Yesu Kalisi-te banye nivasa lohvu Luk kaavu 8:21 - Vakasin Moos

²¹ Le nêêl laah vu sil nambe, “Hil sen dango Anutu-te vakasin-ambe davu samuu-to ond mem sa ataak osin halingg-aso sil.”

Yesu Kalisi-te banye nivasa lohvu Luk kaavu 8:21 Iomraidhean Croise

Matai 17:5

Naahen nanêêl atonde layi de bayiimb ti têêlang lôôt-ambe vayum sil, tombe lava ti laam hôôk bayiimb-anju lopayo nambe, “Sa Noongg-anja. Sahengg having yi lôôt osin sahengg anivasa vu yi, om ham gango lava.”

Matai 25:40

“Le sim omaaho lulemak-anju le naanêêl naah vu sil naambe, ‘Sa naanêêl keen vu ham naambe ham ahôôvu sa halingg-aso nipaya payaa-ju, ond yik lohvu ham ahôôvu sa.’

Matai 25:45

Tombe omaaho lulemak e naanêêl vu sil naambe, ‘Sa naanêêl keen vu ham naambe ham-ame ahôôvu sa halingg-aso nipaya payaa-to lak va nambêênja, ond yik lohvu ham-ame ahôôvu sa le.’

Matai 28:10

tombe Yesu nêêl vu yuuh nambe, “Mame anjêênin e, mana naanêêl vu halingg-aso naambe sil lana Galili tombe sil e lanji sa vuu-ju.”

Yesu Kalisi-te banye nivasa lohvu Luk kaavu 8:15

Tonde vave vaalu tok lukala ngaanggis anivasaa-to ond lohvu hil vaalu sen dango vakasin-ambe davu samu osin londpayo nivasa lôôt, de yoo mondapuvu niwêêk lôôt, tombe nôôn nalak.”

Yesu Kalisi-te banye nivasa lohvu Luk kaavu 8:20

om lanêêl vu nambe, “Tam having halim-aso lato daale voon-ambe dalingin hong.”

Yesu Kalisi-te banye nivasa lohvu Jon kaavu 13:17

Om naambe ham alak vaa-ja ni be ham ambiing naambêênja ond ham e kam vasa.

Yesu Kalisi-te banye nivasa lohvu Jon kaavu 20:17

Le Yesu nêêl vu nambe, “Game naapuvu sa le, in same alak-ambe sala vu sate Aamangg e, naahen. Lemu ganaah-ambe onaanêêl vu sa halingg-aso naambe sa jak-ambe sa naah vu Aamangg sen sate Mangg-ande hamate Mom, yik sate Anutu de hamate Anutu.”

2 Kolint 5:16

Keen, bôôy ond hey naahe omaahonôôn naavind amu be hey naanêêl nambe nind vasa me nind paya, lemu gêên ond hey-ame naanêêl nambêênja yesin laah e. Tonde bôôy ond hey akangg navu Kalisi nambe omaahonôôn ti be hey navu sahi yi nambêênja having, nganjo gêên ond hey-ame navu sahi yi nambêênja yesin laah e.

2 Kolint 6:18

Tombe sale naatu ham momin, tonde ham e naatu sa noongg osin nonggaavêêh-aso. Ke, Omaaho Bop sen niwêêk pin danggakook-ato nêêl nambêênjo.”

Jems 1:22

Lemu ham gango Anutu-te vakasin malis amu ond manyinja ham navu tatuhin ham, nganjo ham gango be ham ambiing nôôn jak ond mem.

1 Jon 2:29

Ham alak ni nambe Anutu omaaho nivalok, ond ham anjak ni naambe hil pin sen sil dawiing va lohvuu-to, ond Anutu wiing-ambe sil latu yite noondin.

3 Jon 1:11

O hali, game taamuyin va nipaya le, nganjo otaamuyin va nivasa. Hil sen dawiing va nivasaa-to ond latu Anutu noondin, de hil sen dawiing va nipayaa-to ond sil doosin Anutu.