neni Lanarong la Nitna ne Moroa; la do mina nuunu ren, miba ruuna ka lorooro avolo at laasen teren.

Lagale Lavavang At Ne Iesu Karisito Jon Ga Malagan I 3:36

Do nege i nuunu at ne Nitna ne Moroa, neni naba ruuna ka lorooro avolo; la nege do i ronga xepe ne Nitna ne Moroa, neni noxo ruuna ka lorooro avolo la lebelemamao at ne Moroa ik lok mu amisix i.”

Lagale Lavavang At Ne Iesu Karisito Jon Ga Malagan I 5:24

A tong tuturun i rinimi. Do tara i ronga levelinga rak, la i nuunu ap mo lara ga riki ia, neni ira lok ka vam lorooro avolo. Neni xopmen noxo tu at lavapaase at laaleng ete, ketla ira roo suu vam basinge lanmet la ira ruuna ka vam lorooro avolo.

Lagale Lavavang At Ne Iesu Karisito Jon Ga Malagan I 6:37

Nedi axap ne Tamak i raba ia midi, dinaba vosiga ia. La do tara na vosiga ia, nenia noxo sok tixirixes i.

Lagale Lavavang At Ne Iesu Karisito Jon Ga Malagan I 6:40

mila lavavara at ne Tamak i lok keretna, nedi do di ven kisip ne Nitna ne Moroa la di nuunu ren, dinaba lok ka lorooro avolo, la nia anaba lox aroo xat di at laaleng ete.”

Lagale Lavavang At Ne Iesu Karisito Jon Ga Malagan I 6:54

Do tara na anan at levenuut tarak la na inin at lada rak, neni ira ruuna ka vam lorooro avolo, la nia anaba lox aroo xar i at laaleng ete.

Leven Gugu 13:39

Minaklen box i do nedi axap di nuunu ren, Moroa ira lox asepmus pam di basinge leveloklok kakapmek atdi; Lenavolo at ne Moses kopmen na epovo na lox i xuren.

Lovoang At Ne Pol Ti Limixin Nunu to Rom 15:4

Levempanga axap ik lok at Lovoang Kaala, diga malagan i gano xusu ri lox ase nedik, kusu nedik ataba lok kaka lodoxoma voovo xeneng at Lovoang Kaala mo im taba dik mi loklox atnaasan la lavapaase tooro.

Lovoang At Ne Pol Ti Limixin Nunu to Rom 6:23

Luunun at laxapmek, ni lanmet; ketla laramtaba at ne Moroa, ni lorooro avolo keneng at ne Iesu Karisito, Leeme Silok atnedik.

1 Korin 7:25

Monga a vara i do ana paase rinimi mumu lususue miga sue ia min mumu nedi dik lok naa. Axo lok ka lavapaase mumuat boro at Leeme Silok mumu na lavanga, ketla ana vaase nimi mi lodoxoma rak, nia a epovo do ana tong i na rinimi mila Leeme Silok ga lox asuusu vam lebelemumu ren tia la iklen i do nenia laradi ruturun.

2 Korin 4:1

Keneng at lebelemumu at ne Moroa, neni ga raba nama mi na lugugu, kuren la nema ma noxo lox abulubun bok ba.

Epesas 1:12

Ni ga lox i xuren kusu nema avot leme Judaia maga nuunu at ne Karisito, taba emi asu mi ne Moroa la taba lox aurut laasen teren.

Epesas 1:6

Kuren la nedik axap ata emi asu mi ne Moroa ri letaba nabalamu ren i nunuan aleng, la ni ga raba gamasa dik min, maxeneng at lugugu at ne Nitna, mo ne Moroa i balamu i.

Epesas 2:7

Neni ga lox i na xusu at levenaleng i tu melamgo, neni naba lox asuusu i do letaba nabalamu ren i nunuan axap, mo letaba nabalamu ga ravasu at labalamu ren tidik maxeneng at lugugu at ne Iesu Karisito.

2 Tesalonia 1:10

Diba lok ka na lumumuat ap mo laaleng ne Iesu naba si ukopok la limixin axap teren diba emi asu min la diba lok ngangao ren. La nemi bok miba emi asu min, mila miga siam kaka Lagale Lavavang maga tong asu i rinimi.

1 Timoti 1:13

Keke i do gano migomgo aga paase vupu rin, la agap sep limixin teren, la agak lox asongot di. Ketla ne Moroa ga lox asuusu lebelemumu ren tia, mila nenia agoxoklen levempanga salai gak mokso la goxopmen tunuunu rak.

Ibru 7:25

Kuren la neni i epovo na lox arooro rinotno nedi di vosiga ne Moroa, mo do dina nuunu sogo at ne Iesu; mila ne Iesu naba nemen amisik saparap ne Moroa la na ngising i xusu na lok tooro di.

1 Pita 3:20

Nedi labaroonan at na limixin digang tonga xepe ne Moroa at levenaleng neni ga ngangais atnaasan nedi at levenaleng ne Noa ga gugu lavattaaxup teren. Keneng teren ga lavanuan mun nedi diga roo suu basinge laran,

2 Pita 3:15

Mina doxoma avukat do Leeme Silok atnedik i ngangais mi lumulus, kusu limixin dina roo suu; i ngan pam neton orong atnedik ne Pol ga malagan tinemi mi lakleklen at ne Moroa ga raba i min.

2 Pita 3:9

Leeme Silok kopmen nak lok sila rik lok levempanga neni gara tong li vam i xuren, na ngan tepentaba go dim doma i xuren. Ketla neni ik lox atnaasan nemi, mila neni i xopara i xusu teta na seeve; neni i vara i xusu limixin axap dina leeng basinge laxapmek atnedi.