Mathui 5:12 - Ṉa Alaofua Falu 1923 1949

¹² Muka seethathala, ma muka thalume ka baita ka tatha: sulia kwaiara kamulua e baita mai thalo lo: uria na kera tona ilamatai una eri ana porofeta inao ki mei.

Mathui 5:12 Iomraidhean Croise

GENESIS 15:1

Buriana si do eki bae lana tha Jihova ka fula mai satha Aberamo ana sii na kera fatai lalaa ania, ka una eri, Osi mau, Aberamo: ni nau ṉa talo oe ma kwaiaraa oe ne baita ka tatha.

Nehemiah 9:26

Una ena mena, keka ade faisia bae lamu, keka firu bi oe, ma lo oe keka nana ania iburiada, ma keka thauṉia porofeta oe ki na kilu faamamanea si do taa na kilu thaitoomana suli kera, sa mado e a’i kiku akeletanida uri oe, ma keka faailu oe asi ade la oro ne faarakeiri.

Fa Ṉu Abu ki 19:11

Ma sui lau boo asi do eki oki faamanataia wane ni ra oe nei: ana ade la sulia kai fulatoona kwaiaraa baita.

Fa Ṉu Abu ki 58:11

Adedea imole ki keki una eri, Kwaiaraa kera kai to mamana boo ifana toa kokoto ki: God na kai ṉata oolo ka to mamana boo i fanua na i iano.

Mathui 16:27

Sulaania Kaluwane imole kai lae mai ana inotoa Maka nia bia angel nia ki; ma asi maṉa eri nia kai kwaiaraṉai nia wane ni sui bana sulia abula lada.

Mathui 6:16

Ma sui lau boo si maṉa na muki abu ana faṉa, musi ’uria lau toa na keki olodola, musi lio mala ta wane ne liodila: sulia keki lautania maada, uria bana fasi imole ki keka rikida keki abu ana faṉa. Mamana ku soree isamulua, Kera ṉalia naa kwaiara kera.

Luke 13:34

Jerusalema, Jerusalema no thauṉia porofeta ki, ma oko ufauna toa na kera arasia mai isamu! si maṉa oro sa kwai ofua wela oe ki, mala kukua na kai ofua kaela i fara kukubana, ma muka lalakwa!

Luke 6:23

Muka seethathala afa boṉi eri, ma muki thaka alaa ana seethathala la: uria rikia fasi, kwaiara kamulua e baita mai thalo: uria na maka kera ki kera ade una eri lau boo ana porofeta ba ki.

Luke 6:35

Muki liothau ana maalimae kamulua ki, ma muki abula lea, ma muki falea si do na keki duua, musi onotoona lau ṉali lana ta si do i maana; ma kwaiara kamulua kai baita, ma ni kamulua kaluwane Nia ne Inoto ka tatha ki: uria nia kai ade lea ifana toa na kesi sore lea bia toa na kera taa.

Si do Aposela ki kera ilidaki 16:25

Ma sui fuliṉana initoona rodo tha Polo ma tha Saelasi keko foa ma keko ṉulia fa ṉu ki isatha God, ma wane na kera suusidaki bi keroa keki roṉoa;

Si do Aposela ki kera ilidaki 5:41

Mania kera lae faisia ofu la eri ana seethathala la, uria na manatana tha God e thaitoomana na kera farana to la ana fare faekwa la uria Thatana.

Roma 5:3

Ma ana talitoona bana si do eri e ai, kulu seethathala ana taa la eki lau boo na kulu to ania: uria na kulu thaitoomana to la ana taa la kai ṉalia mai si lio ni susuu la;

I. Korinitha 3:8

Ma nia na ka fasia ma nia na ka kikia ana kafo mere tee do boo: sui meki ṉalia kwaiara kamarea, ta wane sulia ra nia ma ta wane sulia ra nia.

II. Korinitha 4:17

Uria na to lamilia ana taa la e thathala, do ana kasi maṉa seseka ni bana, kai ilia mai do ooro ka oro ma kulua ifamilia ana inotoa na kai to tatha;

Filifae 1:29

Sulaania kera falea si kula eri iamulua inunufatha Christ, talitoona na muki fitoona e ai, na muki to ana taa la lau boo inunufana:

Filifae 2:17

Iu, ma mada sa keki kiki nau ’uria waene fafia do ni foa la kamulua ma ra ana fitooa kamulua, nau kwai seethathala, ma kwai seethathala ofu bi kamulua sui:

Kolose 1:24

Nau na ku seethathala i maalutana taa la eki na nau ku to ania uri kamulua, ma kwai faafuṉua ana seeku si do ne ai si fuṉu u ana taa la eki na tha Christ e to ania uria seena, na ṉa figua;

Kolose 3:24

Uria na muki thaitoomana toto muki ṉalia kwaiara ba, si do eri na ṉa Lord kai falea fani kamulua na muka inamaruki ani nia: do muki ra ifana ṉa Lord tha Christ.

I. Thesalonika 2:15

Na kera thauṉia tha Lord Jesus ma porofeta kera ba ki, ma kera tari kamilia lau boo faisida, ma kesi faalea tha God, ma kera maalimae ana imole ni sui;

Hibaru ki 10:34

Uria na mulu tatatakomia toa eki na kera kani fafida, ma si maṉa na kera lagua si do kamulua ki mulu seethathala ania, sulaania mulu thaitoomana amulua do lea ka tatha na muka rikia, ma do na kai to ladoa.

Hibaru ki 11:26

Manatana na ṉata taa la na kera ṉata taa ania uria tha Christ do nia rikii do ania ka tatha ana ogogonia i Ijifita ki: sulaania e lio uria kwaiara eri.

Hibaru ki 11:33

Toa na uria fitooa si kera e tatha ana tooa ki, na kera ilia kokoto la, na kera fulatoona alaṉaia ki, na kera suusia fokona laeona ki,

Hibaru ki 11:6

Ma fitooa ka ai faisia, do afetai ka tatha sa ka lea iana uria imole: uria na wane na kai lae mai isatha God kai fitoo, e ai si ei boo, na nia kai to bana, ma kai falea ṉado kwaiara ifana toa eri na kera rofe buriana.

Jemesi 1:2

Manatamulua na do muki seethathala faamau ania, doora kera, si maṉa na muki tatha ana ilitooa oro ki;

Jemesi 5:10

Muki lio, doora kera, uria porofeta ba ki na kera ṉata ana thatana tha Lord, na kera to ana taa la ma kera susuu ania, fasi muki ade ’uria ade lada.

I. Pita 4:13

Ma uria na mulu ṉalia tei si ana taa la tha Christ ki, muki seethathala ania; fasi asi maṉa na toto keki fatai nia lau boo inotoa nia, muki bii seethathala ana seethathala la ne baita ka tatha.