1 Jon 4:4 - Madak

⁴ Luvutnuruk orong. Nemi limixin at ne Moroa. Mira ke xepe vam lavaeme vapaase xaxarang atla ne Moroa i nemen keneng atnemi la lololos teren i volo lololos at ne Satan, neni lamgomgo at limixin at na lavatbung menemen.

1 Jon 4:4 Iomraidhean Croise

Lagale Lavavang At Ne Iesu Karisito Jon Ga Malagan I 12:31

Mo nga loxonaleng kusu ne Moroa na ila mumu loklok at limixin at lavatbung menemen; la ne Moroa naba lox axap lololos at ne Satan, neni lamgomgo at na lavatbung menemen.

Lagale Lavavang At Ne Iesu Karisito Jon Ga Malagan I 14:30

Anoxo vaase babaalom eburu bok minimi mila laradi gomgo at na lavatbung menemen monga na vot. Kopmen tololos teren mavana rak.

Lagale Lavavang At Ne Iesu Karisito Jon Ga Malagan I 16:11

Neni naba lox ase di do laaleng ete at ne Moroa naba vot, mila laradi gomgo at na lavatbung menemen, ne Moroa ira lok li vam i at lavapaase la ira li lumumuat mavana ren.

Lagale Lavavang At Ne Iesu Karisito Jon Ga Malagan I 17:23

Nenia xeneng atdi la nenu xeneng tarak, kusu nedi diba tu buru rinotno, la limixin at na lavatbung menemen dibaklen i do nenu ga riki ia la uga balamu di ngan mun u balamu ia.

Lovoang At Ne Pol Ti Limixin Nunu to Rom 8:31

Melemu at na ataba tong kaka lavanga salai? Do ne Moroa na tu eburu minedik, nege i epovo xusu na vas asi nedik?

Lovoang At Ne Pol Ti Limixin Nunu to Rom 8:37

Keneng at na levempanga axap, dik digara lok ka vam lixitkis nunuan mumu langas at laradi ua i balamu nedik!

1 Korin 2:12

La nedik, kopmen dik ta goxo ruuna ka mo lodoxoma at limixin mede xopok at na lavatbung menemen. Ketla nedik taga ruuna ka Loroonan Kaala ne Moroa ga riki i ri lox ase dik, kusu atabaklen leveloklox anarong, ne Moroa ga raba gamasa vam dik min.

1 Korin 6:13

La lentaba diba lok keretna, “Moroa ga lok levenbelen dik ti leveluxa la ga lok leveluxa ri lox aumsu levenbelen dik.” I ruturun, ketla ne Moroa naba lox asonao buru labantuxu mi lengkot teren. I ruturun bok do labantuxu atdik kopmen tik lok laxakapmek maxamang at lixitkis epot, ketla ne Moroa ga rudum li dik kusu ata emi asu mi Leeme Silok; la Leeme Silok axa ik lok tatao labantuxu atdik.

2 Korin 4:4

Dixo nuunu mila levendomdoma atdi, lomoroa at na lavatbung menemen iram tu kobot pe vam i. La neni i tu kobot pe mo laxasep at Lagale Lavavang kusu noxo soosoo axasep di, mo laxasep i susu boro at lisisixam at ne Karisito, neni lampenaxa at ne Moroa.

2 Korin 6:16

Lumukmulus naba vot kereva at loogu laplavang at ne Moroa eburu mi laxampoovo vanga? Mila nedik axa laraugu laplavang at ne Moroa, neni i rooro; la ne Moroa xa ga tong i xeretna, “Abak lox eburu midi la anat pas kantubu atdi, la nenia ba ngan ne Moroa atdi la diba lok ngan limixin tarak.

Epesas 2:2

mo ga umsu at lorooro atnimi ap mo levenaleng miga mumu asu leveloklok at na lavatkangka la levelinga at laradi gomgo, ne Satan, ik lok to vana at lamavangkap, la na loroonan kapmek i gugu keneng at limixin tongtonga xepe.

Epesas 3:17

La at lunuunu atnemi, ne Karisito naba nemen to at lebelen nimi. La a sing ne Moroa do mina umsu mi labalamu kusu lunuunu atnimi na tu lolos, kerekngan levenixe at luuna ing tanga alis laxangka la luuna ira tu lolos;

Epesas 6:10

Ti lox axap na lovoang. Mina lox alolos lorooro atnimi keneng at Leeme Silok la mina lok kaka lololos teren i silok pologat.

1 Jon 2:1

Luvutnuruk orong. Nia a malagan na levelinga rinemi kusu mi noxo lok taxapmek. Ketla do tara na lok laxakapmek, ne Iesu Karisito neni Leeme Mokmokso naba lok tooro i, naba sing saparap ne Moroa ne Temen dik, kusu ne Moroa naba doxoma xepe mo laxakapmek teren.

1 Jon 2:13

Nenia a malagan na lovoang tinemi limixin mukun. Lavasuun teren keretna, nemi miklen ne Iesu Karisito mo gak lok ganoxa at lereot. Nenia a malagan na lovoang tinemi limixin maxat. Lavasuun teren keretna, nemi mira on basinge vam loklok kakapmek at ne Satan. Nia a malagan na lovoang tinemi luvutnuruk orong. Lavasuun teren keretna, miklen ne Moroa, ne Temen dik.

1 Jon 3:20

Do nedik ata suma xapmek ap mo laaleng mumu laxakapmek nedik ga lok pam i gano, ata xasep do nedik limixin at ne Moroa, la neni noxo lok li lumumuat atdik, mila ne Moroa noxo doma solo mo lusumsuma atdik la ikleklen lempanga axap la naba doxoma xepe laxakapmek atdik.

1 Jon 3:24

Do tara i mumu asu levelinga at ne Moroa, neni it kis esogo mi ne Moroa la ne Moroa it kis esogo min. La nedik takleklen i do ne Moroa it kis esogo midik mila neni ga raba dik mi Loroonan Kaala ren.

1 Jon 4:13

Nedik di xasep dola nedik di rooro at ne Moroa la ne Moroa i rooro atdik, atla ni ga raba vam dik mi Loroonan Kaala ren.

1 Jon 4:16

La nedik axa takleklen i do ne Moroa i balamu dik la kerepmo ta xasep do ik lok tatao dik. Moroa neni laradi balamu la do tara i rooro keneng at labalamu, ni i nemen keneng at ne Moroa la ne Moroa i nemen keneng teren.

1 Jon 4:6

Ketla nedik limixin at ne Moroa, la mo do lara ikleklen ne Moroa, neni bang tonga res atdik. La mo lara do kopmen neni at ne Moroa, neni noxong tonga res atdik. La kerepmo i epovo ta ven kibis i do nege i ruuna Loroonan Tuturun, la nege i ruuna loroonan kaxarang.

1 Jon 5:19

Nedik takleklen i do nedik limixin at ne Moroa, la limixin at na lavatbung menemen kopmen dina nuunu at ne Iesu Karisito, di nemen maxopok at lololos at laradi xapmek, ne Satan.

1 Jon 5:4

Do tara i ruuna ka vam livipisik amaxat at lorooro ren keneng at ne Moroa, i lox asuusu i do neni ira on basinge vam leveloklok at na lavatbung menemen. Do tara i nuunu at ne Iesu, na i lox asuusu i do neni ira on basinge vam loklok at na lavatbung menemen.

Lisilimet 12:11

La luvutneton nedik dira sak tup pam mi ne Satan mila diga nuunu at lada at Lanasip la at lempapaase ruturun at ne Moroa, mo levelinga diga tong asu i la di goxo marat mi lorooro atdi, diga gagas kusu dina met.