Mathui 23:34 - Ṉa Alaofua Falu 1923 1949

³⁴ Mania, rikia fasi, kwai arasia mai porofeta ki isamulua, bia toa liode too, ma wane ni kekeda ki: tei wane iada muki thauṉia ma muka fota fafida ana ’ai rarafolo; ma tei wane iada muka kwae tataria ana sulida i la biu ni ofu la kamulua ki, ma toto muka tona ilamatanida too ana tee toaa susu, lae ka fula ata toaa susu:

Mathui 23:34 Iomraidhean Croise

Mathui 10:23

Ma lalae keki tona ilamatai kamulua i la toaa susu nei, muki thaka uria toaa iburiana: uria na mamana ku soree isamulua, Musi lae i la toaa susu i Isirela ki si sui u, ma Kaluwane imole ka fula.

Mathui 13:52

Ma nia ka soree isada, Mania wane eri ana wane ni kekeda ki na kera tolea ana tooa i thalo e ’uria ta wane gwauwai ana biu, ne ṉalia mai si do falu ki bia do u ki naa ana ogogonia nia.

Mathui 23:31

Mania mulu tala faaroṉo ania, na ni kamulua kaluwane toa na kera thauṉia porofeta ki.

Luke 24:47

Bia keka ṉata sulia manata akele la ma doanita la ana abula taa la ki ana thatana i maalutana kulee toa ni sui, keka thafalia mai i Jerusalema.

Jone 16:2

Keki arasi kamulua muka lae faisia biu ni ofu la ki: iu, si kadee maṉa lalae kai fula, na ni tei bana na kai thauṉi kamulua manatana do sa kai ra ifatha God.

Jone 20:21

Mania tha Jesus ka sorea lau isada, Enenoa kai to ani kamulua; talafana ṉa Maka e arasi nau mai, alafana lau boo kwai arasi kamulua.

Si do Aposela ki kera ilidaki 1:8

Ma lalae tha Spirit Abu e fula fafi kamulua, muki bii ṉalia sukwaia: ma si do mulu thaitoomana suli nau muki faamamanea i Jerusalema, ma i fanua i Judia ka sui bana ma i Sameria, ma ana si kula ne tau faamau mena i fanua nei iano.

Si do Aposela ki kera ilidaki 11:27

Ma afa boṉi eki porofeta ki kera sifo mai i Jerusalema, keka fula i Adioko.

Si do Aposela ki kera ilidaki 12:2

Ma nia thauṉia tha Jemesi doorana tha Jone ana nini ni firu.

Si do Aposela ki kera ilidaki 13:1

Ma tei porofeta ma tei wane ni kwaifamanatai ki ni Adioko, i la figua nai kula eri, tha Banabasi, ma tha Simiona na kera alaṉi nia ana Wanebulu, ma tha Lusiasi wane i Saerini, ma tha Manena na kera thare ni safu atha Heroda na kiṉa eri bi nia, ma tha Solo.

Si do Aposela ki kera ilidaki 14:19

Ma sui Ju ana Adioko ma Ikoniama ki kera fula mai: kere gaea toa oro eki, keka ufauna tha Polo, keka tara i thara faisia toaa susu eri, manatada sa nia mae naa.

Si do Aposela ki kera ilidaki 15:32

Ma tha Judasi ma tha Saelasi, uria ni keroa lau boo ro porofeta ki, keko kwaifamanatai isana baree wai doorana asi baea oro ki, ma keko faaṉado kera.

Si do Aposela ki kera ilidaki 5:40

Ma ni nia kera ala fafia ṉata lana: ma buriana na kera ailia mai aposela ki, ma kera kwaeda, keka ṉata fifi isada, keka lufida faisia ṉata la ana thatana tha Jesus, sui keka alamatanida keka lae.

I. Korinitha 2:6

Ma sui mili ṉata mala wane na lione too i maalutana toa na kera manata naa: sui ana liotooa i kada nei e ai, ma ana liotooa toa inoto ki i kada nei, na toto keki sui, ka ai lau boo:

I. Korinitha 3:10

Sulia lea la tha God na kera falea mai iaku, uria wane inoto ana kasi lana biu na lioku e too, ku alua gwa fau totonao ki; ma tee wane lau ka kasibiu i fafona. Sui toa ni sui boo muki beta suli kamulua, ta wane u boo i talaana ma ta wane u boo i talaana, kasi la na nia kai kasia i fafona.

Kolose 1:28

Wane na mili faaroṉo ania neri, mili ṉata fifi isana wane eki sui boo ma mili kwaifamanatai isana wane eki sui boo ana liotooa faamau, fasi miki fatai nia wane eki sui boo keki sukwai teefau atha Christ Jesus;

I. Thesalonika 2:16

Uria na kera lufi kamilia faisia ṉata la isana Jenetaele ki uria faamaruki lada; do ne adea na abula taa la kera ki ka baita alaa: ma rakeiria eri ne baita ka tatha e fula bonaa fafida.

Hibaru ki 11:37

Kera ufauda, kera kwaida ana ro kadee do ki, kera bae aliṉada, kera thauṉida ana nini ni firu: keka liliu fafia uṉana sifi ki, ma uṉana gota ki; keka fakoka, keka to ana taa la, ana tona ilamatai lada la

Si do na kera fatai nia 11:10

Ma toa nai fanua nei iano keki seethathala fafi keroa, ma keki seegatha; ma keki tona fale kwailiu; sulaania ro porofeta eki kero thau fifi ana toa nai fanua nei iano.