1 Timoti 1:15 - Madak

¹⁵ Anai levelinga ruturun tidik, ata siam ka i la ata nuunu bok teren. Iesu Karisito ga si ude xopok at na lavatbung menemen kusu ri lox arooro limixin kapmek. Loklok kakapmek tarak i silok aleng ti loklok kakapmek atnedi.

1 Timoti 1:15 Iomraidhean Croise

Metiu 1:21

Neni naba visik lamdak temes la uba so asen i mi ne Iesu, (Lavasuun teren do laradi loklox arooro) mila neni naba lox arooro limixin teren basinge laxakapmek atdi.”

Metiu 18:10

La ne Iesu ga lok bok tidi, “Nemen mita sok tixirixes kepe tara at na laxamdak kakalik mila lubung angelo atdi dit pot pasa amisik ne Tamak to vana at laxalibet. Nia a tong tuturun i.

Metiu 18:11

[La nenia, Laradi Mevana, aga vot kusu ana puse rinedi diga soogong la ana lox arooro di.”]

Metiu 20:28

Nenia Laradi Mevana la loklok tarak ik lok bok kuren. Nia xopmen a goxo vot kusu limixin dina ba lok ngan lavasaxaruki rak. Ketla nia aga vot kusu ana lok ngan lasaxaruki ridi, la kusu ana raba lorooro rak ngan laxaavuk tidi buaang limixin.”

Metiu 9:13

La minat pas la minaklen ka lavasuun at na levelinga keneng at Lovoang Kaala i lok keretna, ‘Nia axopara levelaplavang, a vara i xusu mina lox asuusu lebelemumu.’ Ose 6:6 Nia aga rupot kusu ri ro xaka limixin bilinga kusu dina leeng, la kopmen nia a goxo rupot kusu rinedi limixin mokmokso.”

Lagale Lavavang At Ne Iesu Karisito Mak Ga Malagan I 2:17

La ne Iesu ga ronga i nom la ga lok tidi xeretna, “Limixin di lox avukat, kopmen dinak pakes ti loklok tooro, ketla nedi xusuk mun dik meres. Aga rupot kusu ri ro xaka limixin kapmek dikpakes kusu dina leeng, la nia goxo rupot kusu rinedi limixin mokmokso.”

Lagale Lavavang At Ne Iesu Karisito Luk Ga Malagan i 15:2

La lubung Parisi eburu mi luvuttadi loklox ase at Lenavolo diga paase ngunungun mu ne Iesu. Diga lok, “Ana laradi ik lox avukat ti limixin kapmek la neni i anan eburu bok midi!”

Lagale Lavavang At Ne Iesu Karisito Luk Ga Malagan i 19:10

La kerepmo, nenia, Laradi Mevana, aga vot kusu ana puse rinedi diga soogong la ana lox arooro di.”

Lagale Lavavang At Ne Iesu Karisito Luk Ga Malagan i 5:32

Aga rupot kusu ri ro xaka limixin bilinga kusu dina leeng, la kopmen nia a goxo rupot kusu rinedi limixin mokmokso.”

Lagale Lavavang At Ne Iesu Karisito Jon Ga Malagan I 1:12

Ketla nedi diga siam ka i la diga nuunu ren, ni ga lok li nedi ngan tinotno luvutnitna ne Moroa.

Lagale Lavavang At Ne Iesu Karisito Jon Ga Malagan I 1:29

Ap mo manga lara laaleng Jon ga ven ne Iesu gat pas go boro, la ni ga vaase xeretna, “Pen ba i, ni nom Lanasip at ne Moroa naba doxoma xepe laxakapmek at limixin at na lavatbung menemen kopok.

Lagale Lavavang At Ne Iesu Karisito Jon Ga Malagan I 12:47

Do tara na ronga levelinga rak la kopmen na ronga res teren, nenia noxo lok li i at lavapaase, mila aga vot ti lox arooro limixin, la kopmen do ti lok li di at lavapaase.

Lagale Lavavang At Ne Iesu Karisito Jon Ga Malagan I 3:36

Do nege i nuunu at ne Nitna ne Moroa, neni naba ruuna ka lorooro avolo; la nege do i ronga xepe ne Nitna ne Moroa, neni noxo ruuna ka lorooro avolo la lebelemamao at ne Moroa ik lok mu amisix i.”

Leven Gugu 11:1

Luvuttadi vavang la luvuttadi nuunu at lengkot axap Judaia diga ronga i do limixin kopmen di me Judaia bok mo diga siam ka vam levelinga at ne Moroa.

Leven Gugu 11:18

Diga ronga i na la lodoxoma atdi ga lok mulus la diga emi asu mi ne Moroa. Diga lok, “Moroa ira suang pam langas ti lorooro xusu limixin kopmen di me Judaia, dina leeng basinge laxakapmek atnedi la dina ruuna ka lorooro maxat.”

Leven Gugu 3:26

La kerepmo ne Moroa ga soxolik ka lasaxaruki ren la ga sak tiki i udo parap nemi avot kusu na lox anarong nimi xeretna; ni na lok nimi xusu mina ven kibis laxakapmek atnimi la mina leeng basinge laxakapmek atnimi.”

Lovoang At Ne Pol Ti Limixin Nunu to Rom 11:14

Nia a lok do mo lugugu rak naba lok bok limixin tinotno rak dinaba vaase mumu ia, kuren la anaba lox epovo i xusu ana lok ka amlong teventaba atdi.

Lovoang At Ne Pol Ti Limixin Nunu to Rom 5:6

La at levenaleng nedik move digoxo ruuna tololos, ne Karisito ga met tinedi limixin kapmek, at loxonaleng ne Moroa ga vit li i.

1 Korin 15:9

La nenia a lok ngan laradi gamasa maxopok atnedi luvuttadi vavang. Kopmen ana epovo xusu limixin dina tong ia do laradi vavang, mila nia agap sev asongot limixin nuunu at ne Moroa.

Epesas 3:8

Nenia laradi lixilik tinedi axap limixin at ne Moroa, ketla neni ga lox asu letaba nabalamu ren tia kusu nenia ana vavang mi ne Karisito, ni i lok ngan lapnovos i silok aleng la kopmen tara i epovo na vuse ka tempanga silok kerekngan neni. La a vavang ti limixin kopmen di me Judaia,

1 Timoti 1:13

Keke i do gano migomgo aga paase vupu rin, la agap sep limixin teren, la agak lox asongot di. Ketla ne Moroa ga lox asuusu lebelemumu ren tia, mila nenia agoxoklen levempanga salai gak mokso la goxopmen tunuunu rak.

1 Timoti 1:19

la ubam tebeng lolos lunuunu la u noxo suma loklok mamangan at lorooro ram. Leventaba luvuttadi diga ronga xepe na levelinga, la diga lok kapmek pam lunuunu atdi.

1 Timoti 3:1

Anai ni levelinga ruturun; mo do tara i vara i do na xip ka lugugu at laradi gomgo at lotu, neni i vara lavanga avukat.

1 Timoti 4:9

Na levelinga i ruturun, ata siam ka i la ata nuunu ren.

1 Timoti 6:13

At lemeren ne Moroa, neni im taba lorooro ri levempanga axap, la at lemeren ne Iesu Karisito, mo ga vaase mi luruturun to melamgo at ne Pontias Paelat; a sing lolos u do

2 Timoti 2:11

Na levelinga i ruturun; “Do dik taga met buru vam min, dik ataba roo xat eburu bok min.

Taitas 3:8

Na levelinga mumu loklox arooro at ne Moroa i ruturun; la una lolos ti tong asu amisix i ri limixin nuunu me Krit, kusu dina lolos ti lok leven gugu nunuan. Na leven gugu nunuan i lox avukat la i lok tooro limixin axap.

Ibru 7:25

Kuren la neni i epovo na lox arooro rinotno nedi di vosiga ne Moroa, mo do dina nuunu sogo at ne Iesu; mila ne Iesu naba nemen amisik saparap ne Moroa la na ngising i xusu na lok tooro di.

1 Jon 3:5

La nemi mikleklen i do ne Iesu ga rupot kusu ri lox asepmus limixin basinge laxakapmek atdi. La kopmen taxapmek nak lok at ne Iesu.

1 Jon 3:8

Do tara ik lox amisik laxakapmek, neni at ne Satan, mila ne Satan ga lok laxakapmek, ga ru ka i ganoxa at lereot. Lavasuun at lovotpot at ne Nitna ne Moroa do neni na sele utut kepe lugugu at ne Satan.

1 Jon 5:11

Mo levelinga i lok keretna, Moroa ga raba vam dik mi lorooro avolo, la langas ti mo lorooro i nemen at lekngen ne Nitna.

Lisilimet 21:5

La mo Laradi gat kis at loxot kitkis teren ga lok, “Monga ana lox amaxat lempanga axap.” La ni ga lok bok tia xeretna, “Una malagan i na mila na levelinga i ruturun la i epovo do limixin dina nuunu ren.”

Lisilimet 22:6

La laangelo ga lok tia, “Na levelinga i ruturun amet la i epovo do limixin dina nuunu ren. La Leeme Silok, ne Moroa im taba Loroonan Kaala ren ti lavaeme vapaase alii ren la ni ga riki laangelo ren kusu na lox ase lavasaxaruki ren mi lempanga salai naba vot soso.”

Lisilimet 5:9

La nom lavanuet levempanga rooro eburu minedi loxongkulao amgomgo diga vixan lara loxompixan maxat, i lok keretna, ‘Nenu u epovo rinotno xusu una lok ka lugun linga la una ba kaxat kepe mo levelumlut teren mila limixin diga sev amer u; ketla uga roo xat amlong la at nom mun lada ram uga un ka amlong limixin ti ne Moroa. Nedi at levenabung mixin axap la boro bok at levempapaase vetpes, la boro bok at lenbantuxu vetpes, la boro bok at larabibinat petpes.