Mathui 6:2 - Ṉa Alaofua Falu 1923 1949

² Mania si maṉa noki tona faledo ifana toa na kesi rikii do, osi ufia ta buṉu inaofamu, ’uria ade la na toa keki olodola keki ilia i la biu ni ofu la ki bia sula tale ki, uria bana fasi imole keki taṉoda. Mamana ku soree isamulua, Kera ṉalia naa kwaiara kera.

Mathui 6:2 Iomraidhean Croise

Fa Ṉu Abu ki 112:9

E ukalia si do ki, e tona falea ifana toa ana rofe la; kokoto la nia ka toto si sui: keki tafoa susukee do nia uri iaa ana faabaita lana.

Fa Ṉu Abu ki 37:21

Wane taa ka ṉali laṉa asi do, me a’i si oli fafia duu lana: wane kokoto molo ka thasi lea ana kwaiofei la, ka tona faledo.

Mathui 15:7

Kamulua ṉa toa muki olodola, si do na tha Aisaia ṉa porofeta e sorea suli kamulua na ba e too, be una eri,

Mathui 16:3

Ma i uusuwadia mulu sorea, Fanua kai kuburua itaraena: uria na thalo lo e memenaa ma ka mafuaroa. Toa muka olodola, mulu thaitoomana olotoona lana seena thalo lo; ma sui mulu dora ana olotoona lana bala si maṉa eki.

Mathui 22:18

Ma tha Jesus ka thaitoomana si lio taa kera eri, ma ka sorea, Uria ta na muki ilitooku, toa muki olodola?

Mathui 23:5

Ra kera sui bana keki ilia uria bana fasi imole ka rikia: kera thauwai nia filateri kera ki ka rerebaa, ma keka faarerebaa tagwarana tooni kera ki,

Mathui 23:6

Ma keka thathamia si kula inoto sana fafaṉa ki, ma si kula inoto ni ono la ki la biu ni ofu la ki,

Mathui 24:51

Ma kai kwai nia ana ro kadee do, ma kai falea si kula thatana kai to bia toa na kera olodola: si kula ana aṉi la ma didilifo la.

Mathui 5:18

Uria mamana ku soree isamulua, Maṉa na thalo lo ma fanua nei iano si tatha u, tee kasi kula mado tee kasi kula ne faekwa asia boo e ai dodoloa so ka tatha faisia ṉa lo, kai maasia si maṉa na toto keki faamamanea naa si do ki sui bana.

Mathui 6:16

Ma sui lau boo si maṉa na muki abu ana faṉa, musi ’uria lau toa na keki olodola, musi lio mala ta wane ne liodila: sulia keki lautania maada, uria bana fasi imole ki keka rikida keki abu ana faṉa. Mamana ku soree isamulua, Kera ṉalia naa kwaiara kera.

Mathui 6:3

Ma ni oe si maṉa noki tona faledo, osi alamatania aba mauli oe si thaitoomana si do na aba aola oe kei ilia:

Mathui 6:5

Ma si maṉa noki foa, osi ’uria lau toa na keki olodola: uria na kera thathamia faamau keki takwe ma keki foa i la biu ni ofu la ki ma sula luuni tala ki, uria bana fasi imole keki rikida. Mamana ku soree isamulua, Kera ṉalia naa kwaiara kera.

Mathui 7:5

Wane oko olodola, oko gaua ṉa falo faisia maamu lau bana inao; ma oki bii lio ni lea la uria gau lana kasi lolo eri faisia maana dooramu.

Mako 12:39

Ma si kula inoto ni ono la ki la biu ni ofu la ki, ma si kula inoto ki sana fafaṉa ki:

Mako 7:6

Nia luuda, ka soree isada, Si do na tha Aisaia ṉa porofeta e sorea suli kamulua na ba e too, toa na muki olodola, ’uria si do na kera keda na ba, Toa nei ki keki fare baita iaku ana ṉiduda bana, Ma ruruude ni da faisi nau.

Luke 11:41

Ma sui muki tona fale asi do na mulu rikidaki; ma rikia fasi, si do ki sui bana e falu ifamulua.

Luke 11:43

Taa la kai thauṉi kamulua, Farisi ki! uria na mulu liothau ana si kula inoto ni ono la ki la biu ni ofu la ki, bia kwaiaratai lea la ki la usia ki.

Luke 12:33

Muki usi asi do na mulu alua, ma muki tona faledo ifana toa na kesi rikii do; muki thauwai nia wai ni alumalefo ifamulua na toto si lafu, ṉa ogogonia i thalo lo ki mai na toto si sui, si kula na wane na kai bili si fula karaṉia, ma fufuru si labatania.

Luke 12:56

Kamulua toa muki olodola, mulu thaitoomana olotoona lana seena fanua nei iano ma thalo lo; ma sui nifana ade lana musi thaitoomana olotoona lana si maṉa eri?

Luke 13:15

Mania ṉa Lord e luu nia, ka sorea, Oe wane o olodola, ta na sa kamulua sui, ta wane si ei, afa boṉi mamaloa muki lukea buloka kamulua mado ase kamulua faisia si kula ni faṉa, ma muki talaia uria faakuufai lana, mado?

Luke 20:46

Muki fia wane ni kekeda ki, na keka thathamii liliu ana tooni tekwa ki, ma kera thathamia kwaiaratai lea la ki la usia ki, ma si kula inoto ni ono la ki la biu ni ofu la ki, ma si kula inoto ki isana fafaṉa ki;

Luke 6:24

Ma taa la kai thauṉi kamulua, toa na mulu rikii do! uria na mulu ṉalia naa lea la kamulua.

Luke 6:42

Mado oko sore ufita isana dooramu, Doora ae, alamatai nau kwai gaua kasi lolo ena faisia maamu, na ni oe i talaamu osi rikia ṉa falo na ni la maamu lau bana? Wane oko olodola, oki gaua ṉa falo faisia maamu lau bana inao, ma oki bii lio ni lea la uria gau lana kasi lolo faisia maana dooramu.

Jone 13:29

Uria na tei toa manatade una eri, sa uria na tha Judasi wai malefo eri ni isana, na tha Jesus e soree isana, Oki usia si do na kuki rofedaki ana fafaṉa; mado, kai falea ta si do ana toa na kesi rikii do ki.

Jone 5:41

Nau kwasi rofea sa imole ki keki faainoto nau.

Jone 5:44

Muki fitoo ufita, toa na muki faainoto kamulua kwailiu, ma inotoa ne ita atha God tee nia e ai musi rofea?

Jone 7:18

Wane na kai ṉata i talaana kai rofe uria faainoto lana i talaana: ma wane na kai rofe kai faainoto nia ne arasi nia mai, wane eri e mamana, me ai ta do kekeo si ni ani nia.

Si do Aposela ki kera ilidaki 10:2

Wane eri e faabaita tha God, ma ka mau ani nia bia toa eki sui boo ana maafera nia, wane ne tona fale baita ana toa na kesi rikii do, ma ka foa ṉado ana thatana tha God.

Si do Aposela ki kera ilidaki 10:31

Ma ka sorea, Koneliasi ae, kera roṉoa foa la oe, ma si do ba no tona faledaki tha God e rikia ka manataia.

Si do Aposela ki kera ilidaki 10:4

Ma nia lio tete uri nia, ka aanu, ma ka sorea, Ta neri, Lord? Ma nia soree isana, Foa la oe ba ki ma si do ba no tona faledaki e tae naa inaofatha God fasi keki manatai oe ania.

Si do Aposela ki kera ilidaki 11:29

Ma toa na tha Jesus e toleda, ta wane u boo i talaana ma ta wane u boo i talaana sulia si do ne rikidaki, kera sorea keki falea e ai si ei boo si do ana adomi lana baree wai doorana nai Judia:

Si do Aposela ki kera ilidaki 24:17

Buriana fa ṉali oro ki sui na mai nau kwa bii lae mai maṉa eri fasi kwa ṉalia mai si do kera tona faledaki iada isana kulee toa nau, ma do ni foa la ki:

Si do Aposela ki kera ilidaki 9:36

Sui tee kini na tha Jesus e tole nia e ni Jopa, thatana ni Tabitha, ma toolaṉai lana thata eri ni Dokasi: kin, eri e seemabe ṉado asi ra lea ki ma ana fale la ne fale ana toa na kera to ana rofe la.

Roma 12:8

Mado wane na kai kwaifamanatai, ana kwaifamanatai la nia: wane na kai tona falea si do ki, liona na kai ilia; wane na kai tatha inao, kai seemabe ania; wane na kai tatakomia ta imole, kai ilia ana seethathala la.

I. Korinitha 13:3

Ma mada sa nau kwa ukalia si do ki sui bana na nau ku rikia fasi kwa tharea toa na kesi rikii do, ma kwa falea seeku era ka akofia, ma liothau la ka ai faisi nau, sa ka adomi nau e ai.

Galesia 2:10

Tee si do boo, kera thathamia meki onotoona toa na kesi rikii do; si do eri boo na ni nau lau boo ku seemabe uria ili lana.

Efesasi 4:28

Wane ne bibili sa ka bili lau e ai: kai ulafu boo, kai ra ana abana asi do ne lea, fasi kai rikii do uria fale la ifana wane ne to ana rofe la.

I. Thesalonika 2:6

Mado na mili rofe uria inotoa na imole ki keki falea, ni kamulua, mado tei toa lau, si maṉa na mili sukwai mena fasi mika kulua fafi kamulua, kamilia aposela tha Christ ki.

I. Timothi 6:18

Oki faaroṉoda keki ilia si do ne lea, keki rikii do asi ra lea ki, keki thathai ana ukali lana si do kera ki, keki thathamii tona fale la;

Faelimone 1:7

Uria na mere seethathala faamau ma kera faainamaruki kamarea ana liothau la oe, sulaania kera adomia ruruuna toa abu eki ani oe keka to lea lau, doora.

Hibaru ki 13:16

Ma ili lana lea la ma fale tataka la, do musi lilio dora ania: uria na ka lea faamau atha God uria do ni foa la una eki.

I. Pita 4:11

Mada sa ta wane kai ṉata, ’uria sa nia ṉata asi ṉata tha God; mada sa ta wane kai ra, kai ra una eri ana sukwaia na tha God kai falea: fasi asi do ki sui bana keki fare inoto atha God atha Jesus Christ, Wane ana ṉa inotoa ma ṉa tooa toto si sui. Emeni.