Mathui 26:41 - Ṉa Alaofua Falu 1923 1949

⁴¹ Muka tharai ma muka foa, fasi e ai musi liu i la bae aliṉa la: spirit imole e fifarao boo, ma sui seena e feda.

Mathui 26:41 Iomraidhean Croise

Fa Ṉu Abu ki 119:1

Lea iada, toa eki na ruruude thathauliaa sulia tala, na keka lae sulia lo tha Jihova.

Fa Ṉu Abu ki 119:115

Lae kau faisi nau, kamulua na muka ilia si do taa; fasi kwai ade sulia si ṉataa God nau.

Fa Ṉu Abu ki 119:117

Oko kwau nau iaa, ma nau kwai to ni lea la, ma kwai lio uria si ade la no gwaludaki, ta si maṉa si e’i.

Fa Ṉu Abu ki 119:32

Kwai bii fita sulia tala eri asi ṉataa oe ki, si maṉa na toto oki faarerebaa ruruuku.

Mathui 24:42

Mania muki tharai: uria na musi thaitoomana fa boṉi na Lord kamulua kai fula.

Mathui 25:13

Mania muki tharai, uria na musi thaitoomana fa boṉi eri mado kadee maṉa eri na Kaluwane imole toto kai fula.

Mathui 26:38

Sui nia ka soree isada, Maṉoku e liodila ka tatha, karaṉia kwai mae naa: muki to kunei, muka tharai bi nau.

Mathui 6:13

Ma osi talai kamilia isana bae aliṉa la, oki suusi kamilia faisia tha Taa, sulaania na do oe na ṉa tooa, ma ṉa sukwaia, ma ṉa inotoa, toto si sui. Emeni.

Mako 14:38

Muka tharai ma muka foa, fasi e ai musi liu i la bae aliṉa la: spirit imole e fifarao boo, ma sui seena e feda.

Luke 11:4

Ma oki manata lube kamilia ana abula taa la kamilia ki; uria ni kamilia lau boo miki manata lubea toa eki sui boo na keki abula taa iamilia. Ma osi talai kamilia isana bae aliṉa la; oki suusi kamilia faisia taa la.

Luke 21:36

Mania muki lio, ma muka foa ta si maṉa si ei, fasi keki ala fafi kamulua mulu farana si do eki sui bana na kai fula si fulatoomulua, ma muki takwe inaofana Kaluwane imole.

Luke 22:40

Ma si maṉa ne fula naa i kula eri, nia ka soree isada Muki foa fasi musi liu i la bae aliṉa la.

Luke 22:46

Ma ka soree isada, Uria ta na muki biṉa? tatae, muki foa, fasi musi liu i la bae aliṉa la.

Luke 8:13

Ma si do i fafona fau na toa eki na, si maṉa na kera roṉoa, keka ṉalia si baea eri ana seethathala la; ma ni kera e ai ada ta lalii do, na keka fitoo sulia ta kasi maṉa faekwa, ma asi maṉa ana bae aliṉa la keka asi kera.

Roma 8:3

Uria si do na ṉa lo e dora ania ili lana, uria ne feda sulia see imole, tha God, uria ne arasia mai Kaluwane nia i talaana sulia nuna see imole ne abula taa ṉado, ma ana do ni foa la uria abula taa la, e sorea kwae lana abula taa la i see imole:

I. Korinitha 10:13

E ai kesi bae aliṉamulua ana bae aliṉa la na imole e ai si talaana tofe la faisia: ma tha God e mamana, kei ei si alamatanida keki bae aliṉamulua ka tatha asi do na muki sukwai ania; ma bia bae aliṉa la eri kai fatai nia lau boo tala na muki thaka ania, fasi muki tofe faisia.

I. Korinitha 16:13

Muki tharai, muki takwe ṉado asi do eki na kulu fitoona, muki abula mala wane, muki sukwai.

I. Korinitha 9:27

Ku kumua seeku, ku suuwai nia ka do ni ra nau: ada mado e ai, buriana na nau ku ṉata isana tei toa lau, kesi ala fafi nau i talaaku.

Galesia 5:24

Ma toa eki atha Christ kera fota fafia seena imole ana ’ai rarafolo ana si lio ma si thathami la taa nia ki.

Efesasi 6:18

Ana foa la si sui ma ṉata fifi la ana foa la muki foa atha Spirit ta si mana si ei, ma muki lio asi do eri asi lio ni susuu tau la ma ana ṉata fifi la ana foa la uria toa abu eki sui boo,

I. Pita 4:7

Ma susui lana si do ki sui bana e kwaikaraṉi naa: mania muki manata ni lea la, ma muki inoto ana seemulua uria foa la:

I. Pita 5:8

Muki inoto ana seemulua, muki tharai: sulaania maalimae kamulua tha devil, ’uria laeona na ka gagafu, ka liu, fasi kai rofe uria imole na nia kai dudumeme ania:

II. Pita 2:9

Toa na kera fare baita atha God, tha Lord e thaitoomana rau la iada ana bae aliṉa la, ma ka suusia toa na kesi kokoto ki la lokafu ana kwae la maakwalia fa boṉi ana kotu baita;

Si do na kera fatai nia 16:15

(Rikia fasi, nau kwai lae mai ’uria wane na kai bili. Lea iana, wane na kai tharai, ma kai beta tooni nia ki, ada kai lae, kai talu, ma keki rikia seenonia nia.)

Si do na kera fatai nia 3:10

Uria no ade sulia bae laku asi lio ni susuu la nau, ni nau kwai beta oe lau boo faisia si kadee maṉa ana ilitooa, na toto kai fula fafia fanua nei iano ni sui bana, fasi kai ilitoona toa nai fanua nei iano.