Maak 7:34 - Vakasin Moos

³⁴ tonde me lak baandoni be sawaah sêên, tombe nêêl vu nambe, “Epata,” dangga nambe “Nanyem naatok.”

Maak 7:34 Iomraidhean Croise

Maak 1:41

Tombe Yesu ka pasiv in yi om hambe nama lak-ande nêêl vu nambe, “Êê-e, lohvu saandôôvu hong, om ganim naavi nivasa jak.”

Maak 15:34

Tombe taaku me yaal-anjo Yesu teey bopaata lôôt nambe, “Eloi, Eloi, lama sabatani?” Dangga nambe, “Sate Anutu, sate Anutu, nambe vaati om ohavuuh sa la?”

Maak 5:41

Tombe lôôh hôôk unaavepasiv nama de nêêl vu hôôk sil lavand nambe, “Talita kumi,” dangga nambe “Unaavepasiv, sa naanêêl naambe okandi jak.”

Maak 6:41

Tombe mem hako balet namaavaalu de paahuung yuuh-ato be valaah me lak baandoni de lohak, le mem hapok balet-ambe vu vu yite maanggêêm-aso be sil latiiy lohvu hil. Tonde yik kalêêh paahuung yuuh-ato be hatiiy lohvu omaahonôôn pin,

Maak 7:35

Om nanye tok-ande dalaan ahelavis ak-ambe vakaas nivasa.

Maak 8:12

Le Yesu sawaah sêên osin lopayo nimeen-ande nêêl nambe, “Hil pin sen dando gêên-anjo lawiingin nambe lanji taahu taahu in vaati? Sa naanêêl vu ham keenaanôôn naambe same le aambiing taahu taahu be sil lanji le, malis.”

Yesu Kalisi-te banye nivasa lohvu Luk kaavu 18:42

Tombe Yesu nêêl nambe, “Om gamem naatum. Gawii-having om gamem anivasa lak.”

Yesu Kalisi-te banye nivasa lohvu Luk kaavu 19:41

Tombe Yesu hato la ngaaho be yi me lak taaku bop Yelusalem atombe su.

Yesu Kalisi-te banye nivasa lohvu Luk kaavu 7:14

Tonde la ngaaho be hambe nama lak yêênin sen omaahonôôn neep ak-ato, om hil sen laakuu-to daale tonde Yesu nêêl nambe, “Unoopasiv, sa naanêêl vu hong naambe okandi jak.”

Yesu Kalisi-te banye nivasa lohvu Jon kaavu 11:33

Tombe Yesu yi de Malia nasu, tonde hil Yuda sen laving Malia be lalaam-ato ond yik dasu having, tombe ka paya de lopayo nimeen lôôt.

Yesu Kalisi-te banye nivasa lohvu Jon kaavu 11:35

Tombe Yesu su.

Yesu Kalisi-te banye nivasa lohvu Jon kaavu 11:38

Tombe Yesu lopayo nimeen lôôt yesin laah tonde la valup bandumb, de bandumb-anju ond lavandangga ti tombe sil tatolin tatuuh ti hilin avi jeen.

Yesu Kalisi-te banye nivasa lohvu Jon kaavu 11:41

Tombe laaku tatuuh la vêêl, de me lak baandoni de nêêl nambe, “Aamangg, sa naapêêlis vu hong in ohango sate lohakin lung laa-to.

Yesu Kalisi-te banye nivasa lohvu Jon kaavu 11:43

Nêêl nambêênju tonde teey bopaata nambe, “Lasalus, ganaam voon.”

Yesu Kalisi-te banye nivasa lohvu Jon kaavu 17:1

Yesu nêêl nambêênju lung la, tonde valaah me lak baandoni de nêêl nambe, “O Aamangg, busin-ato lung laa-jo om onggako Noom haale jak in nambe Noom gako ohaalem jak.

Sinaale 9:34

Tombe Pita nêêl vu nambe, “Inias, gêên Yesu Kalisi wiing-ambe ganim vasa lak, om okandi jak-ambe goo gatongin gate kaanye.” Tombe kandi lak pavi-vasa.

Sinaale 9:40

Tombe Pita hatiiy hil pin lala voon, de hatung kaatu be lohak, tonde hilin laah vu omaahonôôn yimbin-ato be nêêl nambe, “Tabita, okandi.” Tombe vêêh-anjuuto me tum-ambe yi Pita de kandi nando,

Hibluu-to 4:15

Yiiy ond yame aalohvu nambe yiiy daanggôôl va nipaya le, de yate yêêv bop salivangin-atêêto ond me-lohvu omaaho ango in nambe me-doosin yalonggpayo nipayaa-jo le, nganjo yoo lak ni lôôt, in palapin pin sen natovu yiiy-ato ond yik palapin-anju pin tovu yi having lung la, lemu yoo lakin yi in va nipaya.