1 Jon 2:1 - Madak

¹ Luvutnuruk orong. Nia a malagan na levelinga rinemi kusu mi noxo lok taxapmek. Ketla do tara na lok laxakapmek, ne Iesu Karisito neni Leeme Mokmokso naba lok tooro i, naba sing saparap ne Moroa ne Temen dik, kusu ne Moroa naba doxoma xepe mo laxakapmek teren.

1 Jon 2:1 Iomraidhean Croise

Sam 4:4

Mi guta ke gat lebelemamao na sat arup nimi at laxapmek, la mina ke xepe libilinga. Do minak midi at laraora atnimi, minak midi pilo la minam doma mumu avukat na levelinga.

Lagale Lavavang At Ne Iesu Karisito Luk Ga Malagan i 10:22

Tamak. Ura raba vam ia mi lempanga axap. Kopmen teta naklen nege Lamdak taram, ketla Tamak kusuk; la kopmen teta naklen nege ne Tamak, ketla Lamdak kusuk mun, la tinedi mun Lamdak i vara i kusu na lox ase di min.”

Lagale Lavavang At Ne Iesu Karisito Jon Ga Malagan I 10:15

kerekngan mun ne Tamak ikleklen ia, la nenia akleklen ne Tamak. La a gagas kusu ri met nop di.

Lagale Lavavang At Ne Iesu Karisito Jon Ga Malagan I 13:33

Luvutnuruk. Aba nemen eburu minimi at loxonaleng kakalik mun. La melemu miba reven tia, kerekngan nia aga tong pam i ri leme Judaia; kuren la a tong box i mo rinimi, mo loxot nia anat pas tin, ixo epovo do minat pas uve.

Lagale Lavavang At Ne Iesu Karisito Jon Ga Malagan I 14:16

La ne Iesu ga lok bok, “Nia anaba sing ne Tamak, la neni naba raba bok nemi mi lara laradi loklok tooro, la neni naba nemen eburu amisik minimi.

Lagale Lavavang At Ne Iesu Karisito Jon Ga Malagan I 14:6

Iesu ga vorang i rin, “Nenia langas, luruturun mi lorooro. Kopmen teta naba vosiga ne Tamak at tangas petpes, ketla atarak kusuk mun.

Lagale Lavavang At Ne Iesu Karisito Jon Ga Malagan I 21:5

Neni ga toro ridi xeretna, “Laxamdak. Kereva, mi sep ka tevenmat?” La diga vorang i rin keretna, “Kopmen.”

Lagale Lavavang At Ne Iesu Karisito Jon Ga Malagan I 5:14

Melemu ba, Iesu ga vas panga ka i ro xeneng at loogu laplavang la ga lok, “Una ronga i na. Monga u lox avukat pam. Una xap ta rik lok laxakapmek; lavanga tavanga i lok kapmek aleng ba vot parav u.”

Lagale Lavavang At Ne Iesu Karisito Jon Ga Malagan I 5:36

Ketla a ruuna levelinga mumu ia la i silok aleng ti levelinga ne Jon ga tong asu i. Leven gugu nia a lox i, ni leven gugu ne Tamak ga raba ia min; anai levempanga nia a lox i, i lox asuusu i do ne Tamak ga riki ia.

Lagale Lavavang At Ne Iesu Karisito Jon Ga Malagan I 6:27

Nemen mita gugu ri leveluxa ua naba sonao soso; ketla mina gugu lolos ti leveluxa i nemen amisik ti lorooro avolo. Na leveluxa, nenia, Laradi Mevana, anaba raba nemi min, mila ne Moroa ne Temen dik ira soxolik ka vam ia.”

Lagale Lavavang At Ne Iesu Karisito Jon Ga Malagan I 8:11

La mo latkin ga lok tin, “Kopmen teta, Leeme Silok.” Iesu ga lok tin, “Nenia bok kopmen ana vaxaru u at lavapaase. Una onon, ketla nemen uta lok bok ba taxakapmek.”]

Leven Gugu 7:52

Lavalabat atnimi diga lox asongot lavaeme vapaase alii axap. Digap sev amet luvuttadi at ne Moroa, no gano migomgo diga paase asu lovotpot at laradi mokmokso la lasaxaruki ren. Ketla nanga nemi miga song araba i ri limixin esep la miga sev amer i.

Lovoang At Ne Pol Ti Limixin Nunu to Rom 5:10

Nedik diga munepen mi ne Moroa, ketla neni ga vaxat ka buru nedik saparav i mumu lanmet at ne Nitna. La amo nga Moroa ga lok lumulum eburu minedik, i epovo rinotno do nedik ataba roo suu mumu lorooro at ne Karisito.

Lovoang At Ne Pol Ti Limixin Nunu to Rom 6:15

Nedik dixok lok maxopok at Lenavolo, ketla dik lok maxopok at letaba nabalamu at ne Moroa. Kuren la ataba lok ba lavanga salai? Kereva, nedik atanak lok laxakapmek? Kopmen tinotno!

Lovoang At Ne Pol Ti Limixin Nunu to Rom 8:34

Nege naba epovo xusu na lok li dik at lavapaase? Kopmen tara, atla ne Iesu Karisito, mo neni ga met la ga roo xat amlong bok, monga it kis at lekngen tino ne Moroa. La i ngising ne Moroa xusu na lok tooro nedik!

1 Korin 15:34

Minamlong ti levendoxoma nunuan atnimi la mina xap basinge leveloklok kakapmek atnimi, mila lentaba atnimi xopmen dina xasep nunuan at loklok at ne Moroa. A vaase i na xusu miba mangan.

2 Korin 5:21

Karisito neni xopmen taxakapmek teren, ketla ti lununuan tidik, Moroa ga lox i ga xip tutu mi laxakapmek atdik, kusu keneng teren ataba ravasu ngan limixin mokmokso at ne Moroa.

Galesia 4:19

Luvutnuruk orong! Nenia a suma losongsongot mumu nemi ngan latkin ing songot at laaleng pipisik teren, la anaba suma na losongsongot se at laaleng lorooro at ne Karisito naba suxuna axap nemi.

Epesas 2:18

Maxeneng at ne Iesu nema leme Judaia eburu minemi limixin kopmen me Judaia dik ta epovo na vot pasa ne Temen dik mi legesa doxoma la legesa Roonan Kaala.

Epesas 4:26

Do mina musak, nemen mita lok laxapmek; lumukmusak atnimi na xap avot ti laxangking na lotup.

1 Timoti 2:5

mila legesa Moroa mun, la legesa radi mun ik lok lumulum kantubu at ne Moroa mi limixin, neni ne Iesu Karisito.

1 Timoti 3:14

Nia a malagan na levelinga ru ketla a doxoma i do aba vot pasa soso box u.

Ibru 9:24

Karisito goxo lok lugugu ren to xeneng at loxot kaala limixin diga lox i; mo loxot ni lampoovo mun ap mo loxot tuturun no vana at laxalibet. Ketla neni ga vubeles to vana at laxalibet kusu na tu ro at lemeren ne Moroa la na ngising i ri lok tooro dik.

Jems 1:27

Leveloklok mo i nemen, ne Moroa i vara i do limixin dina lox i. Do dina lox epovo i, i lox asuusu i do di nuunu ruturun. Nom leveloklok i lox avukat aleng la i lok keretna. Limixin dina lok tatao avukat lubungkarun la lavakin, lavatlok atdi diga met pam; la dina lok tooro di at levenmumuat atdi. La lara lavanga bok, nedik ata lok tatao avukat lavatpas atnedik, la loklok at na lavatkangka noxo lox abilingot lorooro atnedik.

Jems 3:9

Mi leven gam atdik nedik di xip aurut laasen at ne Moroa, ne temen dik. La nedik di paase kapmek bok min ti limixin petpes no ne Moroa ga rudum li di kerekngan lampoovo ren.

1 Pita 2:22

“Neni goxo lok bok tekakapmek, la teta goxo ronga asu bok tekaxarang ga ravasu at lungusno ren.” Ais 53:9

1 Pita 3:18

Karisito ga met gesara mene nga ri ru korop ti laxakapmek axap atnimi, la neni laradi avukat ga met ti rukun levesongsongot ti limixin di lok laxakapmek, kusu ri lam kaka nemi uto saparap ne Moroa. Diga sev amet labantuxu ren, ketla Loroonan Kaala ga lox aroo xat amlong i;

1 Jon 3:18

Luvutnuruk orong. Labalamu atnedik kopmen noxo lok ngan levelinga la lempapaase gamasa mene nga, ketla ata ruuna ka labalamu ruturun, kusu leveloklok atdik ba lox asuusu i do labalamu ruturun mo ik lok keneng atdik.

1 Jon 3:5

La nemi mikleklen i do ne Iesu ga rupot kusu ri lox asepmus limixin basinge laxakapmek atdi. La kopmen taxapmek nak lok at ne Iesu.

1 Jon 3:7

Luvutnuruk orong. Mina lok tatao avukat nemi kusu tara noxo sar asoogong nimi. Do tara ik lox amisik lempanga ik mokso, neni laradi mokmokso, kerekngan ne Iesu ik mokso aleng.

1 Jon 4:4

Luvutnuruk orong. Nemi limixin at ne Moroa. Mira ke xepe vam lavaeme vapaase xaxarang atla ne Moroa i nemen keneng atnemi la lololos teren i volo lololos at ne Satan, neni lamgomgo at limixin at na lavatbung menemen.

1 Jon 5:17

Do tara na lok lempanga kopmen na mokso, ni i lok laxakapmek; la leveloklok kakapmek mo, do tara na lox i, neni noxo seeve ren.

1 Jon 5:21

Luvutnuruk orong, mina lok tatao nimi basinge lempoovo moroa. I ruturun.

3 Jon 1:4

Ise nenia a ronga i do luvutnuruk di mumu asu luruturun, nenia a lok momo aleng.