Yesu Kalisi-te banye nivasa lohvu Jon kaavu 2:2 - Vakasin Moos

² Tombe yik lateey Yesu osin yite maanggêêm-aso be lala dando having.

Yesu Kalisi-te banye nivasa lohvu Jon kaavu 2:2 Iomraidhean Croise

Matai 12:19

Tonde me-le mahôôh omaahonôôn in vakasin e, de me-le napaak e, tonde hil-ame le gango lava vu talind e.

Matai 25:40

“Le sim omaaho lulemak-anju le naanêêl naah vu sil naambe, ‘Sa naanêêl keen vu ham naambe ham ahôôvu sa halingg-aso nipaya payaa-ju, ond yik lohvu ham ahôôvu sa.’

Matai 25:45

Tombe omaaho lulemak e naanêêl vu sil naambe, ‘Sa naanêêl keen vu ham naambe ham-ame ahôôvu sa halingg-aso nipaya payaa-to lak va nambêênja, ond yik lohvu ham-ame ahôôvu sa le.’

Yesu Kalisi-te banye nivasa lohvu Jon kaavu 2:12

Lung laa tonde Yesu yuuh tangganaan de halindin osin yite maanggêêm-aso be lala lato dando taaku Kapenaum busin heey.

Yesu Kalisi-te banye nivasa lohvu Jon kaavu 2:17

Tombe yite maanggêêm-aso kand vu Anutu-te vakasin ti hil kaavu neep hôôk kaapiya bôôy-ato nambe, “Sa naawiing niwêêk lôôt in nambe gate bayêên mando nivasa.”

Yesu Kalisi-te banye nivasa lohvu Jon kaavu 2:22

om vu taamusin sen Anutu wiing-ambe Yesu kandi lak vu hil yimbin-atêêto ond Yesu-te maanggêêm-aso kand vu vakasin sen Yesu nêêl ak dumb-anjuuto laah, om lawii-having Anutu-te vakasin sen kaavu neep hôôk kaapiyaa-to osin vakasin sen Yesu yoo nêêl-ato nambe vakasin nôôn keen.

Yesu Kalisi-te banye nivasa lohvu Jon kaavu 2:3

Tombe silate wain lung la, om Yesu tangganaan nêêl vu nambe, “Wain ma la.”

Yesu Kalisi-te banye nivasa lohvu Jon kaavu 3:22

Lung laa tonde Yesu having yite maanggêêm-aso be lala taaku Yudia, tombe sil dandôô-ju le mem mondalipis hil nandôô-ju.

Yesu Kalisi-te banye nivasa lohvu Jon kaavu 4:2

lemu Yesu me-nalipis hil e, yite maanggêêm-aso ond mem yoo dalipis hil.

Yesu Kalisi-te banye nivasa lohvu Jon kaavu 4:33

Tombe yite maanggêêm-aso yoo lanêêl vu sil nambe, “Mak omaaho ti hako vanôôn laam vu yi mava?”

Yesu Kalisi-te banye nivasa lohvu Jon kaavu 4:8

In yite maanggêêm-aso ond sil lamunggin-ambe lala bayêên in baanggo vanôôn.

Yesu Kalisi-te banye nivasa lohvu Jon kaavu 6:12

Sil laya be lohvu sil atonde Yesu nêêl vu yite maanggêêm-aso nambe, “Ham naasupin vanôôn anyengale pin, in yame aambiliyak e.”

Yesu Kalisi-te banye nivasa lohvu Jon kaavu 6:16

Tonde soosin hôôk atombe Yesu-te maanggêêm-aso lala lato betum nanyendangga,

Yesu Kalisi-te banye nivasa lohvu Jon kaavu 6:60

Yesu-te hil ngeeyaata sen davu sapa yii-to lango vakasin-anju tombe lanêêl nambe, “Vakasin-anju nimeen lôôt, om lati lohvu nambe gango?”

Yesu Kalisi-te banye nivasa lohvu Jon kaavu 6:66

Yesu nêêl vakasin-anju om hil ngeeyaata sen davu sapa yii-to ond lavuuh yi de lalaah, de sil-ame lala having Yesu yesin laah e.

Yesu Kalisi-te banye nivasa lohvu Jon kaavu 6:67

Tombe Yesu nêêl vu yite maanggêêm nomaayuuh-ambe laam yuuh-ato nambe, “De ham-ok, ham navu gavuuh sa gaving-ande ham ana?”

Yesu Kalisi-te banye nivasa lohvu Jon kaavu 6:70

Tombe Yesu nêêl laah vu sil nambe, “Saaholin ham nomaayuuh-ambe laam yuuh, le ham ti lohvu mamu nipaya.”

Yesu Kalisi-te banye nivasa lohvu Jon kaavu 6:71

Vakasin-anjo nêêl lak Yudas sen Simon Iskaliot noow-ato ond maanggêêm nomaayuuh-ambe laam yuuh-ato ti, in ngaaho lak in navu bu Yesu dukana hil namand in nambe lanyiis-ambe jimb.

Yesu Kalisi-te banye nivasa lohvu Jon kaavu 6:8

Tombe yite maanggêêm ango Simon Pita hali Endru nêêl vu Yesu nambe,

Yesu Kalisi-te banye nivasa lohvu Jon kaavu 7:3

om Yesu-te halindin lanêêl vu yi nambe, “Onggavuuh taakuu-jo de gana Yudia in gate hil lanji kul sen onawiing-anjôôto le.

Sinaale 11:26

tombe tovu yi om giiy-ambe yuuh lalaah Antiok, be yuuh dando having hil bel-ate vu Antiok ta ti lôôt, in yuuh davu taahu hil ngeeyaata hôôk Anutu-te tanasin. Tombe lanêêl Yesu-te hil vu Antiok nyendoos nambe hil Kalisten.

Sinaale 11:29

Om Yesu-te hil lanjôôy vakasin munggin nambe sil pin daasupin mone yuuh ame sen nando vu sil-ato nohvu sil namand pin, be lambu na in dôôvu Omaaho Bop-ate hil vu Yudia hôôk busin sen meep naam-ato.

1 Kolint 10:31

Om naambe ham angga me ham naanum, me ham ambiing va vaalu, ond ham ambiing va pin-anjo in nambe ham gako Anutu haale jak.

1 Kolint 7:39

Naambe vêêh ti lak moow ond tanasin duuh yi having laya lôôt, le naambe laya yimb-ande wiingin nambe jak vu moow ango ond yoo yite va, yoo jak vu hil sen davu taamuyin Omaaho Bop-ato ti.

Kolosi 3:17

De vakasin sen ham nakaas, osin kul sen ham nawiing-ato, ond yik ham oo ambiing va pin-anja lak Omaaho Bop Yesu haale be ham naapêêlis na vu mangganaan Anutu.

Hibluu-to 13:4

De ham moow ayuuh vêêh pin sen ham hako ham lung laa-to, ond ham amem oo sapa ham nivasa, de ham-ame ambiing va nipaya le. In taamusin ond Anutu le bu nipaya nyevahaan dukanaah vu hil sen dawiing kand yuuh-ato osin vu hil baayamb.

Taato Langaah 3:20

Ham angge, sa naale vinavi be sa monaateey ham, tombe omaaho ti gango sa lavangg-ambe naam gataahin vinavi, ond mem saandukana umakalo be sa mando gaving yi be haay ahondoos angga vanôôn hôôk ti.