Mathui 22:5 - Ṉa Alaofua Falu 1923 1949

⁵ Ma kera roṉo faekwa ania, keka lae nada, ta wane uri oole nia, ma ta wane uri usi la nia:

Mathui 22:5 Iomraidhean Croise

GENESIS 19:14

Ma tha Lota ka lae kau, ka ṉata isana fuṉao nia ki, na kera tolea thari nia ki, ka una eri, Tatae, muki lae amulua ithara faisia si kula nei; uria na tha Jihova kai faafunuia toaa susu nei. Ma sui e ’uria wane ni malaoe la isana fuṉao nia ki.

GENESIS 25:34

Sui tha Jekofo ka falea ta si berede atha Iso ma ta si sufusufu ana ledili ki; ma nia ka faṉa, ka kuu ana, sui ka tatae, ka lae nana: asi ade la eri tha Iso ka luka faekwa asi do nia sa kai tae fuli ania ana maka keroa uria ne futa inao.

Mathui 13:22

Ma wane na kera afusia maalutana kwarafifi ki, nia nania na kai roṉoa si baea eri; ma manata baita la ana si do kada nei ki, bia kaura lana inotoa ki, kai suusia si baea eri, ma nia ka ai si fuṉu.

Mathui 22:4

Sui lau nia ka arasia tei toa ni ra lau, ka una eri, Muki faaroṉoa toa na kera laefida mai, Rikia fasi, ku thauwai nia faṉa nau uri la thato ka kwaimaakwali: ku kwaia naa buloka nau ki bia do ku tharea ka gwagwarurutaa, ma si do ki sui bana kera alua naa maasi kamulua: muki lae mai isana fafaṉa ana lumaa nei.

Mathui 22:6

Ma oretana toa eri kera raua toa ni ra nia, keka ṉaṉasuala urida, ma keka thauṉida.

Jone 2:16

Ma nia soree isana toa na kera usi ana bola ki, Muki ṉalia kau do nei ki; musi adea na biu Maka nau ana biu ni usi la.

Si do Aposela ki kera ilidaki 2:13

Ma tei toa lau kera aefara, keka una eri, Wane nei ki kera fuṉu ana waene falu.

Si do Aposela ki kera ilidaki 24:25

Ma si maṉa nia kwaifamanatai sulia kokoto la, ma inoto la ana seekulua, ma fa boṉi ana kotu baita na toto kai lae mai, tha Felikasi e aanu, ma ka luua, Oki lae amua si maṉa eri; si maṉa nau ku rikia ne farana, nau kwai aili oe mai.

Roma 2:4

Mado o fare faekwa ana lea la nia ne baita asia naa ma mamasoro la ma si lio ni doanita tatha la nia, uria nosi thaitoomana sulia lea la tha God eri ne tole oe mai uria manata akele la?

Roma 8:6

Uria na manatana see imole na ṉa maea; manatana tha Spirit na ṉa marukia ma enenoa:

II. Timothi 3:4

Toa ni faaalamai la, seeraraa, keki tala faabaita kera i talaada, keki liothau ana nau‐ni‐lea la, kesi liothau boo atha God;

Hibaru ki 2:3

Nifana ade lana ni kulu kuki thaka faisia kwae la, mada sa kuki luka faekwa ana marukia ne baita una eri? na kera ṉata sulia totonao ana ṉa Lord, ma kera faaṉadoa ifakulua ana toa eki na kera ronoa;

II. Pita 2:3

Ma ana thathami lana si do kamulua ki ana bae lada ne ai si mamana keki rofea si do na keki toda ani kamulua: ma kwae lada na kera sorea dini u mai inao kai fula fofoa mai, ma si do na kai labatanida e ai si biṉa mai sula tale.