Lokas 4:32 - Mamanwa

³² Kamhan nabereng gazed siran kay labaw gazed ka gahem ya mga panaba ni Hisos.

Lokas 4:32 Iomraidhean Croise

Markos 1:22

Kamhan nabereng gazed siran kay ya toong mga panaba labaw gazed ka gahem na mga panaba na mga maistro ka tinoohan na mga Yodayo.

Lokas 2:47

Kamhan nabereng ya tanan mga manalingahay kay madazaw gazed ya mga sambag ni Hisos ka mga maistro.

Lokas 4:33

Na, ka dizan pen si Hisos ka singbahan may tao nga inboang na maonga nga minsinggit kanangiza nga nagalaong nga

Lokas 4:36

Kamhan nabereng gazed ya mga naneleng. Namaglaong siran nga labaw gazed ka gahem ya pagpanaba ni Hisos! Bisan ya mga maonga antoo baza siran ka toong sogo.

Howan 6:63

Ya Madazaw nga Ispirito na Diyos iza kay makahatag ka tao ka matood nga kinabohi, diri kon garing iton ka hinang na tao. Ya kanaong inpanaba kamazo garing iton ka Madazaw nga Ispirito na Diyos. Kamhan makahatag iton kamazo ka bag-ong kinabohi.

Howan 7:46

Minsambag siran nga wara sa sokad ya tao nga makapanaba singed kaini nga tao.

2 Korinto 4:2

Pagsindo nami ka mga tao insalikway nami ya mga sala nga intago na mga iba nga tao pagtoldo niran. Wara kami magbakak. Wara kami magpabaliko ka mga panaba na Diyos. Dini ka pagseleng na Diyos daw dizan ka bisan sin-o nga tao polos matood ya mga panaba nami. Kamhan waray ikasaway kanami.

1 Tisalonika 1:5

Kay pagdara nami ka sindo mahitenged kan Kristo doro kamazo wara kami maggamit ka mga panaba ka lamang basta kay ya Madazaw nga Ispirito nga garing ka Diyos ani ya minpatandeg ka kamazong hena-hena. Kamhan nakasabot gazed kamo nga matood gazed ini nga sindo. Mahagdam disab kamo nga madazaw ya batasan nami diton kamazo dazaw ani haodan mazo ka pagbatasan.

Tito 2:15

Tito, ini nga soyat nao kanmo itoldo mo ka mga tao. Gamiten mo ya tanan mong katenged ka pagdomara kaniran. Tambagan siran kamhan bahegen mo siran kon nakasala siran. Azaw itogot nga tamazen ko na bisan sin-o nga tao.