Markos 3:29 - Mamanwa

²⁹ Basta kay bisan sin-o ya ampanaba ka maonga mahitenged ka Madazaw nga Ispirito nga garing ka Diyos diri gazed pasaylohon iza na Diyos. Bisan kawanihen ka waray pasaylo.

Markos 3:29 Iomraidhean Croise

Lokas 12:10

Bisan sin-o ya ampanaba ka maonga mahitenged kanao, kon anhinelsel iza pasaylohon iza na Diyos. Piro bisan sin-o ya ampanaba ka maonga mahitenged ka Madazaw nga Ispirito nga garing ka Diyos, diri gazed iza pasaylohon na Diyos.

2 Tisalonika 1:9

Silotan matood siran ka waray pagketeb. Kamhan diri disab siran makaapil ka Ginoo daw ya toong pagkadato nga madazaw.

Hodas 1:13

Singed isab siran ka mga dakolang baled na dagat ka pagbagzo kay ya maonga nga inhinang niran singed iton ka insangza nga indara na baled dizan ka baybazen. Singed isab siran ka mga bitoon nga nalaag di ka dalan kay bakak ya kanirang toldoan. In-andam na Diyos daan ya kanirang datnganan baba ka masarang kadeglem kawanihen ka.

Markos 12:40

Magapanlimbong sab siran ka mga balo nga babazi dazaw makaangken siran ka kanirang mga irinsiya. Kamhan magapaataasen sab niran ya kanirang pagpangamozo ka Diyos dazaw komoton niran ya kanirang mga sala. Agon pahamtangan siran na Diyos ka silot pagdakola ka silot naiza ka iba nga mga tao nga nakasala.

Matiyo 25:46

Kamhan pakarohen nao siran ka silot nga waray pagheneng. Piro ya mga matadeng nga tao mahatagan siran ka bag-ong kinabohi nga diri mawara.

Hodas 1:7

Magtaremdem kamo ka mga taga daan longsod nga Sodoma daw Gomora daw ya mga iba pen nga longsod libot kaniran. Maonga ya batasan niran singed ka batasan na mga taga langit nga inpanan-og nao kamazo. Kay ya mga amaama diri kon mga babazi ka lamang ya inkolkol niran piro kay in-azak disab niran pagkolkol ka mga amaama. Kamhan insilotan gazed siran dazaw maregda ya tanan mga tao nga silotan gazed na Diyos ya mga salaan nga tao baba ka inpirno nga diri di gazed pagaparengen ya laga.

Matiyo 9:3

Na, dizan isab ya mga maistro ka tinoohan na mga Yodayo. Pagpakabati ka niran ka inlaong ni Hisos ka paralitiko minlaong siran ka kanirang hena-hena nga garboso gazed si Hisos pagbakak nga iza ya Diyos.

Markos 3:30

Ani ini ya inbaheg ni Hisos kay minlaong ya mga Parasiyo nga inharian si Hisos na maonga.