Mathui 6:16 - Ṉa Alaofua Falu 1923 1949

¹⁶ Ma sui lau boo si maṉa na muki abu ana faṉa, musi ’uria lau toa na keki olodola, musi lio mala ta wane ne liodila: sulia keki lautania maada, uria bana fasi imole ki keka rikida keki abu ana faṉa. Mamana ku soree isamulua, Kera ṉalia naa kwaiara kera.

Mathui 6:16 Iomraidhean Croise

Nehemiah 1:4

Ma lalae mai, roṉoa naa si ṉataa eki, nau ku ono bakua, ku aṉi, ku tatao sulia tei fa boṉi; ma nau ku abu ana faṉa, ku foa inaofatha God na i thalo lo,

Fa Ṉu Abu ki 109:24

Maa ururuku ka feda sulia to laku faisia faṉa la; ma seeku e a’i si kobu ’uria ba inao.

Fa Ṉu Abu ki 35:13

Ni nau molo, si maṉa na kera matai na ba, tooni nau na si maku rarasieila: ana abu la ana faṉa ku alu seseka ana maṉoku; ma foa la nau eri e oli lau mai uri la ruruuku italaaku.

Fa Ṉu Abu ki 69:10

Si maṉa ku aṉi na ba, ku faaliodilaa maṉoku ana abu la ana faṉa, kera faaretoliṉi nau sulia ade laku neri.

Mathui 6:1

Muka fia ada muki ilia si do kokoto na muki ilia inaofana imole, fasi keki rikia: mada sa muka ade una eri, ka ai amulua ta kwaiara isana Maka kamulua ne ni mei thalo.

Mathui 6:2

Mania si maṉa noki tona faledo ifana toa na kesi rikii do, osi ufia ta buṉu inaofamu, ’uria ade la na toa keki olodola keki ilia i la biu ni ofu la ki bia sula tale ki, uria bana fasi imole keki taṉoda. Mamana ku soree isamulua, Kera ṉalia naa kwaiara kera.

Mathui 6:5

Ma si maṉa noki foa, osi ’uria lau toa na keki olodola: uria na kera thathamia faamau keki takwe ma keki foa i la biu ni ofu la ki ma sula luuni tala ki, uria bana fasi imole keki rikida. Mamana ku soree isamulua, Kera ṉalia naa kwaiara kera.

Mako 2:18

Ma toa na tha Jone e toleda bia toa na Farisi ki kera toleda kera abu ana faṉa tei si maṉa: ma kera lae mai, keka soree isana, Uria ta na toa na tha Jone e toleda bia toa na Farisi ki kera toleda keki abu ana faṉa, ma toa oe ki noki toleda e ai kesi abu boo ana faṉa?

Luke 18:12

Nau ro fa abu la ana faṉa afa uiki; ku falea taṉafula asi do ki sui bana na nau ku alua.

Luke 2:37

Sui ka oru sulia kwalu tafulu fa ṉali ma fai fa ṉali), ne ai si lae faisia biu baita eri, ka ra ana abu la ana faṉa ma foa la ki afa rodo mafa thato.

Si do Aposela ki kera ilidaki 10:30

Ma tha Koneliasi ka sorea, Fai fa boṉi e sui, ita asi maṉa na nau ku abu ana faṉa la ka fula asi kadee thato ne ’uria si maṉa eri; ma ana sikwana si kadee thato nau ku foa i maafera nau; ma rikia fasi, tee nonii wane e takwe inaofaku fafia tooni ne iriroa,

Si do Aposela ki kera ilidaki 14:23

Ma buriana na kero talisia ulunao ki ifada ana figua eki sui boo, ma kero foa bia to la faisia faṉa la, keko takofale kera ana ṉa Lord, na kera fitoona.

I. Korinitha 7:5

E ai mosi abula dodora iamoroa, talitoona bana ta kasi maṉa faekwa si maṉa na moka to ana tee si lio ania, fasi moki fale kamaroa teefau ana foa la, sui moki to ofu lau, ada tha Satan ka bae aliṉamoroa uria na mosi inoto ana seemoroa.

II. Korinitha 11:27

Ana ra nau ku ulafu ania ma ana ra ne kulua, ana tharai la afa rodo oro ki, ana thaofa ma ana liolalaṉa, asi maṉa oro na kwasi faṉa, ana seeku ne gwagwari ma karaṉia kwai talu.

II. Korinitha 6:5

Ana aliliboa la, asi maṉa ba ki na kera suusi kamilia i la lokafu, ana ṉalu la ki, asi ra eki na mili ulafu ania, ana tharai la ki, ana thaofa ki;