Mathui 5:9 - Ṉa Alaofua Falu 1923 1949

⁹ Lea iada, toa na keki fofolo: uria na toto keki alaṉida ana kaluwane tha God ki.

Mathui 5:9 Iomraidhean Croise

Fa Ṉu Abu ki 120:6

E tau naa maṉoku ka to bana bia wane eri ne taa iana uria to kwaimaani la.

Fa Ṉu Abu ki 34:12

Ni tei na wane eri ne thathamia marukia, me lea faamau iana sa fa boṉi nia ki kai oro alaa, fasi kai rikia lea la?

Mathui 5:45

Fasi ṉa Maka kamulua ne ni mai thalo, wela nia ki na ni kamulua: uria nia kai adea thato nia kei tae ana toa na kera taa bia toa na kera lea, ma kai falea mai dani ana toa na kera kokoto bia toa na kesi kokoto.

Mathui 5:48

Mania muka lea bonaa, ’uria na Maka kamulua ne ni mei thalo e lea bonaa.

Luke 20:36

Bia sa keka mae lau ta si maṉa e ai: uria kera bobolo bia angel ki; ma ni kera kaluwane tha God ki, sulaania kera kaluwane tatae la faisia maea.

Luke 6:35

Muki liothau ana maalimae kamulua ki, ma muki abula lea, ma muki falea si do na keki duua, musi onotoona lau ṉali lana ta si do i maana; ma kwaiara kamulua kai baita, ma ni kamulua kaluwane Nia ne Inoto ka tatha ki: uria nia kai ade lea ifana toa na kesi sore lea bia toa na kera taa.

Si do Aposela ki kera ilidaki 7:26

Ma afa boṉi iburiana nia ka fatai nia isada si maṉa na keka firu, e thathamia sa kai aluda keka kwaimani lau, ka una eri, Thaa wane ae, kamulua tee baree wai doorana; uria ta na muka abula taa kwailiu uri kamulua?

Roma 12:18

Mada sa ta si do imole kai talaana, sulia si do na ni ani kamulua, muki to ana enenoa bia wane ki sui bana.

Roma 8:14

Sulaania toa eki sui boo na Spirit tha God ka talaida, kaluwane tha God ki na ni kera.

Roma 8:16

Tha Spirit talani nia ka faamamanea bia spirit kulu si do nia thaitoomana, na kulu wela tha God ki:

Roma 8:19

Sulaania manatatoo ṉado la, na si do ki sui bana na kera thauwai nia ka manatatoo ṉado faamau ania, ka maakwalia fatai lana kaluwane tha God ki.

I. Korinitha 6:6

Ma doora kai alaṉia doorana ana kotu ana ta si do, ma inaofana toa fitala na kera ilia?

II. Korinitha 13:11

Si do iisi, doora kera, muki seethathala. Keki oolo kamulua; keki faainamaruki kamulua; muki to ana tee si lio; muki to ana enenoa; ma ṉa God ana liothau la ma enenoa kai to bi kamulua.

II. Korinitha 5:20

Mania kamilia toa ni ṉaliṉata ifatha Christ, ’uria sa tha God e ṉata kwaitakoi ani kamilia: mika ṉata kwaitakoi, mika soree isamulua ifatha Christ, sa muki kwaimani lau bia tha God.

Galesia 5:22

Ma foee do atha Spirit na ṉa liothau la, seethathala la, enenoa, si lio ni doanita tatha la, adelea, abula thathaore la, abula lea la, abula mamana la,

Efesasi 4:1

Mania ni nau, wane ana ṉa Lord na kera suusi nau i la lokafu, ku ṉata kwaitakoi ku soree isamulua muki abula ana abula la ne farana aili la eri na kera aili kamulua mania,

Filifae 4:2

Ku soree isani Iuodia, ma ku soree isani Sidiki, moki to ana tee si lio ana ṉa Lord.

Kolose 3:13

Muki mamasoro kamulua, ma muki manata lube kamulua kwailiu, mada sa ta wane kera abula taa iana ana ta si do; uria na tha Christ e manata lube kamulua naa, muka ade una eri lau boo.

Hibaru ki 12:14

Muki rofe iburiana enenoa bia wane ki sui bana, ma si lio ne abu, na mada sa si lio eri ka ai faisia, ta wane sa ka rikia ṉa Lord e ai: