Mathui 26:55 - Ṉa Alaofua Falu 1923 1949

⁵⁵ Ana kadee maṉa eri tha Jesus ka soree isana malului wane eki, Mulu lae mai mala toa na kera lae uria rau lana wane ne bili, fafia nini ni firu ki ma dia ki fasi muki rau iaku nania? Nau ku oono sulia boṉi la biu baita tha God, ku kwaifamanatai, me ai musi rau iaku.

Mathui 26:55 Iomraidhean Croise

Mathui 21:23

Ma si maṉa na nia fula i la biu baita tha God, wane inoto ni foa ki bia ulunao ki ana toa eri keka fula isana si maṉa nia kai kwaifamanatai, ma keka sorea, Sukwaia ta oki ilia ana do nei ki? ma ni tei ana ne falea sukwaia nei ifamu?

Mathui 26:47

Ma si maṉa nia kai ṉata u bana, rikia fasi, tha Judasi, wane ana akwala ma ro wane ba ki, ka fula, malului wane bi nia fafia nini ni firu ma dia ki; wane inoto ni foa ki bia ulunao ana toa eki kera arasida mai.

Mako 10:1

Ma nia tatae, ka lae faisia fanua eri, ka fula i oli lana Judia ma ibali laba i Jodana: ma toa eki keki figu lau isana; ma ’uria ade la nia kai ililia, nia ka kwaifamanatai lau isada.

Mako 12:35

Ma tha Jesus e luuda, ka sorea, si maṉa nia kai kwaifamanatai la biu baita tha God, Nifana adelana toa ni kekeda keki sorea kaluwane tha Defeta bana na ṉa Christ?

Luke 19:47

Ma nia kai kwaifamanatai sulia boṉi la biu baita tha God. Ma wane inoto ni foa ki bia wane ni kekeda ki bia toa inoto ana toa eki kera rofe uri thauṉi lana:

Luke 20:1

Ma lalae mai, ana tee fa boṉi afa boṉi eki, si maṉa na nia kai kwaifamanatai isana toa eki la biu baita tha God, ma kai ṉata sulia si faaroṉoa lea eri, wane inoto ni foa ki ma wane ni kekeda ki keka fula isana bia ulunao ki;

Luke 4:20

Ma nia kosua buka eri, ka oli fafia isana wane ni ra, ma ka ono: ma maana toa eki sui boo i la biu ni ofu la ka tede ani nia.

Jone 7:14

Ma si maṉa na fa boṉi tolibobola ana fafaṉa eri e fula naa, tha Jesus e tae uri biu baita tha God, ka kwaifamanatai.

Jone 7:28

Mania tha Jesus ka ’ai la biu baita tha God, ka kwaifamanatai, ka una eri, Mulu thaitoomaku, ma mulu thaitoomana lau boo si kula ni nau ku maṉo mai iei; ma nau kwasi lae mai i talaaku, nia ne arasi nau mai e mamana, nia na mulu dora ania.

Jone 8:2

Ma i la uusuwadia u boo nia kotho lau i la biu baita tha God, ma toa eki sui boo kera lae mai isana; ma nia ono iano, ka kwaifamanatai isada.

Jone 8:20

Si baea eri tha Jesus e sorea ana fuila malefo, si maṉa nia kwaifamanatai la biu baita tha God: me ai ta wane si rau nia; uria na si kadee maṉa nia e ai si fula u mai.