Lokas 1:47 - Mamanwa

⁴⁷ Sazaen nao ya Diyos nga kanaong Manlolowas.

Lokas 1:47 Iomraidhean Croise

Lokas 2:11

Kay natao di ya kamazong Manlolowas nga si Kristo nga Ginoo. Kamhan ya nataohan naiza nga bata ani ya longsod nga Bitlihim nga nataohan ni Dabid nga karaang hari.

1 Timotiyo 1:1

Hao si Pablo ya minsoyat. Insarigan hao ni Kristo Hisos ka pagdara ka toong sindo kay ani ya kabebet-en na Diyos nga kantang Manlolowas daw si Kristo Hisos nga kantang intagadan.

1 Timotiyo 2:3

Madazaw gazed iton nga batasan daw makasaza disab ka Diyos nga kantang Manlolowas.

Tito 1:3

Pagdateng na tirmino nga in-andam naiza daan inpakahagdam naiza ya sindo mahitenged kaiton nga kinabohi. Insarig kanao ini nga sindo kamhan inwali nao kay insogo hao na Diyos nga kantang Manlolowas.

Tito 2:10

Diri siran mangawat ka mga betang na amo. Hinoa magapakita siran nga beetan daw kasarigan gazed siran. Kamhan makasabot ya mga agaron nga madazaw gazed ya sindo na Diyos nga kantang Manlolowas.

Tito 2:13

Kay madazaw ya intagadan nita kay may tirmino nga andateng si Hiso Kristo nga kantang Diyos nga pinakalabaw daw ya kantang Manlolowas. Kamhan ipakita naiza nga dakola ya toong pagkadato.

Hodas 1:25

Sazaen ta ya bogtong Diyos nga kantang Manlolowas kay mintoo kita kan Hiso Kristo nga kantang Ginoo. Dakola ya ngaran na Diyos. Dakola ya toong pagkadato. Labaw iza ka gahem paghari naiza ka tanantanan sokad ka wara pen mahinang ya kalibotan daw koman daw kawanihen ka! Matood ini.