1 Jon 1:10 - Madak

¹⁰ Dola tara na lok keretna, “Nenia a goxo lok taxapmek,” neni mo laradi i lox asuusu i do ne Moroa i ngan leeme xaxarang, mila ne Moroa ga tong i do limixin axap di lok laxakapmek. La do mo laradi i lok kerepmo, levelinga at ne Moroa kopmen na nemen keneng teren.

1 Jon 1:10 Iomraidhean Croise

Sam 130:3

Nege giba sixiroo at loklok asongot taram mo do nenu gitak lok katling leveloklok kakapmek atnema? Kopmen tinotno tara giba sixiro.

Lagale Lavavang At Ne Iesu Karisito Jon Ga Malagan I 3:33

Do tara na siam ka levelinga ren, neni i lox asuusu i do levelinga at ne Moroa i ruturun.

Kolosi 3:16

La mina ke levelinga at ne Karisito na nemen atmatkun keneng at lorooro atnimi. Mina umsu min mo do mina lox ase la mina vaase axasep ela nimi mi lakleklen at ne Moroa. La minak pixan ti ne Moroa mi lengkompixan at ne Devit la lengkompixan at lotu la lengkompixan emi asu; la lorooro atnimi na umsu mi loklok ti tong avukat saparap ne Moroa.

1 Jon 1:8

Dola tara na lok keretna, “Kopmen taxapmek tarak,” neni i xarang axa i, la levelinga ruturun kopmen nak lok teren.

1 Jon 2:14

Nia a malagan na lovoang tinemi limixin mukun. Lavasuun teren keretna, nemi miklen ne Iesu Karisito mo gak lok ganoxa at lereot. Nia a malagan na lovoang tinemi limixin maxat. Lavasuun teren keretna, nemi mi tu tuxuruxun at lunuunu atnimi la levelinga at ne Moroa i lox asuusu lempanga nunuan at lorooro atnemi; la mira on basinge vam loklok kakapmek at ne Satan.

1 Jon 2:4

Mo do tara na lok dola neni at ne Moroa, ketla neni kopmen na mu asu levelinga ren, neni laradi xaxarang, la levelinga ruturun at ne Moroa xopmen nak lok keneng at lorooro ren.

1 Jon 4:4

Luvutnuruk orong. Nemi limixin at ne Moroa. Mira ke xepe vam lavaeme vapaase xaxarang atla ne Moroa i nemen keneng atnemi la lololos teren i volo lololos at ne Satan, neni lamgomgo at limixin at na lavatbung menemen.

1 Jon 5:10

Do tara i nuunu at ne Nitna ne Moroa, neni i ruuna ka vam mo levelinga keneng at lorooro ren. Do tara kopmen na nuunu at ne Moroa, i lok ne Moroa ngan laradi xaxarang, atla ni kopmen na nuunu ap mo levelinga ne Moroa ga vaase i mumu ne Nitna.

2 Jon 1:2

mila levelinga ruturun at ne Moroa i nemen keneng at lorooro atdik la naba nemen amisik eburu midik.