Mathui 20:19 - Ṉa Alaofua Falu 1923 1949

¹⁹ Ma keka fale nia ifana Jenetaele ki fasi keka aefara ania, keka kwae tataria ana suila, ma keka fota fafi nia ana ’ai rarafolo: ma ana ula fa boṉi keki tataea.

Mathui 20:19 Iomraidhean Croise

Fa Ṉu Abu ki 35:16

Alafana toa ana olodola la na kera onioṉa asi maṉa ana fafaṉaa ki, kera didilifo uri nau.

Mathui 12:40

Sulia alafana na tha Jona e to sulia ulu fa thato ma ulu fa rodo i la rakena gwathasu; alafana lau boo Kaluwane imole kai to sulia ulu fa thato ma ulu fa rodo i la initoona theegano.

Mathui 16:21

Too asi maṉa eri tha Jesus e thafalia ka faaroṉoa toa nia ne toleda na kera too nia kai lae e ai si ei boo uri Jerusalema, ma kai to ana taa la oro ki e ai si ei boo sulia manatana ulunao ki ma wane inoto ni foa ki bia wane ni kekeda ki, ma keka thauṉi nia, ma nia kai tatae ana ula fa boṉi.

Mathui 17:23

Ma toto keki thauṉia, ma keka tataea lau ana ula fa boṉi. Ma lioda ka dila ka tatha.

Mathui 27:26

Sui nia ka lubea tha Barabasi ka lae ifada: ma tha Jesus nia kwae tataria ana suila, sui ka falea fasi keka fota fafi nia ana ’ai rarafolo.

Mathui 27:63

Keka una eri, Arai ae, mili manatatoona wane ba ne mamalaoe e sorea, maṉa nia maruki u, Buriana ulu fa boṉi kwai tatae lau.

Mako 14:65

Ma tei wane kera bii ṉisufi nia, kera thu fafia maana, kera kumua, ma keka soree isana, Oko bae mala porofeta: ma wane ni ra ki kera fidalia.

Mako 15:1

Ma i la uusuwadia u boo wane inoto ni foa ki keki furia ṉata bia ulunao ki ma wane ni kekeda ki ma ofu la eri sui bana, sui keka kania tha Jesus, keka tolea, keka fale nia ifatha Paelate.

Mako 15:15

Ma tha Paelate, uria ne thathamia kai faalea manatana toa eri, ka lubea tha Barabasi ka lae ifada, ma iburiana ne kwae tataria ana suila tha Jesus, nia ka fale nia fasi keka fota fafi nia ana ’ai rarafolo.

Luke 18:32

Uria na keki fale nia ifana Jenetaele ki, keki aefara iana, keka ṉaṉasuala uri nia, ma keka ṉisufia:

Luke 23:11

Ma tha Heroda bia wane ana firua nia ki kera fare faekwa ania, ma keka aefara iana, ma keka faatooni nia ana maku ne lea eeta, ma keka arasia lau isatha Paelate.

Luke 24:46

Ma nia ka soree isada, Kera kekeda una eri, ma ṉa Christ kera tooa kai to una eri ana taa la ki, ma kai tatae faisia toa mae ki ana ula fa boṉi;

Si do Aposela ki kera ilidaki 2:23

Wane eri na kera alamatania sulia si do manatana tha God e thathamii ilia ma si do ne thaitoomana totonao, ni kamulua mulu raua, ma ana abana wane na kera ilia si do kera lufia mulu fota fafia ana ’ai rarafolo ma mulu thauṉia:

Si do Aposela ki kera ilidaki 21:11

Ma nia ka fula isamilia, ka ṉalia si do na tha Polo e ali nia ania, ka kani fafia ro ae nia ki ma ro aba nia ki i talaana, ma ka sorea, Tha Spirit Abu ka sorea, Ju nai Jerusalema ki keki kani una eri ana wane ne ana ana do ni ali lana ana imole nania, ma keki fale nia i abana Jenetaele ki.

Si do Aposela ki kera ilidaki 4:27

Sulaania e mamana ana firu la bia Wela abu oe tha Jesus, no kiki nia ana gwai, tha Heroda bia tha Podiasi Paelate, bia Jenetaele ki ma kulee toa Isirela ki, kera ofu bomai,