Mathui 24:4 - Ṉa Alaofua Falu 1923 1949

⁴ Ma tha Jesus e luuda, ka soree isada, Muka fia ada ta wane ka talai garo ani kamulua.

Mathui 24:4 Iomraidhean Croise

Mako 13:22

Uria na Christ na kesi mamana ki ma porofeta na kesi mamana toto keki tatae, keki fatai nia bala si do ki ma do ni kwele la ania ki, fasi mada sa kera talaana, do keki talai garo ana toa na kera talisida mena.

Luke 21:8

Ma nia ka sorea, Muki fia ada keki talai garo ani kamulua: uria na toa oro toto keki lae mai ana thataku, keki una eri, Nau ni nia; bia, Si maṉa ni karaṉi naa: mania musi lae iburiada.

Galesia 6:3

Sulaania mada sa ta wane manatana na nia baita, si maṉa ne tonee do, wane eri ka tala lole nia i talaana.

Efesasi 4:14

Fasi ni kulu kusi wela faekwa lau, toa na atona bana ta thauthau ka isuda ka toto bana, ma thauthau eki na ṉa kwaifamanataia eeta ki ana kaura lana imole, do ni lole la, sulia manata taa lada, ana tole garo la iakulua;

Efesasi 5:6

Musi alamatania ta wane si lole kamulua asi baea ne fokoka: sulaania sulia si do eki rakeiria tha God kai fula fafia unii wane na kera ade faisia ṉata lana.

Kolose 2:18

Musi alamatania ta wane si laua kwaiara kamulua faisi kamulua ana ili lana si do nia tala thathamia ana abula seseka la ma faabaita lana angel ki, uria ne onotoona si do ne ai si rikia, ma manatana i talaana ka tona faabaita nia,

Kolose 2:8

Beta suli kamulua ada mado e ai ta wane kai bili kamulua asi thathami la nia uria manata lea la ma kaura la ne fakoka, sulia si do imole kai sorea, sulia si do totonao ba ana fanua nei iano ki, ma sulia tha Christ e ai:

II. Thesalonika 2:3

Musi alamatania ta wane kai lole kamulua ana ta si do: uria na fa boṉi eri sa ka fula e ai, si maṉa na kesi akele totonao faisia tha God, ma kesi fatai nia u wane eri ana abula la asi do kera lufia, wane na kera tooa toto kai sui,

I. Jone 4:1

Toa liliothaua nau ki, musi fitoona spirit ki sui bana, muki ilitoona spirit eki, sa mado e ai kera do tha God ki: uria na porofeta oro na kesi mamana ki kera lae kau uri la fanua nei iano.