Epesas 3:9 - Vakasin Moos

⁹ Tonde sa tatekin Anutu-te vakasin sen neep vunin bôôy-ato danggakook in nambe nanjip langaah vu omaahonôôn pin, in vakasin-anjo yoo vun yi be neep hôôk Anutu lopayo vu bôôy sen hatung ngaanggis-ato lôôt-ambe tok laam gêên-anjo.

Epesas 3:9 Iomraidhean Croise

Matai 10:27

Tanasin sen yiiy oo nando de sa naanêêl vu ham-ato ond ham naanêêl na langaah, yik vakasin sen ham oo nangoyin-ande sa naanêêl-ato ond ham ana baale talind-ambe ham naanêêl vu hil pin.

Matai 13:35

om Anutu-te vakasin sen omaaho ti nêêl langaah bôôy-ato nôôn ak nambe, “Sale naanêêl vakasin naatu vakasin pakwesin vu sil, de vakasin heey neep vunin vu bôôy sen Anutu hatung ngaanggis osin yendak-ato be tok laam gêên-anjo ond sale naanêêl langaah.”

Matai 25:34

tombe omaaho lulemak-anju le naanêêl vu hil sen daale nama vasaa-to naambe, ‘Mangg samu ham nivasa, om ham anaam mando taaku sen Anutu yoo nêêl ham haalem ak vu bôôy sen hatung ngaanggis ayuuh va pin-ato.

Matai 28:19

om ham ana ambiing-ambe hil pin daatu sate hil, tombe ham anjipis sil jak Mangganaan ayuuh Noow-ande Vavi Vaambuung haalend,

Yesu Kalisi-te banye nivasa lohvu Luk kaavu 24:47

tombe mem hil e daanêêl na nohvu hil taaku pin, ond le daanêêl jak Kalisi haale naambe sil langgilin londpayo be Anutu kawiiy silate nipaya na, ond le daanêêl vu Yelusalem vêêl e.

Yesu Kalisi-te banye nivasa lohvu Jon kaavu 10:30

De haay Mangg ond yik haay nôôn timu.”

Yesu Kalisi-te banye nivasa lohvu Jon kaavu 5:17

Le Yesu nêêl vu sil nambe, “Aamangg oo monawiing kul-ambe tok laam gêên-anjo, de yik sa naawiing sapa hôôk vaha.”

Yesu Kalisi-te banye nivasa lohvu Jon kaavu 5:19

Tombe Yesu nêêl vu sil nambe, “Sa naanêêl keen lôôt vu ham naambe Noow-ame yoo lohvu nambe biing vati nohvu ka le, malis, yoo nawiing va sen nayi de Mangganaan nawiing-ato. Va pin sen Mangganaan nawiing-ato ond yik Noow oo nawiing vaa-ju having.

Sinaale 15:18

Omaaho Bop sen yoo ka vu nyendoos-ambe nêêl langaah-ato ond nêêl nambêênja.’

Pol-ate kaapiya la vu hil bel-ate vu Lom 11:25

Halingg-aso, saawiingin nambe ham anjak vakasin vunin-anjo ni le, in ham oo le kam bu naambe ham hil osin kam, om sa naanêêl vakasin vunin-anjôôto langaah vu ham e. Hil Islel vaalu ond londpayo niwêêk, tombe sil oo le mando naambêênjo lôôt-ambe na balup hôôk busin sen hil vaalu sen sil-ame Islel e, le Anutu holin sil ak-ato, ond sil pin langgilin sil nom-ambe jung na,

1 Kolint 2:7

nganjo Anutu-te kakook vunin-ato ond mem hey naanêêl langaah-anjo. Anutu-te kakook-anju ond yoo vun yi bôôy munggin va pin, de yoo ka vu bôôy-anju nambe bu yite nikaapulis vu yiiy.

Epesas 1:4

Keen, Anutu yoo holin yiiy ak munggin sen me-hatung ngaanggis-ato le. Ahe having yiiy om holin yiiy in nambe yiiy naatu Kalisi-te hil, tombe mem yiiy naatu vaambuung osin yiiy naatu hil sen Anutu me-ji naambe va nipaya me-neep vu yiiy-ato le.

Epesas 3:2

Mak ham hangoyin lung la nambe Anutu wiing samu samu osin vu kul vu sa nambe sa naas aambiing yite kul vu ham.

Epesas 6:19

Tonde yik ham anohak in sa gaving, in naambe sa bakaas ond Anutu yoo biing vakasin vu sa be sa naanêêl banye nivasa sen neep vunin bôôy-ato naam langaah, de same aanjêênin hil e.

Kolosi 1:23

Om yik ham oo ambiing gaving lôôt-ambe ham baale niwêêk, in vati le biing atombe sim ham seelin na in va sen ham hango banye nivasa be ham natung mem in nôôn-ato. Banye nivasaa-ja ond sa Pol oo aatu yite kul vaha, tombe hey naanêêl langaah vu omaahonôôn pin vu voon.

Kolosi 1:26

In vakasin-anjo yoo vun yi bôôy in hil pin, le ma de gêên ond Anutu taato laam langaah vu yite hil lung la.

Kolosi 3:3

In ham alompayo nipaya voon-ate yimb lung la, de ham kandi nando metumin, lemu omaahonôôn-ame dayi mend ak e, in ham nando metumin having Kalisi hôôk Anutu lopayo.

Kolosi 4:3

Tonde yik ham anohak in hey naambe Anutu dôôvu hey-ambe tatekin mopaatôôv in hey naanêêl Kalisi-te vakasin vunin-ato langaah, yik vakasin-anju sen saaluus kalaambus in gêên-anjo.

2 Tesalonika 2:13

Halingg-aso, hey oo naapêêlis la vu Anutu lak busin pin in ham sen Omaaho Bop ahe naving ham-ato, in Anutu yoo holin ham-ambe lôôh ham vêêl in va nipaya munggin hil pin, ond wiing nambêênjo lak Vavi Vaambuung sen nawiing-ambe ham natu yite hil anivalok-ato, osin lak sen ham nawii-having vakasin keen-ato.

1 Timoti 3:16

Keen lôôt, vakasin sen Anutu ka vu be nêêl langaah vu yiiy-ambe yiiy navu sapaa-to ond danggakook bopaata lôôt. Vakasin-anjo nambe, “Tu omaahonôôn keen-ambe taato yi laam langaah, de Vavi Vaambuung oo tatekin yite danggakook nambe yoo lohvu, tonde angela layi mend ak yi. Yite vakasin la lohvu omaahonôôn pin-ambe hil vu voon lawii-having yi, tonde Anutu hako yi be la baandoni osin nikaapulis.”

2 Timoti 1:9

In Anutu hako yiiy lom-ambe teey yiiy in nambe yiiy naatu yite hil amu, lemu me-ka vu yate kul anivasa sen yiiy naawiing ondeey teey yiiy e, malis, nganjo yoo ka vu be wiing samu samu vu yiiy nyemalis amu. Anutu me-hatung ngaanggis e de yoo wiing samu samuu-jo vu yiiy hôôk Yesu Kalisi munggin-ambe neep.

2 Timoti 4:17

Lemu sak, Omaaho Bop kaandu sa be vu niwêêk vu sa, ondeey soo aanêêl Kalisi-te vakasin lohvu lôôt vu hil sen dango sate vakasin-ato, be hil alundoos pin langoyin. Tonde Anutu yoo lôôh sa vêêl in omaaho nipaya nama.

Titus 1:2

Tonde vakasin keen-anjo danggakook neep-ambe yiiy natung mengg in nambe yale mando metumin danggata-te. In bôôy ond Anutu me-hatung vati munggin e de yoo nêêl lung la nambe le bu metumin-anju vu yiiy, tombe me-navu tatuhin daka le, malis lôôt.

1 Pita 1:20

De bôôy sen Anutu me-hatung ngaanggis ayuuh ame le, ond yoo ka vu munggin nambe Kalisi le jimb in yiiy, tombe ta ngeeyaata lôôt lung la le mem gêên Anutu taato Kalisi langaah in nambe dôôvu ham.

Taato Langaah 13:8

Ke, hil pin vu voon sen haalend-ame neep hôôk kaapiya metumn-ate, vu bôôy sen Anutu hatung ngaanggis nyendoos-ato, ond sil e lanohak vu va bamaan-anju. Kaapiyaa-ju ond Sipsip Noow sen layiis bôôy-ambe yimb-ato yoo yite va.

Taato Langaah 14:6

Saahe de angela ti havêêhin vu yendak lavuun baandoni, ond hako banye nivasa danggata-têêto in nambe naanêêl langaah vu omaahonôôn pin vu voon. Naanêêl vu omaahonôôn bayêên bu ti ti pin, osin vu hil dangga ti ti pin, tonde vu hil lavand ti ti pin, de vu naavind ti ti pin.

Taato Langaah 17:8

Ke, va bamaan sen gahe lung laa-ju ond yoo nando bôôy, le sim gêên ond me-nando le, tonde sim vu taamusin ond le vu waak sen taaku nipaya mekanu-têêto be jakanaam, tombe mem na menama valok-ate. Tonde hil pin vu voon sen haalend-ame neep hôôk kaapiya metumin-ate, vu bôôy sen Anutu hatung ngaanggis nyendoos-ato, ond hil-anju le lanji va bamaan-anju be lambindis lôôt. In bôôy ond nando, le sim gêên ond me-nando le, tonde sim taamusin ond le naatok nom.

Taato Langaah 4:11

“O Omaaho Bop heyate Anutu, hong ond mem ganivasa lôôt lohvu nambe omaahonôôn daanêêl gate nikaapulis langaah osin sil gako ohaalem jak, tonde sil lavand dôôk hong in gate niwêêk, in goo hatung va pin lohvu gakam, tombe yik gêên va pin nôôn ak-ambe nando.”