1 Jon 1:9 - Madak

⁹ Ketla mo do nedik ta soxomus asu laxakapmek atnedik ti ne Moroa, neni naba doxoma xape i la neni naba lox adadat nedik basinge leveloklok kapmek axap atdik, mila neni Laradi Ruturun la Leeme Mokmokso.

1 Jon 1:9 Iomraidhean Croise

Sam 19:12

Leeme Silok, kopmen tara i epovo xusu ni na ven axa libilinga ren, kuren la una doxoma xepe mo libilinga nia xopmen na xasep teren.

Sam 32:5

La na nia aga vaase asu laxakapmek tarak tu, kopmen a goxo lipe toxot teren basinge u; aga vara i do ana soxomus laxakapmek axap tarak tu, la uga doxoma xepe axav i.

Metiu 3:6

Diga tong asu leveloklok kakapmek atdi la ne Jon ga sep susu nedi ro at ladan sen Joridan.

Lagale Lavavang At Ne Iesu Karisito Mak Ga Malagan I 1:5

La buaang limixin digat pot pasa amisik ne Jon to at lamatbin. Digat pas boro at lemenemen silok Jerusalem la levengkot axap at lenep silok Judaia. La diga tong asu leveloklok kakapmek atdi la ne Jon ga sep susu ba di ro at ladan sen Joridan.

Lagale Lavavang At Ne Iesu Karisito Luk Ga Malagan i 22:57

Ketla ne Pita ga sev apkap, ga lok keretna, “Axoklen mo laradi!”

Lagale Lavavang At Ne Iesu Karisito Jon Ga Malagan I 17:25

Tamak. Luruptuvuk taram ik mokso, la limixin at na lavatbung menemen kopmen dinaklen u, ketla nenia aklen u, la nedi na diklen i do uga riki ia ude.

Leven Gugu 19:18

Buaang atnedi luvuttadi nuunu mi lavakin nuunu diga vot eburu la diga tong asu lempanga xakapmek digak lox i gano.

Lovoang At Ne Pol Ti Limixin Nunu to Rom 3:26

ketla ana nga at na levenaleng, neni i doxoma lolos laxapmek at limixin, kusu ri lox asaxaven loklok mokmokso ren. At na mun langas, la ne Moroa i lox asuusu i do neni xa ik mokso la ik lox asepmus limixin axap di nuunu at ne Iesu.

1 Korin 1:9

Moroa ga ro xaka vam nimi xusu minat kis esogo mi ne Iesu Karisito, Nitna ne Moroa; neni Leeme Silok atdik. Moroa neni laradi ruturun la naba lox epovo levelinga neni ga tong li i.

1 Korin 6:11

Lentaba atnimi digak lok kerepmo. Ketla ne Moroa ga gos nemi axap basinge laxakapmek atnimi; la nemi xa ga ravasu ngan limixin dadat at ne Moroa; la at laasen mun at Leeme Silok ne Iesu Karisito la mi Loroonan mun at ne Moroa, neni ga lox asepmus nimi basinge loklok kakapmek.

Epesas 5:26

Neni ga lox i xuren kusu ri lox adadat di basinge laxakapmek. Ni ga lox adadat di mi levelinga ren i ngan ladan.

1 Timoti 1:15

Anai levelinga ruturun tidik, ata siam ka i la ata nuunu bok teren. Iesu Karisito ga si ude xopok at na lavatbung menemen kusu ri lox arooro limixin kapmek. Loklok kakapmek tarak i silok aleng ti loklok kakapmek atnedi.

Taitas 2:14

Neni ga raba i xusu neni na un kaka amlong nedik basinge laxakapmek atdik ngan limixin dadat la kusu tana nemen ngan limixin teren kusuk mun la tana lolos ti lok leven gugu nunuan.

Ibru 10:23

Minam tebeng lolos lunuunu atnimi ri mo leveloklox anarong mo naba vot mila ne Moroa naba lox asorun levempapaase alii ren.

Ibru 11:11

Abaram ga ruuna lunuunu, keke i do gara sioxo vam, la latkin bok teren ne Sera goxo epovo do na visik, ketla nedu duga visik lara lamdak. Kuren la ne Abaram ga ravasu ngan ne temen mo lamdak, mila ne Abaram ga nuunu do ne Moroa naba lox asorun lavapaase alii ren.

Ibru 6:10

Moroa neni laradi mokmokso la neni noxo domampe leveloklok nunuan nemi miga lox i, la mo labalamu nemi miga lox asuusu i at laasen teren ap mo levenaleng miga lok tooro limixin teren la move mik lok tooro di.

1 Jon 1:7

Ketla mo do nedik ta nemen at laxasep, kerekngan ne Moroa i nemen at laxasep, nedik atat kis esogo eburu; la lada at ne Iesu, nitna ne Moroa i lox adadat nedik basinge levengkakapmek axap.

Lisilimet 15:3

la digak pixan mi loxompixan at ne Moses, lasaxaruki at ne Moroa la digak pixan bok mi loxompixan at Lanasip; diga lok keretna, “Moroa Leeme Silok, u lolos aleng. Lempanga axap nenu uk lox i, i silok la i lox avukat aleng. Leventaangas taram la leveloklok taram ik mokso la i ruturun aleng. Nenu Loorong Silok mavana at limixin axap at na lavatbung menemen.