Markos 10:39 - Mamanwa

³⁹ Minsambag sirang dowa nga Hisos, makahimo kami kaiton. Kamhan minlaong iza kaniran nga ya mga kalised nga andateng kanao andateng sab matood kamazo. Ya kanaong pagkapatay ani gihapon ya kamazong pagkapatay.

Markos 10:39 Iomraidhean Croise

Matiyo 10:25

Agon ya kaazi na tao nga nagatoon singed iton ka kaazi na toong maistro. Bisan ya kaazi na oripen singed iton ka kaazi na toong amo. Hao nga kamazong maistro kon magngaran ya tao kanao kan Satanas nga tag-iza ka mga maonga labi pen sab ya pagngaran niran kamazo ka maonga.

Matiyo 3:6

Pagpanalinga niran ka inwali ni Howan nagalaong siran nga mga salaan matood kami nga mga tao. Kamhan dizan ka sapa nga Hordan impanbenzagan siran ni Howan.

Markos 14:31

Kamhan minpahisambag si Pidro nga agad kon patazen pen hao iba kanmo diri ta ko gazed ilimed. Kamhan ya tanan mga sinarigan minpanaba isab siran kan Hisos singed ka pagpanaba ni Pidro.

Markos 14:36

Nagapanaba iza ka paghangzo nga Ama nao, iko ya makahimo ka tanan mga hinang. Kon somogot ko diri mo hao pag-ipapatay para ka mga sala na mga tao. Piro iko ka say magaponto kanao.

Howan 13:37

Nangotana si Pidro nga Ginoo, kay ono sa nga diri hao makaiba kanmo koman? Dini kanao andam di hao daan ka pagpakapatay para kanmo.

Howan 15:20

Magtaremdem kamo ka sindo nao kamazo nga ya oripen diri kon labaw iza ka toong amo. Hinoa ababa gazed iza. Pinagadaegdaeg hao na mga tao. Kamhan magadaegdaeg sab siran kamazo. Kon intoman niran ya kanaong inpanaba tomanen sab niran ya kamazong ipanaba.

Howan 17:14

Inhatag di nao kaniran ya kanmong sindo. Kamhan inkontara siran na mga diri kon sakop nao kay siran di ya mga maanak mo kamhan taga daked siran singed kanao.

Mga Kaazi 12:2

Kamhan impaotod disab naiza ya lieg ni Santiago nga magorang ni Howan.

Kolosas 1:24

Waray bali kon nagalised hao kay mindara hao kamazo kaini nga sindo basta kay dakola ya kasaza nao kay nagatiwas hao ka mga hinang nga malised nga naazakan ni Kristo kanao singed ka pag-azi naiza ka mga kalised dazaw tabangan nao ya toong mga sakop kay singed siran ka toong lawas.

Inpakita 1:9

Na, hao nga si Howan ani ya lomon mazo dizan kan Kristo. Kan Kristo di kita agon mag-anika ya kahimtang ta kay awazen kita na mga tao nga wara magsakop kan Hisos. Kita disab ya magahari iba kan Hisos kay-an ka pagkahari naiza ka bag-ong kalibotan. Agon mag-anget kita ka mga kalised koman. Na, indara hao ngaro ka poro-poro ani ngaran ya Patmo. Kamhan napiriso hao doro kay minpanan-og hao ka mga tao ka sindo na Diyos nga impanan-ogan ni Hisos kanao.