Mathui 5:8 - Ṉa Alaofua Falu 1923 1949

⁸ Lea iada, toa ruruude thathaulia: uria na toto keki rikia tha God.

Mathui 5:8 Iomraidhean Croise

GENESIS 32:30

Ma tha Jekofo ka alaṉia thatana si kula eri ana i Beniele: uria ni nau ku lio i maana tha God, ma kera faamaruki nau, kwasi mae.

Fa Ṉu Abu ki 15:2

Wane eri na abula lana kai oolo, na kai ra asi ra kokoto, ma kai ṉata mamana i ruruuna.

Fa Ṉu Abu ki 18:26

Bia wane lione thathauliaa oki fatai nia liomu na ka thathauliaa; ma bia wane ne kwaikwairaui oki fatai oe noko kwaikwairaui.

Fa Ṉu Abu ki 24:4

Wane nei na ro aba nia ki e faalu, ma ruruune thathauliaa; wane ne a’i si tafoa maṉona uria si do ne a’i si kwaiadomi, me a’i si othi ni lole la.

Fa Ṉu Abu ki 51:10

Oko thauwai nia do faalu i la ruruuku, God ae; oko adea spirit nau kai kokoto lau bana.

Fa Ṉu Abu ki 51:6

Rikia fasi, o thathamia mamana la i la rurui imole: ma ana si kula na ni thaufuni i seeku oki to’oa liotooa isaku fasi kwai thaitoomana.

Fa Ṉu Abu ki 73:1

Tha God ka ade lea mamana boo uri Isirela, uria toa eki na ruruude thathauliaa.

Si do Aposela ki kera ilidaki 15:9

Ma nia e ai si adea ’uria sa kera eeta faisi kulu, ka faafalua ruruuda ana fitooa.

I. Korinitha 13:12

Uria na si maṉa eri kulu rikia ana ironunu, ma ana tarifula ki; ma si maṉa na ni u kuki lio i maana: si maṉa eri ku thaitoomana tee bali; ma asi maṉa na ni u kwai thaitoomana teefau ’uria lau boo kera thaitoomaku.

II. Korinitha 7:1

Mania uria na alaṉaia eki ifakulua, toa liliothaua nau ki, kuki faafalu kulu faisia si do ki sui bana na kai faataalia seekulua ma spirit kulu, kuki faaabu teefau ani kulu ana mau la atha God.

Taetasi 1:15

Ifana toa liode thathaulia si do ki sui bana e thathaulia: ma ifana toa na liode taa ma kera fitala e ai ta do si thathaulia; manatada ma lioda lau boo e taa naa.

Hibaru ki 10:22

Kuki idu karaṉi mai fafia ruruukulua ne mamana, ana fitooa baita faamau, fafia ruruukulua na kera taṉasia si lio ne taa faisia, ma seekulua na kera taua asi kafo thathaulia:

Hibaru ki 12:14

Muki rofe iburiana enenoa bia wane ki sui bana, ma si lio ne abu, na mada sa si lio eri ka ai faisia, ta wane sa ka rikia ṉa Lord e ai:

Hibaru ki 9:14

Ta na sa abuna tha Christ, ne fale nia ana do dodoloa ni foa la ifatha God atha Spirit na kai to tatha, kai sukwai ka tatha fasi kai faafalua liomulua faisia si ra wane ne mae ki muki ra ifana ṉa God maruki, mado?

Jemesi 3:17

Ma liotooa eri ne ita mai ia kai thathaulia totonao, sui kai eno, kai abula thathaore, kai thathamii falea si do na keki gania, kai fuṉu ana tatakomia ma asi foee do lea ki, oli susuua ka ai faisia, olodola la ka ai faisia.

Jemesi 4:8

Muki idu karaṉia tha God, ma ni nia kai idu karaṉi kamulua. Faafalua ro aba kamulua ki, toa na mulu abula taa; ma faathathaulia ruruumulua, kamulua toa amulua ro si lio.

I. Pita 1:22

Uria na mulu faafalua maṉomulua si maṉa na mulu ade sulia mamana la eri atha Spirit ana liothau la na kesi lole ania uria baree wai doorana eki, ruruumulua kai seemabe ana liothau kwailiu la iamulua:

Si do na kera fatai nia 22:4

Ma keki rikia maana; ma thatana kai to i maa darada.