1 Jon 4:1 - Madak

¹ Larapen tangas orong tarak. Nemen gat mita rebeng alis soso levenanasa atnedi di tong i do di ruuna Loroonan Kaala; ketla mina viila mumu avot be levenanasa atdi do i sixit epovo mi levenanasa at ne Moroa. Mina lox i xuren atla buaang lavaeme vapaase xaxarang dit pas tangtagap at lengkot axap.

1 Jon 4:1 Iomraidhean Croise

Lagale Lavavang At Ne Iesu Karisito Mak Ga Malagan I 13:21

Ap mo levenaleng nemen gat mita nuunu at levelinga at tara na lok tinimi xeretna, ‘Mina ven ba i, neni nga na Lanarong!’ Kopla na lok, ‘Neni nga no!’ Nemen mita nuunu at nom levelinga atdi;

Lagale Lavavang At Ne Iesu Karisito Luk Ga Malagan i 12:57

Iesu ga lok bok, “Tila mi xopara i do mina mumu asu loklok nunuan la mirak lok li amisik limixin at lavapaase?

Lagale Lavavang At Ne Iesu Karisito Luk Ga Malagan i 21:8

La ne Iesu ga lok, “Mina lok tatao avukat nimi; lavanga tara na xarang nimi mumu na lempanga, mila buaang nedi luvuttadi dibat pas mi laasen tarak la diba lok, ‘Nenia Lanarong!’ La diba lok bok, ‘Laaleng at lovotpot at Leeme Silok mo ia vot auret ta.’ Ketla nemen mita mumu asu di.

Leven Gugu 17:11

Limixin me go diga lox avukat aleng mila diga siam ka levelinga atdu; di goxo ronga xepe levelinga at ne Moroa kerekngan limixin to Tesalonia. Diga ronga mo levelinga mi langsangan lomomo, la at levenaleng axap diga utus avukat levelinga at Lovoang Kaala, kusu dina ven i do levelinga at ne Pol ga ruturun.

Leven Gugu 20:29

Aklen i do melemu at loxonaleng nia ana onon, limixin kapmek diba rupot kantubu atnimi, diba lok ngan lubungman atat la diba lok kapmek lunuunu at lentaba atnimi.

1 Korin 12:10

La Loroonan Kaala i raba lara mi lololos ti lok levempanga sangsangu; la ti lara vetpes manga i raba i mi laramtaba ri paase alii; la ti lara manga laramtaba xusu na ila levelinga dola ila meva, boro at Loroonan Kaala xopla xopmen. La ti lara manga Loroonan Kaala i raba i mi laramtaba ri paase mi levempapaase vetpes; la ti lara i raba i mi laramtaba xusu rik soxomus lavasuun ap mo levempapaase vetpes.

1 Korin 14:29

Legepura xopla lavantun mo dira gagas pam kusu dina vaase asu levelinga at ne Moroa, la leventaba vetpes dinat kis atnaasan la dina ila mumu mo levelinga do ni levelinga ruturun pam at ne Moroa xopla xopmen.

1 Tesalonia 5:20

Nemen mitang tonga xepe levelinga atnedi di vavang tinimi.

1 Tesalonia 5:21

La mina lok tong pen levempapaase maxat; minam tebeng lolos mo levelinga i lox avukat

2 Tesalonia 2:2

do nemen mita lok bukbulu soso kopla mita rakdu at levelinga leventaba di tong i do mo laaleng at lovotpot at Leeme Silok ga rupot pam. Leventaba diga xarang nimi do na levelinga ni lavapaase alii boro atnama kopla maga lox aonon i saparap nimi ro xeneng at lovoang maga malagan i rinimi.

1 Timoti 4:1

Loroonan Kaala i vaase axasev i do leventaba dinaba soxope lunuunu atnedi at na levenaleng i tu melamgo; diba ronga res at labaroonan kaxarang la diba mumu asu leveloklox ase at lubunggas.

2 Timoti 3:13

Ketla nedi limixin kapmek mi limixin pereven ka dinaba lok kapmek aleng, la diba xarang limixin la limixin petpes diba xarang nedi.

2 Pita 2:1

Luvuttadi vapaase alii xaxarang diga ravasu gano xeneng at limixin me Israel, la lavaeme loklox ase xaxarang bok, dinaba ravasu xa maxeneng atnemi. La dinaba lox abeles nemnem levenanasa xaxarang kusu ri lox asubu lunuunu atnimi. Dinaba sok tixirixes Leeme Silok mo ga un kaka amlong nedi, kuren la nedi xa dinaba ekip tangarang soso mi labaava.

1 Jon 2:18

Luvutnuruk orong. Levenaleng kavaxap at na lavatbung menemen ira rupot pam. Gano nemi miga ronga levelinga do laradi munepen ba rupot, la buaang atdi dira rupot pam. Kuren la nedik diraklen i do levenaleng kavaxap i rupot pam.

1 Jon 2:7

Larapen tangas orong tarak. Na levelinga a malagan li vam i, kopmen leretere maxat. Levelinga ganoxa min, la miga ruuna ka i at lurutu kaxat at lunuunu atnimi saparap ne Iesu Karisito, la mo levelinga migara ronga vam i ni levelinga me migomgo.

2 Jon 1:7

Buaang nedi luvuttadi sosolo arup diga vas epeseves su uto at na lavatbung menemen. Mo limixin kopmen na tong asu i dola Iesu Karisito ga vot ngan laradi ruturun. Luvuttadi xerepmo nedi lavaanat sosolo arup, la di munepen mi ne Karisito.

3 Jon 1:11

Lentangas tinotno rak. Nemen gat uguta mu asu loklok at luvuttadi xapmek; ketla una mu asu leveloklox avukat. Do nege i lok leveloklox avukat, neni at ne Moroa; la do nege i lok laxakapmek, neni kovisi na ven kibis ne Moroa.

Lisilimet 2:2

Akleklen lorooro atnimi, la aklen bok leven gugu lolos atnimi la aklen i do mi tu lolos kantubu at levesongsongot mo nemi mip kiv i. Aklen box i do mixo esuxun mi limixin kapmek, la mira lok tong pen pam nedi di lok do nedi mo luvuttadi vavang, ketla mira long lenget ka i do nedi limixin kaxarang.