Mathui 6:1 - Ṉa Alaofua Falu 1923 1949

¹ Muka fia ada muki ilia si do kokoto na muki ilia inaofana imole, fasi keki rikia: mada sa muka ade una eri, ka ai amulua ta kwaiara isana Maka kamulua ne ni mei thalo.

Mathui 6:1 Iomraidhean Croise

Fa Ṉu Abu ki 112:9

E ukalia si do ki, e tona falea ifana toa ana rofe la; kokoto la nia ka toto si sui: keki tafoa susukee do nia uri iaa ana faabaita lana.

Mathui 16:27

Sulaania Kaluwane imole kai lae mai ana inotoa Maka nia bia angel nia ki; ma asi maṉa eri nia kai kwaiaraṉai nia wane ni sui bana sulia abula lada.

Mathui 16:6

Sui tha Jesus ka soree isada, Muki to kinakina, muka fia lefena Farisi ki bia Sadiusi ki.

Mathui 23:13

Taa la kai thauṉi kamulua, wane ni kekeda ki ma Farisi ki, toa na muki olodola! uria na mulu fonoa tooa i thalo faisia imole: kamulua e ai musi kotho iei, ma toa na sa keki kotho mena e ai musi alamatanida kesi kotho iei.

Mathui 23:5

Ra kera sui bana keki ilia uria bana fasi imole ka rikia: kera thauwai nia filateri kera ki ka rerebaa, ma keka faarerebaa tagwarana tooni kera ki,

Mathui 25:40

Ma Kiṉa eri kai luuda, kai soree isada, Mamana ku soree isamulua, Uria na mulu ilia ata wane ne faekwa asia ana dooraku nei ki, do mulu ilia ani nau.

Mathui 5:16

Una eri lau boo lalaa la na ka ni ani kamulua kei laa inaona imole, fasi keka rikia ra lea kamulua ki, ma keki taṉoa Maka kamulua ne ni mei thalo.

Mathui 5:46

Uria na mada sa muki liothau ana toa na keki liothau iamulua, nifenia kwaiara kamulua? ta na sa toa na kera ṉalia takisi ki keki ade lau boo una eri, mado?

Mathui 5:48

Mania muka lea bonaa, ’uria na Maka kamulua ne ni mei thalo e lea bonaa.

Mathui 6:16

Ma sui lau boo si maṉa na muki abu ana faṉa, musi ’uria lau toa na keki olodola, musi lio mala ta wane ne liodila: sulia keki lautania maada, uria bana fasi imole ki keka rikida keki abu ana faṉa. Mamana ku soree isamulua, Kera ṉalia naa kwaiara kera.

Mathui 6:9

Mania muka foa ka una eri: Maka kamilia no ni thalo, Keki faaabua thatamu.

Mako 8:15

Ma nia ka ṉata fifi isada, ka una eri, Muki to kinakina, muka fia lefena Farisi ki bia lefena tha Heroda.

Luke 11:35

Mania oki lio ada mado e ai lalaa la ne ni ani oe na ṉa maerodo.

Luke 12:1

Asi maṉa eri, si maṉa na kudui wane ana malului wane eri kera figu mai, adedea keka uri kwailiu fafo aeda, nia ka sorea totonao isana toa nia ne toleda, Muki fia lefena Farisi ki, na ṉa olodola la.

Luke 12:15

Ma nia ka soree isada, Muki fia, ma muki beta kamulua faisia thathami lana ta tee si do mena asi do kera ki: uria na marukia imole e ai si ni ana do oro ne riki daki.

Luke 16:15

Ma nia ka soree isada, Kamulua toa na mulu tala sorea inaofana imole na mulu kokoto; ma tha God e thaitoomana ruruumulua: uria si do na kera faabaita i maalutana imole ki si do na tha God e rikia ka mamagu ania.

Jone 12:43

Uria na kera thathamia inotoa ita ana wane ki ka tatha ana inotoa ita atha God.

Jone 5:44

Muki fitoo ufita, toa na muki faainoto kamulua kwailiu, ma inotoa ne ita atha God tee nia e ai musi rofea?

Si do Aposela ki kera ilidaki 3:12

Ma si maṉa na tha Pita e rikia, nia luua toa eki, ka una eri, Kamulua wane Isirela ki, uria ta na muka kwele asi do eri? mado uria ta na muka bubu tete uri kamarea, ’uria sa ana sukwaia kamarea i talaamarea mado si lio kamarea ana fare baita la atha God mere tala adea wane eri kai lae?

Galesia 6:12

Toa eki na kera thathamii fatai nia si do ne lea ana seena imole, keka suuwai kamulua muki alamatania keka kwai kakali ani kamu lua; talitoona bana fasi kesi ilamatai kera uria ’ai rarafolo tha Christ.

Hibaru ki 11:26

Manatana na ṉata taa la na kera ṉata taa ania uria tha Christ do nia rikii do ania ka tatha ana ogogonia i Ijifita ki: sulaania e lio uria kwaiara eri.

Hibaru ki 2:1

Mania e kokoto na kuki aṉasi ka tatha asi do na kulu roṉodaki, ada mado e ai kuki oli faisia.

Hibaru ki 6:10

Uria na tha God e ai si abula kekeo fasi kai lio dora asi ra kamulua ma ulafu la kamulua ba ana liothau la na mulu fatai nia uria thatana, asi kula, eri na mulu rara mai ifana toa abu eki ka fula asi maṉa eri.

II. Jone 1:8

Beta suli kamulua, fasi si do na kulu ra naa anidaki e ai si aana faisi kulu, ma fasi kuki ṉalia foli lakulua na kai talaana.