Mathui 22:16 - Ṉa Alaofua Falu 1923 1949

¹⁶ Ma keka arasia toa kera na kera toleda isana, bia toa tha Heroda, keka una eri, Wane ni kwaifamanatai ae, mili thaitoomana o mamana, ma oko to’oa mamana boo tala tha God, me ai si oga oe boo uria ta wane: uria nosi lio uria seena imole.

Mathui 22:16 Iomraidhean Croise

Fa Ṉu Abu ki 12:2

Kera sui keka ṉata kwailiu uria toa kera ki ana tonee si ṉataa ne fakoka: ana ṉiduda ne gafogafo ma ana ro si lio i ruruuda keka ṉata una eri.

Fa Ṉu Abu ki 5:9

Sulaania e a’i ta si do mamana si ni fokoda; si lio taa ki ni la ruruuda; lioda ka ’uria kwaiṉeia na ka ifi; keka ṉata gafogafo ana meada.

Fa Ṉu Abu ki 55:21

Si baea i fokona e dodoloa ka ’uria si bata, ma sui si lio ni firua ni ruruuna: bae lane mausi ka tatha asi gwai, una ena mena, ka ’uria nini ki na kera lafua ana firu la.

Mathui 22:24

Keka una eri, Wane ni kwaifamanatai ae, tha Mosesi e sorea, Mada sa ta wane e mae, me ai ana ta wela, doorana kai tolea kwaina, ma kai aluwela ifana doorana.

Mathui 22:26

Ma ruana wane eri ka ade una eri lau boo, bia ula, ka fula ana fiuna.

Mathui 26:18

Ma nia ka sorea, Muki lae i la toaa susu isatha do, ma muka soree isana, Wane ni kwaifamanatai e sorea, Si maṉa nau karaṉia na mai; kwai ania tathafafi la i biu oe bia toa nau ku toleda.

Mathui 26:49

Ma si maṉa eri u boo nia fula isatha Jesus, ka sorea, Rabae ae! sui ka nonoia.

Mako 10:17

Ma si maṉa nia kai lae sula tale, tee wane e fita mai, ka boururu isana, ma ka soetoona, Wane ni kwaifamanatai ae, oe na abula lamu e lea, si ta na kwai ilia fasi kwai fulatoona marukia tatha?

Mako 12:13

Ma kera arasia tei wane ana Farisi ki bia tei wane ana toa tha Heroda isana, fasi keki faaṉata nia asi ṉata ne garo.

Mako 12:14

Ma si maṉa na toa eki kera fula, keka soree isana, Wane ni kwaifamanatai ae, mili thaitoomana o mamana, me ai si oga oe boo uria ta wane: uria nosi lio uria seena imole, oko to’oa mamana boo tala tha God: Kera alamatania fale lana malefo ifatha Sisa, mado e ai?

Mako 3:6

Ma Farisi eki kera lae kau, ma si maṉa eri u boo kera ofu bia toa tha Heroda keka furia ṉata fafi nia, uria si ade la na keki ilia fasi keka thauṉi nia.

Mako 8:15

Ma nia ka ṉata fifi isada, ka una eri, Muki to kinakina, muka fia lefena Farisi ki bia lefena tha Heroda.

Luke 20:21

Ma kera soetoona, keka una eri, Wane ni kwaifamanatai ae, mili thaitoomana noki sorea ma oki tooa si do kokoto, me ai si oga oe boo uria ta wane, oki tooa mamana boo tala tha God:

Luke 7:40

Ma tha Jesus e luua, ka soree isana, Saimona, nau akua tee si do kwai soree isamu. Ma nia ka sorea, Wane ni kwaifamanatai ae, oki sorea mai.

Jone 14:6

Tha Jesus ka soree isana, Nau na ṉa tala, ma ṉa mamana la, ma ṉa marukia: e ai ta imole si lae mai isana ṉa Maka ata tala eeta, talitoona ani nau.

Jone 18:37

Mania tha Paelate e soree isana, Oe na kiṉa nania? Tha Jesus e luua, ka una eri, Oi sorea na nau ṉa kiṉa. Si do eri kera kwalafi nau uria, ma si do eri nau ku lae mai uria ana fanua nei iano, fasi kwa faamamanea si do nau ku thaitoomana sulia mamana la eri. Ni tei ne mamana kai roṉoa liṉana ṉata laku.

Jone 7:18

Wane na kai ṉata i talaana kai rofe uria faainoto lana i talaana: ma wane na kai rofe kai faainoto nia ne arasi nia mai, wane eri e mamana, me ai ta do kekeo si ni ani nia.

II. Korinitha 2:17

Uria ni kamilia e ai misi ’uria toa oro, na kera dola bae lana tha God bia do eeta: ma ’uria asi lio ne ai si lole, ma ’uria toa ita mai atha God, inaofatha God, mika ṉata atha Christ.

II. Korinitha 4:2

Mili ekwa ania si do thaufuni ki ana seenonia, e ai misi abula ni lole la, misi dola bae lana tha God bia do eeta; ana fatai lana si do ne mamana mili ilia na liona toa eri sui boo kai ala fafi kamilia inaofatha God.

II. Korinitha 5:16

Mania ita asi maṉa eri ka oli alaa misi thaitoomana ta wane sulia seena imole: mili thaitoomana tha Christ mena sulia seena imole, e ai misi thaitoomana lau una eri.

Galesia 1:10

Sulaania wane ki neri na nau ku thathamia keki ala fafi nau, mado tha God? mado wane ki neri na nau ku thathamii faalea kera? mada sa ku faalea wane ki ka fula asi maṉa eri, nau wane ni ra tha Christ e ai.

Galesia 2:6

Ma ana wane eki na kera alaṉida ana wane inoto ki (ku doanita keka inoto lau mena ada, mado ka ai lau mena ada: tha God e ai si rikia wane ki ’uria sa kesi totoo) — wane inoto eki kesi faaroṉo nau ana ta si do ne falu:

I. Thesalonika 2:4

Ma talafana tha God e ala fafi kamilia fasi ka takofale kamilia asi faaroṉoa lea, alafana na mili ṉata; ’uria sa miki faalea imole ki e ai, tha God ne ilitoona ruruumilia.

Jemesi 3:17

Ma liotooa eri ne ita mai ia kai thathaulia totonao, sui kai eno, kai abula thathaore, kai thathamii falea si do na keki gania, kai fuṉu ana tatakomia ma asi foee do lea ki, oli susuua ka ai faisia, olodola la ka ai faisia.

I. Jone 5:20

Ma kulu thaitoomana na Kaluwane tha God e fula naa, me falea manata lea la ifakulua, fasi kuka thaitoomana ni nia ne mamana, ma kulu to ani nia ne mamana, ana Kaluwane nia tha Jesus Christ. Ṉa God mamana neri, ma marukia tatha.