Mathui 6:24 - Ṉa Alaofua Falu 1923 1949

²⁴ Ta wane sa ka ra ata ro wane inoto e ai: uria na mado e ai nia ka rikia ta wane ka taa bana, ma ka liothau ana ruana wane; mado nia kai roo ata wane, ma kai fare faekwa ata wane. Kamulua sa muki ra ifatha God ma inotoa e ai.

Mathui 6:24 Iomraidhean Croise

GENESIS 47:17

Ma keka talaia mai katele kera ki satha Josefa: ma tha Josefa ka bii falea ta si faṉa iada ne talaa hosi ki, ma feree sifi eki, ma katele eki, ma ase ki: ma nia ka thareda asi faṉa ne talaa aini katele kera ki afa ṉali eri.

Mathui 4:10

Sui tha Jesus ka soree isana, Oi lae kamua, Satan: uria na kera keda, Oki faabaita tha Lord na God oe, ma nia talitoona boo oki ra ifana.

Luke 16:11

Mania mada sa musi mamamana ana inotoa ne ai si kokoto, ni tei na kai takofale kamulua ana inotoa ne mamana?

Luke 16:13

Ta wane ni ra sa ka ra ata ro wane inoto ki e ai: uria na mado e ai nia kai rikia ta wane ka taa bana, ma kai liothau ana ruana wane; mado nia kai roo ata wane, ma kai fare faekwa ata wane. Kamulua sa muki ra ifatha God ma inotoa e ai.

Luke 16:9

Ma nau ku soree isamulua, Muki ilia si do ana inotoa ne ai si kokoto fasi keki ado bi kamulua fafia; fasi, lalae e sui, keki thathagoni kamulua i la biui maku ki na kai to tatha.

Galesia 1:10

Sulaania wane ki neri na nau ku thathamia keki ala fafi nau, mado tha God? mado wane ki neri na nau ku thathamii faalea kera? mada sa ku faalea wane ki ka fula asi maṉa eri, nau wane ni ra tha Christ e ai.

I. Timothi 6:17

Oki faaroṉoa toa na kera rikii do i kada nei, kesi fare baita ani kera i talaada, me kesi lio uria do na keka rikidaki ne ai si to ṉado isada, keki manatatoo ṉado uria ṉa God maruki, na kai fale baita iakulua asi do ki sui bana fasi kuki seethathala ania;

II. Timothi 4:10

Uria na tha Dimasi e akwasi nau, sulaania nia thathamia si do kada nei ki, e lae uri Thesalonika; tha Keresenasi uri Galesia, tha Taetasi uri Dalamesia.

Jemesi 4:4

Kamulua wane ma kini ni oe la ki, musi thaitoomana na ado la bia fanua nei iano na ṉa firu la bia tha God?