1 Jon 3:3 - Madak

³ Nedi axap di ngangais mi lomomo ti mo laaleng, amisik di lok kepe laxakapmek at lorooro atdi kusu dina dadat basinge laxakapmek la lorooro atnedi naba dadat axap kerekngan ne Iesu.

1 Jon 3:3 Iomraidhean Croise

Metiu 5:48

Kuren la mina nemen manmanton kerekngan mun ne Temen nemi no vana at laxalibet in manton.”

Lagale Lavavang At Ne Iesu Karisito Luk Ga Malagan i 6:36

Mina balamu limixin axap, kerekngan mun ne Temen nimi ne Moroa i balamu limixin axap.”

Lagale Lavavang At Ne Iesu Karisito Jon Ga Malagan I 17:19

La ana raba lorooro rak kusu ri lok tooro di la kusu nedi bok diba raba ruturun lorooro atnedi ri lugugu rak.”

Leven Gugu 15:9

Moroa ga lok legesa ngas mun ti lorooro rinedik limixin me Judaia la tinedi limixin kopmen di me Judaia; ni ga gos amaxat lebelen di mila diga nuunu ren.

Lovoang At Ne Pol Ti Limixin Nunu to Rom 15:12

La ne Aisaia i vaase bok keretna, “Lara at livipisik li at ne Jesi naba vot; la neni naba ravasu xusu ri lok tatao limixin kopmen nedi me Judaia, la dinaba lok li levendoxoma atnedi ren.” Ais 11:10

2 Korin 7:1

Larapen tangas orong tarak. Na levelinga a tong pam i, ni levengkakaape ne Moroa ga lox i ridik; kuren la ata lox adadat dik basinge leveloklok kakapmek axap, mo i lox abilinga labantuxu la labaroonan atdik, la ata lok ka luruptuvuk i xaala, mi loklok ngangao atdik ti ne Moroa.

Kolosi 1:5

Na lunuunu la labalamu atnimi i nemen lolos at lorooro atnimi, mila mi ngangais mi lomomo ri mo leveloklox anarong i nemen tangais nimi ro vana at laxalibet; mo leveloklox anarong miga ronga vam i ap mo levenaleng diga vavang mi levelinga ruturun tinimi, mo levelinga ni Lagale Lavavang.

2 Tesalonia 2:16

Lisingising atnama i lok keretna. Leeme Silok atdik, ne Iesu Karisito la ne Moroa ne Temen nedik duga balamu nedik, la duga raba dik mi levelinga loklok tooro, naba nemen amisik la duga raba dik mi lodoxoma voovo ti lorooro avolo.

Taitas 3:7

Kuren la ne Moroa ga lox asuusu letaba nabalamu ren tidik, la kerepmo diga tong i do nedik limixin mokmokso; la kerepmo nedik ta lok ngan laxamdak teren la dik tanaba ruuna ka lorooro avolo.

Ibru 12:14

Mina lolos kusu mina nemen at lumulum eburu mi limixin axap, la mina nemen mokmokso, mila do tara noxo ruuna loklok mokmokso, neni noxo ven ne Moroa at lorooro melemu.

Ibru 6:18

Legepu vanga mo ik lok kusu na lox amuat levelinga ren, i lok keretna; lavapaase alii ren la lavangpangpe ren, la ixo epovo do ne Moroa na xarang limixin. Kuren la ne Moroa ga lox i na xusu na lox alolos lunuunu atnedi diga on basinge laxakapmek kusu dina rebeng kaka mo levempanga nunuan ne Moroa ga vaase alii min.

Ibru 7:26

Lamaasa gomgo xerepmo i lox epovo lavakpakes atdik; luruptuvuk teren i nunuan axap, neni xopmen goxo ronga xepe levelinga at ne Moroa, goxopmen taxakapmek gak lok teren. Ap mo levenaleng neni ga nemen de at na lavatbung menemen neni goxo vubeles ti laxakapmek eburu mi limixin kapmek; la melemu ne Moroa ga lox asilox i ro vana at laxalibet.

Jems 4:8

Nemi mina nemen auret ne Moroa la ni naba nemen tino eburu minimi. Nemi luvuttadi at laxakapmek, lorooro atnimi na maxat bilong, i ngan laradi i gos lukngen la ira maxat manga. Nemi mi ruuna legepu doxoma, mina lok pes nom levendoxoma xapmek basinge lorooro atnimi.

1 Pita 1:15

La levempanga minak lox i, minak lox i eburu mi lorooro axap atnemi nan manton; atla ne Moroa neni ga ro xaka nemi, neni in manton.

1 Pita 1:3

Ata emi asu mi ne Moroa neni ne Temen, Leeme Silok atnedik ne Iesu Karisito, mumu mun lebelemumu silok teren tinedik, la neni ga lox arooro xaka amlong ne Iesu Karisito basinge lanmet kusu ri raba nedik mi lorooro maxat. La nai, ik suxa nedik mi lodoxoma voovo ri lorooro avolo.

2 Pita 1:4

Keneng at na lempanga, neni gara raba vam nedik mi leventamtaba i nunuan aleng, neni ga tong li i rinedik, kusu na leventamtaba naba beng pe nemi basinge levendoxoma xapmek at na lavatkangka la lavavara xapmek, la kusu na leventamtaba naba lam kaka nemi xusu minaba ruuna xaka luruptuvuk nunuan la minak mokso kerekngan neni.

2 Pita 3:14

Kuren la, larapen tangas orong tarak, at na nga levenaleng mi ngangais mi lomomo ri mo laaleng, a vara i do, mina tu lolos kusu noxopmen toxot kakapmek kopla toxot ik token nak lok at lorooro atnimi, la minak lox eburu mi ne Moroa keneng at lenmila ren.

1 Jon 2:6

do taradi na doma i do lorooro ren ik lok keneng at ne Moroa, lavatpas teren na lok ngan tinotno ne Iesu Karisito.

1 Jon 4:17

At na mun langas labalamu at ne Moroa ik lox ampana avukat keneng at lorooro atdik kusu at laaleng ete ata noxo ruuna lanmarat, mila lorooro atnedik at na lavatbung menemen i lok ngan mun lorooro at ne Iesu.