Yesu Kalisi-te banye nivasa lohvu Jon kaavu 1:9 - Vakasin Moos

⁹ De kin tumin keen sen lukalaam voon-anjôôto ond navu melangaah vu omaahonôôn pin.

Yesu Kalisi-te banye nivasa lohvu Jon kaavu 1:9 Iomraidhean Croise

Matai 6:23

Le naambe gamem kaalus anipaya ond ganim naavi pin e mekanu. Om naambe gate melangaah-anja mekanu dôôk, ond mekanuu-to le naatu bopaata lôôt.”

Yesu Kalisi-te banye nivasa lohvu Luk kaavu 11:36

De naambe kin naatum nohvu ganim naavi pin-ande vuuti me-mekanu le, ond ganim naavi doos naatum naambe kin tumin natum ak hong-ato.”

Yesu Kalisi-te banye nivasa lohvu Jon kaavu 1:4

Vakasin-anju metumin danggakook neep vu yi, de metumin-anju ond tu kin tumin in nambe taato mop vu omaahonôôn.

Yesu Kalisi-te banye nivasa lohvu Jon kaavu 1:7

ond laam in naanêêl vakasin langaah jak kin tumin-anju, in hil pin gango be lambiing gaving.

Yesu Kalisi-te banye nivasa lohvu Jon kaavu 12:46

Saalukalaam voon-anjo nambe kin tumin in nambe hil pin sen sil alondpayo naam timu vu saa-to ond sil-ame mando hôôk mekanu le.

Yesu Kalisi-te banye nivasa lohvu Jon kaavu 14:6

Tombe Yesu nêêl vu nambe, “Mopaatôôv sa, de vakasin keen sa, osin metumin danggakook sa. Omaaho ti me-le noh mop ango be na vu Aamangg e, malis, yik mopaatôôv sa timu.

Yesu Kalisi-te banye nivasa lohvu Jon kaavu 15:1

“Sak sa hees wain keen, de Mangg ond yik kul wain dangga yi.

Yesu Kalisi-te banye nivasa lohvu Jon kaavu 6:32

Le Yesu nêêl vu sil nambe, “Sa naanêêl keen lôôt vu ham naambe Mose me-vu vanôôn baandoni vu ham e, malis, sate Aamangg oo navu vanôôn baandoni keen vu ham.

Yesu Kalisi-te banye nivasa lohvu Jon kaavu 7:12

Tombe hil davu pataalang ak yi lôôt, om vaalu danêêl nambe, “Yi omaaho nivasa,” de vaalu danêêl nambe, “Malis, navu tatuhin hil.”

1 Jon 1:8

Le yiiy naanêêl naambe yate nipaya ma, ond yiiy navu tatuhin yiiy, tombe vakasin keen-ame neep hôôk yalonggpayo le.

1 Jon 2:8

Lemu tanasin sen sa navu kaavu vu ham-anja ond yik tanasin moos, de Yesu navu taato nambe tanasin-anju keen, de ham navu taato having, in mekanu nalung nala de melangaah keen tum laam lung la.

1 Jon 5:20

Tonde yalak ni nambe Anutu Noow laam lung la tombe vêêl yalungg ak-ambe yiiy nalak Anutu keen ani. Tombe yiiy nando hôôk Anutu keen-anju lopayo in dangga nambe yaatu Noow Yesu Kalisi-te hil lung laa-to. Tonde Yesuu-ju ond Anutu keenaanôôn osin metumin danggata-te danggakook yi.