1 Jon 1:7 - Madak

⁷ Ketla mo do nedik ta nemen at laxasep, kerekngan ne Moroa i nemen at laxasep, nedik atat kis esogo eburu; la lada at ne Iesu, nitna ne Moroa i lox adadat nedik basinge levengkakapmek axap.

1 Jon 1:7 Iomraidhean Croise

Sam 104:2

U bom u mi laxasep. Uga rep asala laxalibet ngan ta loogu kadis

Sam 51:2

Una gos kepe axap libilinga rak la una lox amaxar ia basinge leveloklok kakapmek tarak!

Sam 56:13

atla uga lox asepsu ia basinge lanmet, la uga lok tooro ia la limixin munepen minia di goxo sak tup minia. Kuren la nia anabat pas ma xopok at loklok tatao at ne Moroa; neni ik lox axasep lodoxoma at limixin kusu dina rooro.

Sam 89:15

Luvukat mo ik lok tinedi di lotu saparav u mi levempixan, la dik lok maxopok at lebelen tuntun taram!

Sam 97:11

Leveloklok anarong i ngan laxasep i soosoo mavana atnedi limixin manmanton; la leklek ik lok atnedi luvuttadi avukat.

Metiu 6:12

Doxoma xepe laxakapmek atnema, kerekngan nema ma doxoma xepe laxakapmek atnedi di lox i rinema.

Lagale Lavavang At Ne Iesu Karisito Jon Ga Malagan I 1:29

Ap mo manga lara laaleng Jon ga ven ne Iesu gat pas go boro, la ni ga vaase xeretna, “Pen ba i, ni nom Lanasip at ne Moroa naba doxoma xepe laxakapmek at limixin at na lavatbung menemen kopok.

Lagale Lavavang At Ne Iesu Karisito Jon Ga Malagan I 12:35

Iesu ga vorang i ridi xeretna, “Laxasep at ne Moroa noxo nemen abao eburu minimi. At lavatpas atnimi at na lavatbung menemen, mina nemen at laxasep mila laxasep move i nemen eburu minimi, kusu laxakapmek noxo los kis pavaa nimi ngan lamain; mila lara do it pas at lamain ixokleklen i do neni it pas ua.

Lagale Lavavang At Ne Iesu Karisito Jon Ga Malagan I 5:4

mila at leventaba levenaleng laangelo at ne Moroa ga putup ap mo ladan la gak lox avonen i. La do laradi mekmeres ga los tup avot ap mo ladan do ga onen kaxat, neni naba lox avukat basinge lanmeres teren.]

Lovoang At Ne Pol Ti Limixin Nunu to Rom 13:12

Noxo lox abao la lamain na xap, la laaleng kangking na vot ta. Mina xap ta at loklok laxampanga at lamain, la mina lok kaka levempanga esep ti esep at laaleng kangking.

1 Korin 6:11

Lentaba atnimi digak lok kerepmo. Ketla ne Moroa ga gos nemi axap basinge laxakapmek atnimi; la nemi xa ga ravasu ngan limixin dadat at ne Moroa; la at laasen mun at Leeme Silok ne Iesu Karisito la mi Loroonan mun at ne Moroa, neni ga lox asepmus nimi basinge loklok kakapmek.

Epesas 1:7

Ni ga met la lada ren ga sen su kusu ri un ka amlong dik, la kusu ne Moroa naba doxoma xepe leveloklok kakapmek atdik. Kerepmo ne Moroa ga lox asuusu letaba nabalamu ren i silok aleng,

Epesas 5:8

Gano nemi miga nemen at lamain. Ketla na nga Leeme Silok ga lok li nemi at laxasep. Nemi minat pas ngan luvuttadi at laxasep.

1 Timoti 6:16

Neni xusuk mun naba roo avolo la i nemen keneng at langsangan laxasep la kovisi tara goxo ven tu ren, la tara noxo ven box i. Loklok ngangao xusuk tin eburu mi lololos amisik! Tuturun.

Taitas 2:14

Neni ga raba i xusu neni na un kaka amlong nedik basinge laxakapmek atdik ngan limixin dadat la kusu tana nemen ngan limixin teren kusuk mun la tana lolos ti lok leven gugu nunuan.

Ibru 9:14

Ketla na loklok at lekabus migomgo kopmen na epovo mi mo lavanga ne Karisito ga lox i. At loklok tooro at Loroonan at ne Moroa neni ga raba xa i ri ne Moroa ngan laplavang avolo, goxopmen taxakapmek teren, kusu na lox adadat dik basinge laxakapmek mo ba lox asuusu lanmet. Kerepmo i epovo do ata mu asu lavavara at ne Moroa, mo i rooro.

Jems 1:17

Leventamtaba mo i lox avukat aleng, ni axap nom boro vana at laxalibet; i si boro vana at ne Temen dik, mo ga rudum li laxangking, lagaaling, la laxampenti; kopmen teretepukus at loklok teren la kopmen toxot at lamain ik lok keneng teren.

1 Pita 1:19

ketla ne Moroa ga un ka nemi mi lada, ni luunun silok at ne Karisito kopmen taxakapmek teren la kopmen bok tibira at Lanasip at ne Moroa.

1 Jon 1:3

Lempanga axap mo laradi ga lox i, maga ven pam i, la maga ronga vam levelinga ren, ma vavang bok min tinemi, kusu nemi minat kis esogo eburu minema kerekngan nema mat kis esogo mi ne Temen dik la mi ne Nitna bok ne Iesu Karisito.

1 Jon 1:5

Na levelinga nema mara ronga vam i boro at ne Nitna la ma vavang min tinemi keretna, Moroa neni laxasep la kopmen lamain nak lok teren.

1 Jon 5:6

Iesu Karisito ga si boro vana at laxalibet la lempanga loklok katling ga rupot ti lox asuusu i do neni ne Nitna ne Moroa. Ladan ga ru katling lesep susu at ne Iesu la lada ga ru katling lanmet teren. Ni goxo lok ka mun lesep susu, ketla neni ga met bok. La Loroonan Kaala i tong asu i do ne Iesu neni ne Nitna ne Moroa la i epovo do ata siam ka levelinga ren atla levelinga ren i ruturun.

1 Jon 5:8

Ni Loroonan Kaala, ladan, la lada; la na lavantun axap di lox asuusu leges avanga mun.

2 Jon 1:4

Nenia a lok momo aleng mila nia aga ronga i do lentaba at laxamdak mi laxaalik taram di mumu asu levelinga at ne Moroa, kerekngan ne Temen dik ga tong taba dik min.

3 Jon 1:4

Ise nenia a ronga i do luvutnuruk di mumu asu luruturun, nenia a lok momo aleng.

Lisilimet 1:5

la lavapaase momo bok boro at ne Iesu Karisito, neni laradi ruturun at lavapaase ruturun la neni lara avot mo ne Moroa ga lox axatu kaxat amlong i basinge lanmet, la ni lamgomgo at lavaorong silok at na lavatbung menemen. Ne Iesu ga balamu nedik la ga lox asepmus dik basinge laxakapmek mi mo lada ren.

Lisilimet 12:11

La luvutneton nedik dira sak tup pam mi ne Satan mila diga nuunu at lada at Lanasip la at lempapaase ruturun at ne Moroa, mo levelinga diga tong asu i la di goxo marat mi lorooro atdi, diga gagas kusu dina met.

Lisilimet 7:14

La aga lok tin keretna, “Leeme Silok. Axoklen i, nenu uklen i.” La ni ga lok tia, “Nedi na limixin digap tavasu basinge levenmaares lolos; la dira gos pam levesingsigaara atdi mi lada at Lanasip la dira lox anbun axap pam i.