Yesu Kalisi-te banye nivasa lohvu Luk kaavu 1:80 - Vakasin Moos

⁸⁰ Lung atonde dando be unoopasiv-anjo bop ak-ambe lopayo la vu Anutu niwêêk, le mem la nando taaku lumbalaamb lôôt-ambe la valup busin sen-ato, le mem tok lom-ambe taato yi vu hil Islel.

Yesu Kalisi-te banye nivasa lohvu Luk kaavu 1:80 Iomraidhean Croise

Matai 11:7

Jon-ate maanggêêm-aso dala lak tonde mem Yesu nêêl Jon langaah vu hil alu bopaataa-ju nambe, “Bôôy ham ala vu Jon vu taaku lumbalaamb in nambe ham angge vaati? Mak ham ala in angge omaaho sen lohvu vavi nayêêyak ngasing a?

Matai 3:1

Tombe busin ti Jon sen nalipis hil-ato nando taaku lumbalaamb Yudia,

Yesu Kalisi-te banye nivasa lohvu Luk kaavu 1:15

Tombe Omaaho Bop e ji onoom-anju naambe omaaho osin haale bop, de me-le naanum wain osin bel aniwêêk e, de sen naahen baale dôôk tangganaan baambuu-to ond Vavi Vaambuung e dôôvu yi.

Yesu Kalisi-te banye nivasa lohvu Luk kaavu 2:40

Tonde unoopasiv linj-ambe bop ak atombe yoo lak va pin ani nivasa lôôt, tombe nando hôôk Anutu-te samu samu lopayo.

Yesu Kalisi-te banye nivasa lohvu Luk kaavu 2:52

Yesu bop ak atombe tu omaaho lukook bop, tombe Anutu osin omaahonôôn layi yi nivasa.

Yesu Kalisi-te banye nivasa lohvu Jon kaavu 1:31

De yi ond same alak ni bôôy e, lemu sa laam naalipis hil lak bel in nambe yii-ju balup ond sa taato yi vu hil Islel.”

Sinaale 18:28

tonde hil Yuda sen dando Akaiaa-juuto ond sil o Apolo-so lanêêl sil in tanasin hôôk hil pin amend, tombe Apolo-te vakasin anivasa lôôt om sil-ame lalohvu le, in yoo tatekin Anutu-te vakasin sen neep hôôk kaapiyaa-to vu sil nambe Yesu yi omaaho sen Anutu yoo holin yi vulôôt-ato.