Yesu Kalisi-te banye nivasa lohvu Jon kaavu 2:21 - Vakasin Moos

²¹ Lemu Yesu nêêl vakasin ak dumb vaambuung-anju ond manyinju yoo nêêl ak ninaavi,

Yesu Kalisi-te banye nivasa lohvu Jon kaavu 2:21 Iomraidhean Croise

Yesu Kalisi-te banye nivasa lohvu Jon kaavu 1:14

Tonde Vakasin-anju ond tu omaahonôôn-ambe laam nando hôôk yiiy lavuun, tombe hey aahe yite nikaapulis lôôt in Mangganaan-ate Noow nôôn timuu-ju, tonde samu samu osin vakasin keen pup hôôk lopayo.

Yesu Kalisi-te banye nivasa lohvu Jon kaavu 2:22

om vu taamusin sen Anutu wiing-ambe Yesu kandi lak vu hil yimbin-atêêto ond Yesu-te maanggêêm-aso kand vu vakasin sen Yesu nêêl ak dumb-anjuuto laah, om lawii-having Anutu-te vakasin sen kaavu neep hôôk kaapiyaa-to osin vakasin sen Yesu yoo nêêl-ato nambe vakasin nôôn keen.

1 Kolint 3:16

Om ham gango le. Ham atu Anutu-te dumb vaambuung-ambe yite Vavi Vaambuung lukala nando hôôk ham alompayo.

1 Kolint 6:19

Tonde yik ham alak ni nambe ham naavim tu Vavi Vaambuungate dumb vaambuung, in Anutu wiing Vavi Vaambuung laas-ambe nando hôôk ham alompayo lung la, om ham-ame yoo atu ham naavim-ate danggakook e.

2 Kolint 6:16

Tonde Anutu-te dumb vaambuung-ande taaku gambus ond yuuh ahondoos-ate kul-ame neep ti le, tonde yiiy oo aatu Anutu metumin-ate dumb vaambuung lohvu sen Anutu nêêl bôôy nambe, “Sale mando gaving sil osin sana gaving sil, de sale naatu silate Anutu tonde sil e daatu sate hil.”

Kolosi 1:19

In Anutu yoo wiingin om lukala nando hôôk Noow alopayo osin doos.

Kolosi 2:9

In Kalisii-ju ond Anutu yoo lukala nando hôôk yite ninaavi voon-ate osin doos.

Hibluu-to 8:2

Tombe tu yêêv bop salivangin-ate be nawiing kul hôôk Anutu-te dumb vaambuung vu baandoni. Dumb-anju va keen lôôt, omaahonôôn-ame lahaav ak namand e, malis, yik Omaaho Bop timu yoo haav.