Mathui 5:46 - Ṉa Alaofua Falu 1923 1949

⁴⁶ Uria na mada sa muki liothau ana toa na keki liothau iamulua, nifenia kwaiara kamulua? ta na sa toa na kera ṉalia takisi ki keki ade lau boo una eri, mado?

Mathui 5:46 Iomraidhean Croise

Mathui 11:19

Kaluwane imole e fula, ka faṉa ma ka kuu, ma keka sorea, Rikia fasi, wane kai fafaṉa kwasi, ma kai kuu ṉado ana waene, wane ne ado bia wane na kera ṉalia takisi ki bia toa kera abula taa! Ma liotooa, wela nia ki kera faamamanea na nia e kokoto.

Mathui 18:17

Sui mada sa nia lalakwee roṉoa ṉata lada, oki faaroṉoa ana figua: sui mada sa nia lalakwee roṉoa lau boo ṉata lana figua eri, oki riki nia ka ’uria bana Jenetaele ma wane na ka ṉalia takisi ki.

Mathui 5:47

Ma mada sa muki aratai lea la ana talitoona dooramiu ki bana, si ta na muki ilia kei eeta? ta na sa Jenetaele ki keki ade lau boo una eri, mado?

Mathui 6:1

Muka fia ada muki ilia si do kokoto na muki ilia inaofana imole, fasi keki rikia: mada sa muka ade una eri, ka ai amulua ta kwaiara isana Maka kamulua ne ni mei thalo.

Mako 2:15

Ma lalae mai, si maṉa na tha Jesus kai teoreri kai faṉa ana i la biu tha Lifae, wane oro na kera ṉalia takisi ki bia toa oro na kera abula taa keki teoreri lauboo isatha Jesus bia toa nia ne toleda: uria toa eki kera oro, ma keka lae mai iburiana.

Mako 2:16

Ma wane ni kekeda ki ana Farisi ki, si maṉa na kera riki nia ka faṉa bia wane na kera ṉalia takisi ki bia toa na kera abula taa, keki soree isana toa nia ne toleda, Uria ta na nia kai faṉa ma kai kuu ana bia wane na kera ṉalia takisi ki bia toa na kera abula taa?

Luke 15:1

Sui toa eki sui bana ni ṉali lana takisi ki bia toa na kera abula taa keka idu karaṉi nia fasi keki roṉoa ṉata lana.

Luke 18:13

Ma wane eri ni ṉali lana takisi ki e takwe da mai, ma nia boro so maana mena ka lalakwee tafoa uri thalo lo, ma ka kumua ruruuna, ka una eri, God ae, oko tatakomi nau wane ku abula taa.

Luke 19:2

Ma rikia fasi, tee nonii wane thatana tha Sakiasi; ne inoto ana toa ni ṉali lana takisi ki, ma nia rikii do.

Luke 19:7

Ma si maṉa na kera rikia, kera sui boo keka uubulu taa, keka una eri, Nia e lae kai to si ana bia wane ne abula taa.

Luke 3:12

Ma wane ni ṉali lana takisi ki kera fula lau boo uria babataesi lada, ma keka soree isana, Wane ni kwaifamanatai ae, si ta na miki ilia e ai si ei boo?

Luke 5:29

Ma tha Lifae ka baelia tee fafaṉa baita ifana i biu nia: ma malului wane oro ana wane ni ṉali lana takisi ki bia ta toa lau keka teoreri bida.

Luke 5:30

Ma wane ni kekeda kera ki bia Farisi ki keka uubulu taa uria toa nia ne toleda, keka una eri, Uria ta na muki faṉa ma muki kuu bia wane ni ṉali lana takisi ki ma toa na kera abula taa?

Luke 7:29

Ma toa eki sui bana na kera roṉoa, bia wane ni ṉali lana takisi ki, keka faamamanea na tha God e kokoto, keka babataesida ana babataesi la tha Jone.

Luke 7:34

Kaluwane imole e fula, ka faṉa ma ka kuu; ma muki sorea, Rikia fasi, wane kai fafaṉa kwasi, ma kai kuu ṉado ana waene, wane ne ado bia wane ni ṉali lana takisi ki bia toa na kera abula taa!