Hodas 1:5 - Mamanwa

⁵ Bisan inpakahagdam kamo daan ka tanan pataremdemen ta kamo nga kawandini pen ya Diyos ani ya minlibri ka mga Yodayo nga in-oripen na mga taga Ihipto. Kamhan dizan kaniran bisan sin-o ya wara magtoo insilotan disab iza na Diyos ka kamatazen.

Hodas 1:5 Iomraidhean Croise

Roma 15:15

Na, dini ka soyat nao isahay maiseg ya pagpanaba nao kamazo kay gosto nao nga diri kamo magkalipat ka kanaong sindo. Kay ya Diyos ani ya minsarig kanao ka pagsindo kamazo.

Hibriyo 3:16

Daw sin-o ya nakabati ka saba na Diyos kamhan min-ato kanangiza? Ya tanan mga tao nga indara ni Moysis garing ka lopa nga Ihipto.

2 Pidro 3:1

Mga kinaazak nao nga lomon dizan kan Kristo, kadowa di ya pagsoyat nao kamazo. Inpadara di nao ya dowang bolos nga soyat kay pataremdemen ta kamo ka sindo na Diyos dazaw makaandam kamo ka hena-hena nga madazaw.

Ya Kas-ang Soyat ni Howan - 1JN 2:20

Basta kay kamo ya intagan ka Madazaw nga Ispirito nga garing kan Kristo. Agon nakasabot di kamong tanan ka sindo na Diyos.

Ya Kas-ang Soyat ni Howan - 1JN 2:21

Wara hao magsoyat kamazo ka bag-ong sindo. Hinoa minsoyat hao kamazo kay nakasabot kamo ka sindo na Diyos. Nahagdam disab kamo nga ya sindo na Diyos waray saket ka bakak.