Mathui 26:28 - Ṉa Alaofua Falu 1923 1949

²⁸ Uria na abuku nai nia ana alaofua falu, ne igwa ifana toa oro uria doanita la ana abula taa la ki.

Mathui 26:28 Iomraidhean Croise

Mathui 20:28

Ka ’uria boo Kaluwane imole ne ai si fula fasi keki ra iana e ai, e fula uria ra la ifana imole, ma fale lana maṉona ana tae la faisia toa oro.

Mathui 26:27

Ma nia ka ṉalia titiu, ka sore lea, ma ka falea ifada, ka una eri, Kamulua sui muki kuu ania;

Mathui 26:29

Ma nau ku soree isamulua, Kwasi kuu lau ana foana faene nei, kai to uria fa boṉi kwai kuu falu ania bi kamulua ana tooa Maka nau.

Mathui 6:12

Ma oki manata lube kamilia ana abula taa la kamilia ki, ’uria lau boo na miki manata lube kera na kera abula taa iamilia.

Mako 1:4

Tha Jone e babataesi la fanua kwasi, ma ka ṉata sulia babataesi la ana manata akele la uria doanita la ana abula taa la ki.

Mako 14:24

Ma nia ka soree isada, Abuku nai nia ana alaofua falu, ne igwa ifana toa oro.

Luke 22:19

Ma nia ka ṉalia berede, ka sore lea, ma ka nia, ma ka falea ifada, ka una eri, Seeku nai nia na kera falea uri kamulua: si do eri muki ilia ana manatai laku la

Luke 22:20

Ma ka una eri lau boo ana titiu iburiana faṉa i thaulafi, ka una eri, Titiu nei ṉa alaofua falu ana abuku, ne igwa uri kamulua

Roma 5:15

Ma si do na kera tona falea e ai si ’uria ade garo la eri. Sulaania mada sa toa oro eki kera mae uria ade garo lana tee nonii wane, lea la tha God, ma si do na kera tona falea ana lea la uria tee Wane boo, tha Jesus Christ, e baita faamau ka tatha uria toa oro eki.

Roma 5:19

Sulaania talafana ana ade lana tee nonii wane ne ade faisia si ṉata kera ilia na toa oro eki kera toa ana abula taa la, alafana lau boo ana ade lana tee nonii wane ne ade sulia si ṉata keki ilia na toa oro eki keki kokoto.

I. Korinitha 11:25

Talafana lau boo ṉa titiu, si maṉa na kera faṉa sui naa, me una eri, Titiu nei na ṉa alaofua falu ana abuku: muki ilia ṉado si do nei, si maṉa na muki kuufia, ana manatai laku la.

Efesasi 1:7

Wane eri na kulu rikia tae la faisi kulu ni ani nia sulia ’abuna, na manata lube la ana abula garo lakulua ki, sulia inotoa lea la nia.

Kolose 1:14

Wane eri na kulu rikia tae la faisi kulu ni ani nia ana ’abuna, na manata lube lana abula taa la kulu ki.

Kolose 1:20

Ma kai alua si do ki sui bana kai kwaimani lau bi nia ana Wane eri, uria ana abu eri ana ’ai rarafolo nia e fofolo naa; si do nai fanua nei iano ki ani nia, ma si do nai thalo ki lau boo.

Hibaru ki 10:29

Sui manatamulua kai ufita sulia kwae la baita ka tatha, na keki sorea kai duua si do na wane eri e ilia, wane ne uru i fafona Kaluwane tha God, me sorea sulia ’abu eri ana alaofua na kera faaabu nia ania, ne ai si abu bana, me fare taa ana ṉa Spirit ana lea la?

Hibaru ki 13:20

Ma ṉa God ana ene noa, ne talaia lau mai faisia toa mae ki na Lord kulu tha Jesus, Wane baita eri ni fono toi la kakalia sifi, fafia ’abu eri ana alaofua na kai to tatha,

Hibaru ki 9:28

Alafana lau boo tha Christ, na kera falea naa ana tee si maṉa fasi kai tae faisia abula taa la eki na toa oro kera abula taa ania, ruana kai maṉo lau mai, abula taa la ka ai faisia, isana toa na keki maakwali nia, ana faamaruki lada.

I. Jone 2:2

Ma nia Wane na ka dianalio faisi kulu uria abula taa la kulu ki; ma talitoona abula taa la kulu ki e ai, abula taa la toa na fanua nei iano ka sui bana.

Si do na kera fatai nia 7:14

Ma nau kwa soree isana, Wane inoto ae, o thaitoomana. Ma nia ka soree isaku, Toa na kera toto ana unii taa la baita eri nai nida, ma kera taua tooni kera ki, ma keka faakwakwaoa ana abuna ṉa Lama.

Si do na kera fatai nia 7:9

Buriana si do eki nau ku lio, ma rikia fasi, malului imole, na eta eta ka dora, ana toa ana fanua eeta ki sui bana, ma kulee toa ki sui boo ma ina lana toa ki sui boo ma toa ana ṉata la eeta ki sui bana, keki takwe inaofana do ni ono la eri ana inotoa ma inaofana ṉa Lama, fafia tooni kwakwaoa ki, ma rena niu ki ni abada;