1 Korin 1:4 - Madak

⁴ Do nia a ngising, a tong loklox avukat amisik ti ne Moroa mumu nimi, mila ni ga raba nemi mi letaba nabalamu ren keneng at laasen at ne Iesu Karisito;

1 Korin 1:4 Iomraidhean Croise

Metiu 19:11

La ne Iesu ga lok, “Na laanasa rik lok naa kopmen na vung pavaa limixin axap, ketla tinedi xusuk mun ne Moroa i raba nedi min.

Lagale Lavavang At Ne Iesu Karisito Jon Ga Malagan I 10:30

Nema’ mi ne Tamak ma lok ngan legesara.”

Lagale Lavavang At Ne Iesu Karisito Jon Ga Malagan I 14:14

Minaba ngising ti levempanga nemi mi vara rin keneng at laasen tarak, la nia anaba lox i.

Lagale Lavavang At Ne Iesu Karisito Jon Ga Malagan I 14:16

La ne Iesu ga lok bok, “Nia anaba sing ne Tamak, la neni naba raba bok nemi mi lara laradi loklok tooro, la neni naba nemen eburu amisik minimi.

Lagale Lavavang At Ne Iesu Karisito Jon Ga Malagan I 14:26

Ketla laradi loklok tooro, ni Loroonan Kaala ne Tamak naba riki i xeneng at laasen tarak. Neni naba anasa nimi mi levempanga vipis axap la naba vaase aronga nemi ri levempanga agara tong pam i rinimi.

Lagale Lavavang At Ne Iesu Karisito Jon Ga Malagan I 15:26

La ne Iesu ga lok bok tidi, “Laradi loklok tooro naba vot; neni Loroonan at luruturun, la ni naba si boro vana at ne Tamak. Aba sak tiki i saparap nimi boro at ne Tamak, la neni naba tong asu levelinga mumu ia.

Leven Gugu 11:23

Ni ga rupot la ni ga ven i do ne Moroa ga lox aumsu mo limixin mi letaba nabalamu ren. Ni ga lok momo la ga vaase lolos tinedi axap kusu dina tu lolos mi lunuunu la luruturun atnedi saparap Leeme Silok mi lodoxoma atdi axap.

Leven Gugu 21:20

Melemu at levelinga at ne Pol, limixin diga emi asu mi ne Moroa. La diga lok ti ne Pol, “Neton nama. U ven i do, buaang limixin me Judaia di nuunu, la nedi dim tebeng lolos Lenavolo.

Lovoang At Ne Pol Ti Limixin Nunu to Rom 1:8

Avot be, nia a tong loklox avukat ti ne Moroa rak keneng at ne Iesu Karisito rinemi axap, atla limixin at lengkot axap at na lavatbung menemen di ronga levelinga mumu nom lunuunu atnemi.

Lovoang At Ne Pol Ti Limixin Nunu to Rom 6:17

Ketla a tong loklox avukat tinotno ri ne Moroa. Gano nemi migak lok ngan lavaanat saxaruki at laxapmek; ketla melemu ren mi lorooro axap atnemi, miga ronga res at levelinga ruturun miga ronga i.

1 Korin 1:3

Letaba nabalamu mi lenmila rinimi boro at ne Temen nedik la Leeme Silok ne Iesu Karisito.

1 Timoti 1:14

La Leeme Silok atdik ga sobang asi mo letaba nabalamu ren mavana rak la ga raba box ia mi lunuunu la labalamu, no i ravasu at ne Iesu Karisito.