Mathui 5:22 - Ṉa Alaofua Falu 1923 1949

²² Ma ni nau ku soree isamulua, Ni tei na kai tona rakeiri uria doorana kai to karaṉia kotu; ma ni tei bana na kai soree isana doorana, O wane oewanea, kai to karaṉia ofu la; ma ni tei bana na kai sorea, O wane oewanea bonaa, kai to karaṉia hell ana era.

Mathui 5:22 Iomraidhean Croise

GENESIS 37:4

Ma si maṉa na thoona kera kera rikia na maka kera e liothau ani nia ka tatha ana liothau lana ana thoona kera sui bana, keka riki nia ka taa, ma kera dora ana mai tasi faṉa iamu:

GENESIS 37:8

Ma thoona kera keka soree isana, Ni oe oki tatha mamana boo inaofamilia, mado? ma oki inoto mamana boo ani kamilia, mado? Ma keka bii riki nia ka taa ka tatha inunufana moosubole nia ki ma bae lana.

Nehemiah 5:8

Ma nau ku una eri isada, Sulia si do na mili talaana ili lana, mili tae faisia ina lakulua ba ki na ṉa Ju, eki na kera usi ana kera isana toa na ithara; ni kamulua molo mulu thathamii usi mena ana dooramulua kera, mado? muka usi ani kera isakulua, mado? Sui keka bona bada, e a’i kesi rofetoona ta si ṉataa ana luu lana bae laku.

Fa Ṉu Abu ki 109:3

Kera tori nau lau boo asi baea ana si lio ne riki nau ka taa, ma kera tona firu bi nau.

Fa Ṉu Abu ki 14:1

Wane ne oewanea e una eri i ruruuna, E a’i bana ta God. Kera dura bonaa, kera ra ana si ra ni mamagu la anidaki; e a’i bana ta imole na kai ilia si do ne lea.

Fa Ṉu Abu ki 25:3

Iu, e a’i bana ta imole maana kai asia ana toa eki na kera maasi oe: toa eki molo na kera tona abula dodora, maada toto kai asia.

Fa Ṉu Abu ki 35:19

Ada toa eki na kera tona ilamatai nau keki seethathala fafi nau: ada toa na kera tona riki nau ka taa keki maa‐aru.

Fa Ṉu Abu ki 37:8

Ekwa ana rakeiria, ma oko to faisia rake‐aṉoṉoa: i la ruruumu si tataa, ada oko bii ilia si do ne a’i si kokoto.

Fa Ṉu Abu ki 49:10

Uria ne rikia na wane liode too ki keki mae boo, wane oewanea ma wane ne ’uria do maruki ana fai ’ae keki sui ofu kau, toa eeta ki keki tae fuli iada ana ogogonia kera ki.

Fa Ṉu Abu ki 69:4

Toa na kera tona riki nau ka taa, keka oro ka tatha ana kwakwee ifu ki ana gwauku: toa na kera thathamii kwa’imusi nau keka sukwai, maalimae nau ki neri na keka tona ilamatai nau; sui nau ku oli fafia si do ne a’i kwasi ṉalia faisida.

Fa Ṉu Abu ki 7:4

So ku duua taa la fani nia ne kwaimaani lea bi nau; (iu, nau ku suusia taa la faisia maalimae ne tona ilamatai nau:)

Fa Ṉu Abu ki 92:6

Wane ne ’uria do maruki ana fai ’ae ki e a’i si thaitoomana; ma wane oewanea ka dora ana maalutana si do nei:

Mathui 10:17

Muki fia imole: uria na toto keki fale kamulua ifana ofu la ki, ma keki kwae tataria ana sulimulua i la biu ni ofu la kera ki;

Mathui 10:28

Ma musi mau ana toa na keki thauṉia seena imole, ma sui kesi talaana thauṉi lana si maṉo: muki mau molo ani nia ne talaana labatai lana si maṉo bia seena imole i la hell.

Mathui 12:24

Ma si maṉa na Farisi ki kera roṉoa, keka sorea, Wane nei e ai si arasia spirit taa ki ata do eeta e ai; kai arasia atha Bielasibaba ne inoto ana spirit taa ki.

Mathui 17:5

Si maṉa na nia kai ṉata u bana, rikia fasi, si datha iriroa ka nunufida: ma rikia fasi, liṉana si ṉata la e too mai la datha eri, ka una eri, Kaluwane liliothaua nau fu nia, e lea iaku uri nia; muki roṉoa ṉata lana.

Mathui 18:21

Sui tha Pita e fula isana ka sorea, Lord, fita si maṉa dooraku kei abula taa ani nau ma kwai manata lube nia? kai fula ana fiu si maṉa?

Mathui 18:35

Una eri lau boo Maka nau ne ni mei thalo kai ilia iamulua, mada sa ni kamulua sui musi manata lubea dooramiu ki i ruruumulua ki mai.

Mathui 23:15

Taa la kai thauṉi kamulua, wane ni kekeda ki ma Farisi ki, toa na muki olodola! uria na muki kalia amali ma fanua uria ta tee Jenetaele mena muki ṉata isana fasi kai ade mala Ju; ma si maṉa ne ade una eri naa, muki adea nia ṉa wela i Hell ka tatha ani kamulua.

Mathui 23:33

Kamulua wa aala ki, kamulua kwalafana baekwa i tolo ki, toto muki thaka ufita faisia kotu baita ana hell?

Mathui 25:41

Sui nia kai sorea lau boo isana toa ibali mauli nia, Lae kamulua faisi nau, toa na taa la ka to fafi kamulua, muka lae i la era na kai to tatha, na kera thauwai nia maakwalia tha devil ma angel nia ki:

Mathui 26:59

Ma wane inoto ni foa ki, ma ulunao ki, ma ofu la eri sui bana kera rofe uria tei wane keki lole fafia tha Jesus, fasi keka thauṉi nia;

Mathui 3:17

Ma lio fasi, liṉana tee ṉata la too mai thalo lo ki, ka una eri, Kaluwane liliothaua nau funia; e lea iaku uri nia.

Mathui 5:34

Ma ni nau ku soree isamulua, E ai musi othi; ana thalo lo ka ai, uria na kula eri do ni ono tha God ana inotoa;

Mathui 5:44

Ma ni nau ku soree isamulua, Muka liothau ana maalimae kamulua ki, muki falea lea la ifana toa na kera alua taa la kai to fafi kamulua, muki ade lea uria toa na kera riki kamulua ka taa, ma muka foa faisia toa na keki fare taa iamulua ma keki tona ilamatai kamulua;

Mako 14:55

Ma wane inoto ni foa ki ma ofu la eri sui bana kera rofe uria tei wane keki lole fafia tha Jesus fasi keka thauṉi nia; ma kesi fulatoona.

Mako 15:1

Ma i la uusuwadia u boo wane inoto ni foa ki keki furia ṉata bia ulunao ki ma wane ni kekeda ki ma ofu la eri sui bana, sui keka kania tha Jesus, keka tolea, keka fale nia ifatha Paelate.

Luke 12:5

Nau kwai faaroṉo kamulua ani nia na muki mau ania: Muki mau ani nia, na iburiana ne thauwane sukwaia ni ania uria ui lana i la hell; iu, nau ku soree isamulua, Muki mau ania.

Luke 22:66

Ma si maṉa ne dani u boo, ulunao ana toa eki ma wane inoto ni foa ki bia wane ni kekeda ki keka ofu; ma keka talai nia isana ofu la kera, keka una eri,

Jone 11:47

Mania wane inoto ni foa ki ma Farisi ki kera ofua mai tee ofu la, ma keka sorea, Ta neri na kuki ilia? uria na wane eri ka ilia bala si do oro ki.

Jone 15:25

Sui si do eri ka mamana, fasi si baea ba kai mamana na kera keda ana lo kera, Kera tona riki nau ka taa.

Jone 7:20

Malului wane eki kera luua, keka una eri, Spirit taa ni ani oe: ni tei na kai rofe uria thauṉi lamu?

Jone 8:48

Sui Ju ki kera luua, keka soree isana, Si do mamana na mili sorea, oe ṉa wane i Sameria, ma spirit taa ni ani oe?

Si do Aposela ki kera ilidaki 17:18

Ma tei wane ana Epikureana ki ma Sitoika ki, toa na kera thathamia manata lea la, keka fulatoona. Ma tei toa keka sorea, Si ta na wane na kai tona ṉataṉata nania ka thathamii sorea? ma tei toa lau, E ’uria sa nia fatai nia god eeta ki: sulaania e ṉata sulia tha Jesus ma tatae la faisia toa mae ki.

Si do Aposela ki kera ilidaki 22:30

Ma sui afa boṉi iburiana, uria ne thathamii thaitoomana filoa maalutana si do Ju ki kera alaṉi nia ania e lubea, ka soree isana wane inoto ni foa ki ma ofu la eri sui bana keki ofu mai, sui ka talaia tha Polo kai sifo, ka alua ka takwe inaofada.

Si do Aposela ki kera ilidaki 23:1

Ma tha Polo ka lio tete uria ofu la eri, ka sorea, Doora kera, nau ku abula ṉado inaofatha God asi lio ne lea ka fula ana itaraena.

Si do Aposela ki kera ilidaki 24:20

Mado wane nai ki keki faaroṉo ana ta si abula la ne taa na kera fulatoona ani nau, si maṉa nau ku takwe inaofana ofu la eri na ba,

Si do Aposela ki kera ilidaki 4:15

Sui buriana na kera soree isadaroa sa keko lae faisia ofu la eri, kera ṉata i talaada,

Si do Aposela ki kera ilidaki 5:21

Ma si maṉa na kera roṉoa, keka kotho i la biu eri si maṉa fanua e thafalii dani, keka kwaifamanatai. Sui aofia ni foa e lae mai, bia toa na kera to isana, ka ailia mai ofu la eri, ma figu la eri sui bana ana wane inoto kwalafa tha Isirela ki, ka kwaiarasi uri lokafu sa keka toleda mai.

Si do Aposela ki kera ilidaki 5:27

Ma buriana na kera toleda mai, keka aluda keka takwe inaofana ofu la eri. Ma aofia ni foa e soetooda,

Si do Aposela ki kera ilidaki 6:12

Ma kera faarakeiria toa eki, ma ulunao ki, ma wane ni kekeda ki, ma keka fula isana, keka rau fafi nia, keka tolea i la ofu la eri,

Si do Aposela ki kera ilidaki 6:15

Ma toa eki sui boo na kera ono ana ofu la eri, kera lio tete uri nia, keka rikia maana ’uria sa maana angel.

Si do Aposela ki kera ilidaki 7:37

Mosesi eri boo neri, ne soree isaua kwalafa tha Isirela, Tee porofeta tha Lord na God kamulua kai falea mai ifamulua, wane ana dooramulua kera, ’uria lau boo ni nau; wane eri muki roṉoa.

Roma 12:10

Ana liothau la uria baree wai doorana eki muki thathami kamulua faamau kwailiu; ana fare baita la muki fare baita faamau kwailiu ani kamulua;

I. Korinitha 6:10

Mado toa na kera bili, mado toa na kera thathamia si do ta wane, mado toa na kera kukuu ka bula kera, mado toa na kera ṉata taa, mado toa na kera abula dodora, e ai dodoloa keki fulatoona tooa tha God.

I. Korinitha 6:6

Ma doora kai alaṉia doorana ana kotu ana ta si do, ma inaofana toa fitala na kera ilia?

I. Thesalonika 4:6

Fasi e ai ta wane si dodora, ma si abula dodora uria doorana asi do eri: sulaania ṉa Lord ana kai duua si do eki sui boo, ’uria lau boo mili soree isamulua totonao ma mili faamamanea isamulua asi do mili thaitoomana.

Taetasi 3:2

Kesi ṉaṉata taa seena ta wane, kesi thathathamii oli susuu, keki abula thathaore, keki abula marabibi uria wane ki sui boo.

Hibaru ki 12:25

Ada muka tofe faisia ni nia na ka ṉata mai. Uria na mada sa toa eki kesi thaka faisia kwae la, si maṉa ba na kera tofe faisia wane ne faaroṉo kera totonao i fanua nei iano asi do eki, kwae lakulua kai baita ka tatha, mada sa kuka akele faisi nia na ka ṉata mai i thalo;

Hibaru ki 5:9

Ma si maṉa na kera faasukwai teefau bonaa ani nia, nia Wane na marukia tatha bii ita mai ani nia ifana toa eri sui boo na keka ade sulia ṉata lana;

Jemesi 2:20

Ma sui, tonee wane ae, oko thathamii thaitoomana na ṉa fitooa, si maṉa na si ra ki ka ai faisia, e mae naa?

Jemesi 3:6

Ma meana imole na ṉa era: fanua nei iano fuṉu asi abula la na kera lufia na ṉa meana imole i maalutana si do ki na ana seeka, si do na ka faasua seena imole sui boo, ma ka akofia si do ki sui bana na ni kakali kulu ana to lakulua, ma hell ne thafalia era eri.

I. Pita 2:23

Si maṉa na kera ṉata taa uri nia, ne ai si duua ana ṉata taa la; si maṉa ne to ana taa la, e ai si faamauda; e takofale nia ana Wane ni Kotu na ka ṉata kokoto sulia imole:

I. Pita 3:9

Musi duduua taa la ana taa la, mado ṉata taa la ana ṉata taa la; muki duua amulua ana lea la; uria na kera aili kamulua mai uria si kula eri, fasi muki fulatoona lea la.

I. Jone 2:9

Wane na ka sorea nia to ana ṉa lalaa la, ma ka rikia doorana ka taa, wane eri e to i la maerodo ka fula asi maṉa eri.

I. Jone 3:10

Asi kula eri kera fatai nia baree wela tha God, ma baree wela tha devil: ni tei bana ne ai si ilia kokoto la do tha God e ai, ma ni tei ne ai si liothau ana doorana.

I. Jone 5:16

Mada sa ta wane rikia doorana kai abula taa ana abula taa la na kesi maelia, wane eri kai gani, ma tha God kai falea marukia iana ifana toa na kesi abula taa ana abula taa la na keki maelia. Abula taa la na keki maelia ka to bana: sulia si do eri e ai na nau ku sorea nia kai gani.

Jude 1:9

Ma tha Maekela mena, angel inoto eri, si maṉa ba ne firu bia tha devil ma ka oli susuu fafia seena tha Mosesi, e ai si seeraraa fasi kai ṉata taa uri nia, kai alaṉia asi do ki, e sorea, Tha Lord kai sore oe.

Si do na kera fatai nia 20:14

Ma keka naṉa ana maea ma fanua‐toa‐mae‐ki asi kula eri ne ’uria gwa kafo baita me fuṉu ana era. Ruana fa maea neri.