Mathui 5:18 - Ṉa Alaofua Falu 1923 1949

¹⁸ Uria mamana ku soree isamulua, Maṉa na thalo lo ma fanua nei iano si tatha u, tee kasi kula mado tee kasi kula ne faekwa asia boo e ai dodoloa so ka tatha faisia ṉa lo, kai maasia si maṉa na toto keki faamamanea naa si do ki sui bana.

Mathui 5:18 Iomraidhean Croise

Fa Ṉu Abu ki 102:26

Si do eki kai sui; ma ni oe oki to ladoa; iu, si do eki sui boo toto kai lafu ’uria lau boo tooni; ma ’uria si do na ka thu fafia seena imole oki talaa, ma toto kai eeta lau nana:

Fa Ṉu Abu ki 111:8

Si do eki kai ṉado toto si sui; nia e ilia ana mamana la ma oolo la.

Fa Ṉu Abu ki 119:152

Ana faamamane la oe ki, ku thaitoomana u mai inao no boaa faamamane la eki ka toto si sui.

Mathui 10:15

Mamana ku soree isamulua, Si do taa na kai uria fanua i Sodomo ma i Gomora kai faekwa asi do taa na kai uria toaa susu eri, afa boṉi ana kotu baita.

Mathui 10:23

Ma lalae keki tona ilamatai kamulua i la toaa susu nei, muki thaka uria toaa iburiana: uria na mamana ku soree isamulua, Musi lae i la toaa susu i Isirela ki si sui u, ma Kaluwane imole ka fula.

Mathui 10:42

Ma ni tei bana na kai falea ta titiui kafo gwari ni bana ifata wane ana wane faekwa nei ki kei kuu, sulia nia wane na nau ku tolea, mamana ku soree isamulua, sa kwaiara nia ka ai e ai.

Mathui 11:11

Mamana ku soree isamulua, Ana toa na kera futa ana kini ki e ai ta wane ne baita ka tatha ana wane eri ni babataesi na tha Jone si fula u: una ena mena, wane ne faekwa bana ana tooa i thalo e baita ka tatha ani nia.

Mathui 13:17

Uria ne mamana ku soree isamulua, Na porofeta oro ki bia wane kokoto ki kera thathamii rikia si do na muki rikidaki, ma kesi rikia; ma kera thathamii roṉoa si do na muki roṉodaki, ma kesi roṉoa.

Mathui 16:28

Mamana ku soree isamulua, Tei wane keki to bada ana toa na keki takwe kunei, ne ai dodoloa keki thaitoomana maea, keki rikia Kaluwane imole kai lae mai ana tooa nia, sui keka bii mae.

Mathui 17:20

Ma tha Jesus ka soree isada, Sulaania fitala la kamulua: uria mamana ku soree isamulua, Mada sa amulua fitooa ’uria ta foee masitata, do muki soree isana gwa tolo nei, Lae faisia kula nei, oki lae uria kula loko; nia kai lae neri; ma toto ka ai boo ta si do na musi talaana ili lana.

Mathui 18:18

Mamana ku soree isamulua, Atona bana si do ki na muki kania i fanua nei iano keki kania i thalo: ma atona bana si do ki na muki lukea i fanua nei iano keki lukea i thalo.

Mathui 18:3

Ma ka sorea, Mamana ku soree isamulua, Mada sa e ai musi akele, fasi muki ’uria naa kala wela, e ai dodoloa muki kotho ana tooa i thalo.

Mathui 19:23

Sui tha Jesus ka soree isana toa nia ne toleda, Mamana ku soree isamulua, E afetai sa ta wane ne rikii do kai kotho ana tooa i thalo.

Mathui 19:28

Ma tha Jesus ka soree isada, Mamana ku soree isamulua, na toa na mulu lae iburiaku, ana futa falu la asi maṉa na Kaluwane imole kai ono ana do ni ono la nia ana inotoa, kamulua lau boo muka ono ana tafulu fa do ni ono la ma ro fa do, muki wane ni kotu ki ana tafulu kulee toa ma ro kulee toa Isirela.

Mathui 21:21

Tha Jesus e luuda, ka soree isada, Mamana ku soree isamulua, Mada sa amulua ta fitooa, ma musi fitala, sa muka ilia talitoona si do na kera ilia ana thakwari nei e ai, do mada sa muki sorea mena isana gwa tolo nai, Keki ṉali oe ma keki u ani oe i la amali, do eri kai mamana.

Mathui 21:31

Nifenia wane ana ro wane eki ne ilia si do maka nia e thathamia? Keka sorea, Wane inao. Tha Jesus ka soree isada, Mamana ku soree isamulua, wane eki na kera ṉalia takisi ki bia sesele eki keki lae ana tooa tha God inaomulua.

Mathui 23:36

Mamana ku soree isamulua, Si do eki sui bana kai fulatoona unii wane nei.

Mathui 24:2

Ma tha Jesus ka soree isada, Do oro nai ki muki rikia? mamana ku soree isamulua, Toto kesi ekwa ata fau si to fafona ta fau kunei; keki aga teefau ania.

Mathui 24:47

Mamana ku soree isamulua, Nia kai alu nia kai inoto asi do nia ki sui bana.

Mathui 25:12

Ma nia luuda, ka sorea, Mamana ku soree isamulua, E ai kwasi thaitoomamulua.

Mathui 25:40

Ma Kiṉa eri kai luuda, kai soree isada, Mamana ku soree isamulua, Uria na mulu ilia ata wane ne faekwa asia ana dooraku nei ki, do mulu ilia ani nau.

Mathui 25:45

Sui nia kai luuda, ka una eri, Mamana ku soree isamulua, Uria na musi ilia ata wane ne faekwa asia ana wane nei ki, e ai musi ilia ani nau.

Mathui 5:26

Mamana ku soree isamu, E ai dodoloa oko kotho faisia kula eri, oko to maasia si maṉa no fale teefau ana malefo na kera alaṉi oe ki mania, ta ro migee lifoia mena si teo.

Mathui 6:16

Ma sui lau boo si maṉa na muki abu ana faṉa, musi ’uria lau toa na keki olodola, musi lio mala ta wane ne liodila: sulia keki lautania maada, uria bana fasi imole ki keka rikida keki abu ana faṉa. Mamana ku soree isamulua, Kera ṉalia naa kwaiara kera.

Mathui 6:2

Mania si maṉa noki tona faledo ifana toa na kesi rikii do, osi ufia ta buṉu inaofamu, ’uria ade la na toa keki olodola keki ilia i la biu ni ofu la ki bia sula tale ki, uria bana fasi imole keki taṉoda. Mamana ku soree isamulua, Kera ṉalia naa kwaiara kera.

Mathui 8:10

Si maṉa na tha Jesus e roṉoa, nia ka kwele, ma ka soree isana toa na kera lae iburiana, Mamana ku soree isamulua, e ai kwasi fulatoona fitooa ne baita una eri, i Isirela mena ka ai.

Mako 10:15

Mamana ku soree isamulua. Ni tei bana ne ai si ṉalia tooa tha God mala ta wela faekwa, e ai dodoloa nia ka fulatoona.

Mako 10:29

Ma tha Jesus e luua, ka sorea, Mamana ku soree isamulua, Wane na kai akwasia maafera nia, mado doorana kera, mado waiwaena nia ki, mado maka nia, mado thainana, mado kwaina, mado wela ki, mado oole ki, inunufaku, ma inunufana si faaroṉoa lea eri,

Mako 11:23

Uria mamana ku soree isamulua, Ni tei bana na kai soree isana gwa tolo nai, Keki ṉali oe ma keki u ani oe i la amali; ma ka ai si fitala i ruruuna, kai fitoo sa do nia sorea kai mamana; nia kai rikia atona bana si do ne sorea.

Mako 12:43

Ma nia ailia toa nia ne toleda isana, ka soree isada, Mamana ku soree isamulua, Gwa oru loko ne ai si rikii do bana e u asi do ne oro ka tatha ana toa eki sui bana na keki u ana malefo i la fuila malefo:

Mako 13:30

Mamana ku soree isamulua, Kulee toa nei toto kesi sui u, ma si do eki sui boo kai mamana.

Mako 14:18

Ma si maṉa keki teoreri, keki faṉa ada, tha Jesus ka sorea, Mamana ku soree isamulua, Tee nonii wane iamulua kai faaalamai nau, wane eri na kai faṉa bi nau.

Mako 14:25

Mamana ku soree isamulua, Kwasi kuu lau ana foana faene, kai to uria fa boṉi kwai kuu falu ania ana tooa tha God.

Mako 14:30

Ma tha Jesus ka soree isana, Mamana ku soree isamu, Oe itaraena, afa rodo nei boo, maṉa kukua e ai u ta ro fa ’ai la, ulu fa sore lana oki sorea o dora bamu iaku.

Mako 14:9

Mamana ku soree isamulua, Nifei bana toto keki ṉata sulia faaroṉoa lea iei la fanua nei iano ni sui bana, si do eri lau boo ne ilia toto keki ṉata sulia ana manatai lana.

Mako 3:28

Mamana ku soree isamulua, Abula taa la sui boo keki manata lubea wela imole ki, bia atona bana si baea na keki bae ania ana faretoliṉi lana tha God:

Mako 6:11

Ma ni tee bana ne ai si thathagoni kamulua, ma ka ai si roṉoa bae lamulua, si maṉa na muki lae faisia fanua eri, muki tagaraṉai nia gegeona theegano faisia lofo aemulua ana faamamane la isada. Mamana ku soree isamulua, Si do taa na kai uria i Sodomo ma i Gomora kai faekwa asi do taa na kai uria toaa susu eri afa boni ana kotu baita.

Mako 8:12

Ma nia ka asi maṉo baita i spirit nia, ka sorea, Uria ta na unii wane nei kai gania bala si do? mamana ku soree isamulua, Sa keki fatai nia bala ta si do isana unii wane nei, e ai.

Mako 9:1

Ma nia ka soree isada, Mamana ku soree isamulua, Tei wane keki to bada ana toa na keki takwe kunei, ne ai dodoloa keki thaitoomana maea, keki rikia tooa tha God kai fula mai ana sukwaia, sui keka bii mae.

Mako 9:41

Uria ni tei bana na kai falea ta titiui kafo iamulua muki kuufia, ana thataku, uria na kamulua do ṉa Christ, mamana ku soree isamulua, sa kwaiara nia ka ai e ai.

Luke 11:51

Too mai ana abuna tha Ebela lalae mai ka fula ana abuna tha Sakaraiasi, ne mae i maalutana fulii era ni foa ma si kula ne abu: mamana ku soree isamulua, keki duua ana unii wane nei.

Luke 12:37

Lea iada, wane ni ra eki, na wane inoto eri lalae e fula kai rikida keki tharai: mamana ku soree isamulua, nia kai kania liitana, ma kai adea keki teoreri isana faṉa la, ma kai fula kai ra ana fale la iada.

Luke 13:35

Rikia fasi, biu kamulua keka akwasia ifamulua ka gwau: ma mamana ku soree isamulua, Musi riki nau, lalae ka fula asi maṉa na muka sorea, Lea iana, wane na kai lae mai ana thatana tha Lord.

Luke 16:17

E suka afetai ana thalo lo ma fanua nei iano kai tatha, me afetai ka tatha so ta kasi kula ne faekwa asia boo ana ṉa lo kai sui.

Luke 18:17

Mamana ku soree isamulua, Ni tei bana ne ai si ṉalia tooa tha God mala ta wela faekwa, e ai dodoloa nia ka fulatoona.

Luke 18:29

Ma nia ka soree isada, Mamana ku soree isamulua, E ai ta wane ne akwasia maafera nia, mado maka nia ma thainana, mado doo rana kera, mado kwaina, mado wela nia ki, inunufana tooa tha God,

Luke 23:43

Ma tha Jesus ka soree isana, Mamana ku soree isamu, Itaraena oki to bi nau i fanua lea tha God.

Luke 4:24

Ma nia ka sorea, Mamana ku soree isamulua, E ai ta porofeta na kera ala fafia i fanua nia u boo.

Jone 1:51

Ma nia ka soree isana, Mamana, mamana, ku soree isamulua, Toto muki rikia thalo lo kai ifi, ma angel tha God ki keki tae kau ma keki sifo mai sulia ṉa Kaluwane imole.

Jone 10:1

Mamana, mamana, ku soree isamulua, Wane ne ai si kotho mai ana maethaka i la thakali sifi ki, ka raa mai ata kula eeta, nia wane ana bili la ma wane na kai laulau.

Jone 10:7

Mania tha Jesus e soree lau isada, Mamana, mamana, ku soree isamulua, Nau ṉa maethaka ana sifi ki.

Jone 12:24

Mamana, mamana, ku soree isamulua, Mada sa ta foee uiti e ai si asia i theegano, si mae, do eri kai to talitoona boo; ma mada sa nia kai mae, nia kai fuṉu ana foee do oro.

Jone 13:16

Mamana, mamana, ku soree isamulua, Wane ni ra e ai si baita si tatha ana wane inoto nia; ma wane na kera arasia mai e baita si tatha ani nia ne arasi nia mai.

Jone 13:38

Tha Jesus e luua, ka una eri, Oki falea maṉomu uri nau? Mamana, mamana, ku soree isamu, Si maṉa na kukua e ai si ’ei u, ni oe ulu fa sore lana oki sorea o dora bamu iaku.

Jone 14:12

Mamana, mamana, ku soree isamulua, Wane na kai fitooku, ra ni nau kwai ilidaki nia toto kai ilia lau boo; ma ra ne baita ka tatha ana do eki nia kai ilia; uria ni nau kwai lae isana Maka nau.

Jone 16:20

Mamana, mamana, ku soree isamulua, Kamulua toto muki tatao ma muki ilia faaṉiṉia, ma fanua nei iano kai seethathala: liomulua kai dila, ma toto keki taala liodila kamulua ana seethathala la.

Jone 16:23

Ma afa boṉi eri ka ai musi soetooku uria ta si do. Mamana, mamana, ku soree isamulua, Mada sa muki gania ṉa Maka uria atona bana ta si do ana thataku, nia kai falea ifamulua.

Jone 21:18

Mamana, mamana, ku soree isamu, Si maṉa o bii baita, o ali oe i talaamu, mo lalae ifei no thathamia: sui lalae oko arai naa, oki tekwasia ro aba oe ki, ma ta wane lau kai ali oe, kai ṉali oe uria si kula noki lalakwee lae iei.

Jone 3:11

Mamana, mamana, ku soree isamu, Kamilia miki ṉata sulia si do na mili thaitoomana, ma miki faamamanea si do na mili rikidaki naa; ma musi faamamanea si do na miki sorea.

Jone 3:3

Tha Jesus e luua, ka soree isana, Mamana, mamana, ku soree isamu, Mada sa ta wane si futa lau iburi, nia sa ka rikia tooa tha God e ai.

Jone 3:5

Tha Jesus e luua, ka una eri, Mamana, mamana, ku soree isamu, Mada sa ta wane si futa ana kafo bia tha Spirit, nia sa ka kotho ana tooa tha God e ai.

Jone 5:19

Mania tha Jesus e luuda, ka soree isada, Mamana, mamana, ku soree isamulua, Na Kaluwane e ai si sukwai ana ili lana ta si do i talaana, talitoona bana si do nia rikia ṉa Maka kai ilia: uria na atona bana si do ni nia ka ilia, si do eki ṉa Kaluwane kai ili una eri ania lau boo.

Jone 6:26

Tha Jesus e luuda, ka sorea, Mamana, mamana ku soree isamulua, Mulu rofe uri nau, uria na mulu rikia bala si do ki e ai, uria bana na mulu ania sina bisikete ba ki, ma muka abusu.

Jone 6:32

Mania tha Jesus e soree isada, Mamana, mamana, ku soree isamulua, Tha Mosesi e ai ne falea berede ba i thalo iamulua; ma Maka nau ana kai falea ṉa berede mamana i thalo mai iamulua.

Jone 6:47

Mamana, mamana, ku soree isamulua, Wane ne fitooku, ana marukia tatha.

Jone 6:53

Mania tha Jesus e soree isada, Mamana, mamana, ku soree isamulua, Mada se ai musi ania seena Kaluwane imole ma musi kuufia abuna, marukia e ai si ni ani kamulua.

Jone 8:34

Tha Jesus e luuda, ka una eri, Mamana, mamana, ku soree isamulua, Ni tei na kai abula taa bana, nia wane na kera suuwai nia ka tona ra ifana abula taa la.

Jone 8:51

Mamana, mamana, ku soree isamulua, Mada sa ta wane kai ade sulia bae laku, nia sa ka fulatoona maea e ai.

Jone 8:58

Tha Jesus ka soree isada, Mamana, mamana, ku soree isamulua, Si maṉa na tha Aberahamo e ai si ni u bana, ni nau ku to bakua.

I. Pita 1:25

Ma bae lana tha Lord kai toto si sui. Ma si baea asi faaroṉoa lea na kera ṉata sulia isamulua neri.

Si do na kera fatai nia 20:11

Ma nau ku rikia do baita kwakwaoa ni ono la ana inotoa, ma ni nia ne ono ania, ma fanua nei iano ma thalo lo ka thaka faisia maana; ma kesi fulatoona lau ta si kula ifada.