Jems 5:6 - Vakasin Moos

⁶ Tonde ham anêêl hil anivalok-aso de ham ayiis sil-ambe layimb lung la, le ma de me-lavu hôôk nyevahaan los e.

Jems 5:6 Iomraidhean Croise

Matai 21:38

Lemu hil sen danggin kul wain-ato layi noow, tombe yoo lanêêl vu sil nambe, ‘Omaaho sen-anju le gako mangganaan-ate va pin om ham-o, yaanyiis-ambe jimb-ande kul-anjo naatu yate va.’

Matai 27:20

Le ma de kul vaha sen datung salivangin-ato silate yêêv-aso osin himbop-aso laanjiihin hil ngeeyaataa-ju nambe sil daanêêl vu Pilata naambe kavaayin Balabas vu sil, de nyiis Yesu be jimb.

Matai 5:39

Nganjo sa naanêêl vu ham naambe omaahonôôn lambiing nipaya vu ham ond ham-ame ambiing nipaya dukanaah e. Om omaaho ti patap onggaambôôk vaalu vasa, ond ganggilin vaalu kêênj in patap gaving.

Sinaale 22:14

Le mem nêêl nambe, ‘Yate himbop-aso bôôy silate Anutu yoo holin hong in nambe ganjak yite lopayo ni, ondeey gahe Omaaho Nivalok osin ohango lava,

Sinaale 7:52

Hil sen danêêl Anutu-te vakasin langaah-ato ond ti tana nando bôôy-ambe hamate himbop-aso me-lawiing nindanjeen vu le? Malis. Hil sen danêêl vakasin langaah nambe Omaaho Nivalok e naam-ato ond hamate himbop-aso bôôy layiis sil-ambe layimb, om gêên ham oo anêêl yi langaah vu hil-ambe layiis-ambe yimb.

Sinaale 8:32

Ke, omaahôô-ju nasevin Anutu-te vakasin boow ti neep hôôk kaapiya nambe, “Langgiiy yi be lala lohvu bik sipsip sen davu lanyiis-ambe jimb-ato, de lohvu bik sipsip noow sen daving nivalus-ande me-nasuu-to, ond omaahôô-ju me-vakaas e.

Hibluu-to 10:38

De sate hil anivalok-aso londpayo le naam timu vu sa lôôt-ambe sil e mando metumin, le naambe sil ti jêênin-ambe seelin na in sa ond same le aangge yi nivasa le.”

Jems 2:6

Om ham nawiing nimumin vu hil paya paya-sôônju in? Sil-ame dawiing ham paya le, nganjo kupak dangga-so ond mem daanggôôl ham-ande daandiiy ham-ambe ham ala nawiing vakasin.

Jems 4:2

Ham ahem naving va vaha vaha in nambe ham gako le ma, om ham nawiingin nambe ham anyiis hil-ambe lanjimb. Tonde ham nawiing menôôn in va vaha vaha, le ma de ham-ame alohvu nambe gako le, om ham ahem kalin lôôt vu ham-ambe ham nayiis ngaamong. Tonde ham nativak in va in ham-ame navu kataangg Anutu nambe dôôvu ham e.

1 Pita 4:18

Lohvu Anutu-te vakasin neep hôôk kaapiya nambe, “Hil anivalok baale niwêêk-ambe baaku nimeen pin lôôt e mem Anutu gako sil naah vu yi, ond hil sen laluuh damind vu yi be dawiing va nipayaa-to le gako nipaya valok-ate.”