Mathui 6:12 - Ṉa Alaofua Falu 1923 1949

¹² Ma oki manata lube kamilia ana abula taa la kamilia ki, ’uria lau boo na miki manata lube kera na kera abula taa iamilia.

Mathui 6:12 Iomraidhean Croise

Fa Ṉu Abu ki 130:4

Sui si lio ni manata‐lube la ni isamu, fasi keki faare baita iamu.

Fa Ṉu Abu ki 32:1

Lea iana, wane eri na kera manata lube nia ana abula garo lana, kera thu fafia abula lana ne taa.

Mathui 26:28

Uria na abuku nai nia ana alaofua falu, ne igwa ifana toa oro uria doanita la ana abula taa la ki.

Mathui 9:2

Ma rikia fasi, kera ṉalia mai tee nonii wane afemae e thauṉia isana, kai teo i la thamataia: ma tha Jesus e rikia fitooa kera, ka soree isana wane eri afemae e thauṉia, Kaluwane nau, kai lea i manatamu: abula taa la oe ki kera manata lubea naa.

Mako 11:25

Ma si maṉa na muki takwe, muka foa, mada sa manatamulua e teo ana ta si do uria ta wane, muka manata lube; fasi Maka kamulua lau boo ne ni mei thalo ka manata lube kamulua ana abula garo lamulua,

Luke 11:4

Ma oki manata lube kamilia ana abula taa la kamilia ki; uria ni kamilia lau boo miki manata lubea toa eki sui boo na keki abula taa iamilia. Ma osi talai kamilia isana bae aliṉa la; oki suusi kamilia faisia taa la.

Luke 13:4

Mado akwala ma kwalu imole ba ki, na faelaṉi ni toi la i Saeloama e aru fafida, ma ka thauṉida, manatamulua e soso ni kera kera abula taa ka tatha ana toa eki sui boo na kera to i Jerusalema?

Luke 6:37

Musi ṉata mala wane ni kotu sulia imole, ma wane ni kotu toto si ṉata suli kamulua: musi sorea kwae lana imole, me ai kesi sorea kwae lamulua: muki manata lube, ma keki manata lubea abula lamulua.

Si do Aposela ki kera ilidaki 13:38

Mania muki thaitoomana, doora kera, na sulia Wane eri keki faaroṉo kamulua ana manata lube la ana abula taa la ki:

Efesasi 1:7

Wane eri na kulu rikia tae la faisi kulu ni ani nia sulia ’abuna, na manata lube la ana abula garo lakulua ki, sulia inotoa lea la nia.

Efesasi 4:32

Ma muki ade lea kwailiu iamulua, si lio kamulua ana mamasoro la, muki manata lube kamulua kwailiu, ’uria lau boo tha God e manata lube kamulua atha Christ.

Kolose 3:13

Muki mamasoro kamulua, ma muki manata lube kamulua kwailiu, mada sa ta wane kera abula taa iana ana ta si do; uria na tha Christ e manata lube kamulua naa, muka ade una eri lau boo.