Mathui 28:2 - Ṉa Alaofua Falu 1923 1949

² Ma rikia fasi, tee anunu baita ka liu; uria na angel tha Lord e sifo mai faisia thalo, ka fula, ka abulisia kau fau eri, ma ka ono i fafona.

Mathui 28:2 Iomraidhean Croise

Mathui 27:60

Ma ka alua i la kwaiṉeia nia u boo ne falu, do nia garua i la kale: ma nia abulisia tee gwa fau baita i maana kwaiṉeia eri, sui ka lae nana.

Mathui 27:66

Mania keka lae neri, keka fono toi lea faisia kwaiṉeia eri, keka faaṉadoa fau eri ana do ni faaṉado lana, wane ana firua na keki toi keki to bida.

Jone 20:1

Afa boṉi totonao ana uiki ni Meri Makadaline e lae mai la si makafukafua, ka fula isana kwaiṉeia eri, ka rikia gwa fau na kera idua naa faisia.

Si do Aposela ki kera ilidaki 16:26

Ma tee anunu baita ka fula fatonada, adedea gwa fau totonao ana lokafu eri ki ka igiigi: ma si maṉa eri u boo maana olofolo ki sui bana ka ifi; ma nailii thalo ana toa eki sui boo ka luke.

Si do Aposela ki kera ilidaki 5:19

Ma sui angel tha Lord e ifinia maana lokafu eri la rodo, ka toleda kau, ka sorea,

I. Timothi 3:16

Me ai ta wane si tofea na do eri ne toto thaufuni asi lio ni fare baita la atha God e baita; kera fatai nia tha God ana seena imole, kera ala fafia kokoto lana atha Spirit, angel ki kera rikia, kera ṉata sulia isana Jenetaele ki, kera fitoona i fanua nei iano, kera tataea ana inotoa.

I. Pita 1:12

Toa na kera fatai nia si kula eri isada, na fani kera e ai, fani kamulua fetei, na kera ra asi do eki, na toa na kilu ṉata sulia si faaroṉoa lea isamulua atha Spirit Abu na kera arasia mai thalo kilu faaroṉo kamulua ania; si do na aini angel ki keka thathamii lio i lala.

Si do na kera fatai nia 11:19

Ma kera ifinia biu baita tha God nai thalo: ma keka rikia ṉa aka ana alaofua nia i la biu baita nia eri; ma si manu ka fula mai iburi, ma liṉana si ṉata la ki, ma kukururua, ma anunu, ma si dani ne ṉilo.