1 Korin 13:3 - Madak

³ La do ana raba xape axap levempanga rak kusu ri lok tooro limixin banbalo, la ana siam kape mi labantuxu rak kusu dina xotos i ro at laxao, ketla kopmen tabalamu na nemen tarak, nom axav i, noxo lok tooro ia.

1 Korin 13:3 Iomraidhean Croise

Lagale Lavavang At Ne Iesu Karisito Jon Ga Malagan I 15:13

Do tara na soxepe lorooro ren ti lok tooro larapen tangas teren, nom i lox asuusu i do labalamu ren i silok aleng.

Metiu 23:5

Lempanga axap dik lox i xusu limixin diba reven di la dina emi asu midi. Lavasuun mun at nai dik lok lengkonbokis lixilik tik lok li levelinga at ne Moroa ro xeneng teren; la mo lengkonbokis i silok ti mo lengkonbokis at limixin. La ding siga levempanga singsiga ri loxonaleng singising la dik lox asuusu i do di baalom aleng kusu dina lox ase limixin do nedi limixin tuturun.

Galesia 5:26

Nemen gat nedik guta simi aurut nedik kopla ata velox abelemamao ela minedik kopla ata reven peves mumu lempanga vetpes at lentaba atnedik.

Lagale Lavavang At Ne Iesu Karisito Luk Ga Malagan i 18:28

La ne Pita ga lok, “Kereva ba nama, maga on basinge vam lempanga axap atnama kusu manaba mumu asu u.”

Ibru 13:9

Nemen gat mitang tonga nedi di lox ase nimi mi levenanasa vetpes, mo ba sar asoogong nimi basinge lunuunu atnimi at ne Iesu. I lox avukat do mina lok ka letaba nabalamu eburu mi loklok tooro at ne Moroa xusu mina lox alolos lebelen nimi. La mina ke xepe mo leveloklok at Lenavolo mumu leveluxa salai ri anan la leveluxa salai kopmen ti anan; na loklok noxo lok tooro lorooro atnedi di mumu asu i.

1 Timoti 4:8

Lugugu at labantuxu i lox asuusu loklok tooro ri labantuxu; ketla leveloklok at Loroonan at ne Moroa, naba lox asuusu leventaangas axap i nunuan, la uba ruuna ka lorooro avukat at na lorooro xopok la at lorooro melemu bok.

Lagale Lavavang At Ne Iesu Karisito Jon Ga Malagan I 12:43

Diga vavara aleng i xusu limixin dina emi asu midi; la di goxo doma solo mumu leemi asu boro at ne Moroa.

Lagale Lavavang At Ne Iesu Karisito Luk Ga Malagan i 18:22

Se ne Iesu ga ronga i na, neni ga lok tin, “Uk pakes bok kusu una lok legesa vanga. Una sesep mi lempanga axap taram la una raba lempilas ti luvuttadi banbalo, la unaba ruuna ka lapnovos to vana at laxalibet; la ude u la una mumu asu ia.”

Leven Gugu 21:13

Ketla ni ga lok, “Lai nom nemi mik lox i, ming teng keretnom la mirak lox abulu lorooro rak? Nia a gagas pam kusu dinaba xoxo ia. La nia a gagas bok kusu ri met mo go Jerusalem kusu ri xip aurut laasen at Leeme Silok ne Iesu.”

Lagale Lavavang At Ne Iesu Karisito Jon Ga Malagan I 13:37

Pita ga sue box i, “Ua lavasuun teren la monga nia axo epovo na mumu asu u? Nia aba met nov u.”

Lagale Lavavang At Ne Iesu Karisito Jon Ga Malagan I 6:63

Loroonan Kaala im taba limixin mi lorooro; levenuut kusuk mun kopmen na epovo na lok tooro di. Levelinga nenia a vaase vam nimi min, neni levelinga at Loroonan kaala la at lorooro.

Lagale Lavavang At Ne Iesu Karisito Luk Ga Malagan i 19:8

Sakias ga ru ro melamgo at limixin la ga lok ti ne Iesu, “Leeme Silok. Aba raba loxot atat at lempanga rak ti limixin banbalo; la do nenia agara xip pilo vam tavanga, aba un amlong i rin na vanuet.”

Pilipai 2:3

Nemen mita doma i do mina lox asilok nimi, ketla mina lox asi nimi maxopok at limixin; amisik mina doxoma mumu nunuan nedi avot la melemu ba nemi, la mina umsu mi langsangan loklok ngangao.