Yesu Kalisi-te banye nivasa lohvu Jon kaavu 1:4 - Vakasin Moos

⁴ Vakasin-anju metumin danggakook neep vu yi, de metumin-anju ond tu kin tumin in nambe taato mop vu omaahonôôn.

Yesu Kalisi-te banye nivasa lohvu Jon kaavu 1:4 Iomraidhean Croise

Matai 4:16

ond hil sen dando hôôk mekanuu-to layi melangaah bopaata. Yik hil sen dando hôôk taaku mekanu in nambe lanjimb-ambe lana mend namaa-to ond melangaah tok laam vu sil.”

Yesu Kalisi-te banye nivasa lohvu Luk kaavu 2:32

Tombe yii-ju tu kin tumin in nambe le bu melangaah vu hil vaalu sen sil-ame Yudaa-to, osin biing-ambe gate hil Islel haalend naatu bopaata.”

Yesu Kalisi-te banye nivasa lohvu Jon kaavu 11:25

Tombe Yesu nêêl laah vu nambe, “Kandi jak naah osin metumin yoo danggakook sa. Hil sen lambiing gaving sa be lanjimb-ato ond sil e mando metumin,

Yesu Kalisi-te banye nivasa lohvu Jon kaavu 12:35

Le Yesu nêêl laah nambe, “Kin tumin-ato le naatum vu ham daka gaving e, om ham oo ana hôôk melangaah in le mekanu dôôk in ham. In omaaho ti na hôôk mekanu ond le doosin mop sen naa-to,

Yesu Kalisi-te banye nivasa lohvu Jon kaavu 12:46

Saalukalaam voon-anjo nambe kin tumin in nambe hil pin sen sil alondpayo naam timu vu saa-to ond sil-ame mando hôôk mekanu le.

Yesu Kalisi-te banye nivasa lohvu Jon kaavu 14:6

Tombe Yesu nêêl vu nambe, “Mopaatôôv sa, de vakasin keen sa, osin metumin danggakook sa. Omaaho ti me-le noh mop ango be na vu Aamangg e, malis, yik mopaatôôv sa timu.

Yesu Kalisi-te banye nivasa lohvu Jon kaavu 3:19

De lana mend namaa-ju dangga nambe melangaah laam voon lung la, lemu hil lawiingin mekanu, de me-lawiingin melangaah e, in silate kul anipaya.

Yesu Kalisi-te banye nivasa lohvu Jon kaavu 5:21

Nambe sen Mangganaan nawiing-ambe hil yimbin davu kandi lak laah-ambe dando mend natum, ond yik nambêênju Noow navu metumin vu hil sen ka navu nambe bu vu sil-ato.

Yesu Kalisi-te banye nivasa lohvu Jon kaavu 5:26

In metumin danggakook neep vu Mangganaan, ond yik wiing-ambe metumin danggakook neep vu Noow having.

Yesu Kalisi-te banye nivasa lohvu Jon kaavu 8:12

Tonde Yesu nêêl vakasin ango vu hil nambe, “Sak sa kin tumin voon-ate. Omaaho ti taamuyin sa ond me-le na hôôk mekanu le, malis, le na osin melangaah metumin-ate.”

Yesu Kalisi-te banye nivasa lohvu Jon kaavu 9:5

De lohvu busin sen sa nando voon-anjôôto ond voon-ate kin tumin sa.”

Sinaale 26:23

nambe, ‘Omaaho sen Anutu yoo holin yi vulôôt in nambe dôôvu yiiy-ato, ond le gako nivaane be kandi jak naah vu hil yimbin-ate naamunggin vu hil pin, in naanêêl vakasin melangaah-ate vu hil Yuda osin hil vaalu sen sil-ame Yudaa-to gaving.’”

1 Kolint 15:45

Tonde Anutu-te vakasin neep hôôk kaapiya having nambe, “Adam ango munggin tu omaahonôôn-ambe nando metumin,” tonde sim Adam ango taamusin yi Anutu keen, om le biing-ambe yiiy mando metumin danggata.

Epesas 5:14

Lohvu Anutu-te vakasin neep hôôk kaapiya nambe, “Hong sen onahop-ato, okandi jak. Onggavuuh mop meyimbin-ate na, le mem Kalisi-te melangaah e naatum ak hong.”

Kolosi 3:4

In Kalisi ond tu yate metumin danggakook, om vu taamusin sen naatok nom langaah-ato ond hôôk busin-anju ham e baale langaah gaving yi osin nikaapulis.

1 Jon 1:1

Hey naanêêl vu ham naambe omaaho vakasin metumin-ate ond yoo nando munggin in va pin, tombe hey hango osin hey aahe lak hey amekaalus, yik hey aahe keen osin hey namangg lôôh.

1 Jon 1:2

Metumin-anju tok laam langaah atombe hey aahe, ondeey hey natulin osin hey naanêêl langaah vu ham nambe metumin danggata-têênju nando having Mangganaan, le tok laam langaah vu hey.

1 Jon 5:11

Om vakasin keen sen Anutu nêêl langaah-ato nambe Anutu vu metumin danggata-te vu yiiy lung la, metumin-anjo dangga lak Noow Yesu timu.

Taato Langaah 22:1

Lung atonde sim angela taato bel bopaata metumin-ate ti vu sa, tombe bel-anju yoo natêêlang lôôt lohvu dundum. Bel-anju vêêl hato omaaho lulemak Anutu yuuh Sipsip Noow-ate sia be la.

Taato Langaah 22:16

“Yik sa Yesu sen soo aawiing sate angela laas vu ham-ambe nêêl sate vakasin-anja vu ham bel-ate. Saa-jo sen sate danggakook neep vu Devit, in Devit-ate hil vu taamusin-ato ti sa, tonde sa matam bop sen natum hôôk samiinaanôôn-ato.”