Titus 1:1 - Vakasin Moos

¹ Sa Pol sen Anutu-te omaaho kul ti osin Yesu Kalisi-te sinaale saa-to, ond yik yoo holin sa in nambe sa kaandu hil sen Anutu yoo holin sil in nambe daatu yite hil-ato be lambiing gaving niwêêk, osin saandôôvu sil in lanjak vakasin keen ani be lambiing va sapa Anutu ka.

Titus 1:1 Iomraidhean Croise

Yesu Kalisi-te banye nivasa lohvu Luk kaavu 18:7

in Anutu-te hil sen holin sil-ambe yoo mokataangg yi busin-ande langaah in nambe dôôvu sil in hil sen dawiing sil payaa-to, ond Anutu le gango silate vakasin-ambe nivalok jak me malis? Hamambe me-le dôôvu sil pavis e?

Sinaale 13:48

Om hil vaalu sen sil-ame Yudaa-to lango vakasin-anju tombe londpayo nivasa lôôt, de lavand hôôk Anutu-te tanasin, tonde sil vaalu sen Anutu holin sil lung la in nambe sil mando metumin danggataa-to, ond lawii-having.

Pol-ate kaapiya la vu hil bel-ate vu Lom 1:1

Sa Pol, Yesu Kalisi-te omaaho kul ti sa, sen yoo teey sa be saatu sinaale, tombe holin sa in nambe sa naanêêl Anutu-te banye nivasa langaah.

2 Kolint 1:1

Sa Pol-anjo sen Anutu yoo holin sa lak-ambe saatu Yesu Kalisi-te sinaalêê-to, ond haay ahondoos yiiy halingg Timoti kaavu kaapiyaa-jo laas vu ham Anutu-te hil bel-ate sen ham nando Kolint-ato, de vu Anutu-te hil pin sen dando lohvu Akaia-te taaku pin-ato.

Epesas 2:8

Ke, ham-ame awiing vati lukalaah in nambe nôôh ham vêêl in va nipaya-te nyevahaan e, nganjo ham alompayo la timu vu Yesu, tombe Anutu yoo wiing samu samu vu ham, om yik lôôh ham vêêl nyemalis amu.

Pilipai 1:1

Yesu Kalisi-te kul vaha haay Pol-ande Timoti, ond haay kaavu kaapiyaa-jo laas vu ham sen ham atu Yesu Kalisi-te hil vu Pilipaii-to, de vu hamate yêêv-aso osin kul vaha-so.

Kolosi 2:2

Om sa naawiing kul bopaata lôôt in nambe sa kaandu ham alompayo be ham alompayo javuh ti be ham ahem gaving ham, de saawiingin nambe ham gako nôôn anivasaa-jo nambe ham anjak Anutu-te vakasin sen neep hôôk vunin-ato ni vanuh, in vakasin vunin-anjo ond manyinjo Kalisi.

1 Timoti 2:4

In Anutu nawiingin nambe gako hil pin lanom vu yi be lanjak vakasin keen-ato danggakook ani.

1 Timoti 3:16

Keen lôôt, vakasin sen Anutu ka vu be nêêl langaah vu yiiy-ambe yiiy navu sapaa-to ond danggakook bopaata lôôt. Vakasin-anjo nambe, “Tu omaahonôôn keen-ambe taato yi laam langaah, de Vavi Vaambuung oo tatekin yite danggakook nambe yoo lohvu, tonde angela layi mend ak yi. Yite vakasin la lohvu omaahonôôn pin-ambe hil vu voon lawii-having yi, tonde Anutu hako yi be la baandoni osin nikaapulis.”

1 Timoti 6:3

Naambe omaaho ti taahu hil hôôk tanasin vaha ango yoow, de me-wii-having yate Omaaho Bop Yesu Kalisi-te tanasin anivalok sen yaambiing va sapa Anutu kaa-to le,

2 Timoti 2:10

Om sa longgpayo yoo niwêêk-ambe sa naaku nimeen pin-anjo in nambe saandôôvu hil sen Anutu yoo holin sil in nambe daatu yite hil-ato, tonde mem Yesu Kalisi gako sil naah vu Anutu be sil mando hôôk yite nikaapulis danggata osin danggata.

2 Timoti 2:23

Tonde onggaluuh damim vu vakasin sen nôôn ma be hil sen lundkook ma danêêl sil in-ato, in galak ni nambe vakasin nambêênja natu ngaamong vu hil.

2 Timoti 2:25

De naanêêl kalêêsin ambu-so ond naanêêl sil osin melaas. Ke, mak biing naambêênjo ond Anutu le dôôvu sil, tombe sil langgilin sil alondpayo be mem lanjak vakasin keen ani.

Jems 1:1

Sa Jems, Anutu yuuh Omaaho Bop Yesu Kalisi-te omaaho kul ti sa. Sa kaavu kaapiyaa-jo laas vu ham Islel dangga nomaayuuh-ambe laam yuuh, sen ham havuuh ham ambaam dangga dosin-ande ham taandinin hôôk-ambe ham alaas nando having hil vaalu sen sil-ame Yudaa-to.

2 Pita 1:3

Lak Anutu-te niwêêk sen Kalisi wiing-ambe yaalohvu in nambe yiiy mando monaambiing va sapa Anutu kaa-to, ondeey Anutu wiing-ambe yalak omaaho sen teey yiiy-ato ni, ond teey yiiy in nambe yiiy naatu hil anikaapulis osin hil anivasa nôôn naambe yii-to.

2 Pita 3:11

Ke, Anutu le kawiiy va pin-anju na, om ham oo taamuyin mop vaambuung-ate be ham mando monambiing va sapa Anutu ka.

1 Jon 2:23

Hil pin sen lalak alund in Noow, ond Anutu me-nando having sil e, le ti nambe naanêêl langaah naambe Yesu ond Anutu Noow yi, ond Mangganaan Anutu nando having yi.

Taato Langaah 1:1

Bôôy ond vakasin-anjo neep vunin, le sim Yesu Kalisi taato laam langaah, yik Anutu yoo taato vu Yesu in nambe Yesu taato va sen navu nôôn jak pavis-ato langaah vu yite hil kul-ate. Om Kalisi wiing yite angela hato vu sa Jon sen saatu yite omaaho kul ti be nêêl vakasin-anjo vu sa.