Mathui 2:6 - Ṉa Alaofua Falu 1923 1949

⁶ Oe Bethelihemo, fanua tha Juda, E ai dodoloa oko faekwa faisia inamaruki tha Juda ki: Sulaania tee wane inoto toto kai lae mai ani oe, Nia wane na kai fono toi kalia toa nau Isirela.

Mathui 2:6 Iomraidhean Croise

GENESIS 49:10

Si ’ei ana inotoa nia kei e’i si sui faisia tha Juda, mado kubau nanaona wane faisia imaalutana ro ’ae nia ki; kai to bana maasia si maṉa na tha Saelo toto kai fula mai; ma kulee toa eki sui bana keki roo sulia bae lana.

Mathui 2:1

Ana si maṉa na tha Jesus e futa i Bethelihemo, fanua i Judia, maṉa tha Heroda e kiṉa, rikia fasi, wane na liode too ki kera too mai ibali tae lana thato keka lae mai uri Jerusalema,

Mathui 28:18

Ma tha Jesus ka fula ma ka ṉata isada, ka una eri, Sukwaia sui bana kera falea naa ifaku i thalo mai ma i fanua nei iano.

Jone 21:16

Ruana nia sorea lau isana, Saimona, kaluwane tha Jonasi, oki liothau ani nau? Nia e soree isana, Iu, Lord; o thaitoomana na nau ku thathami oe. Ni nia e soree isana, Oko fono toi kalia sifi nau ki.

Jone 7:42

Ta na sa kekeda la abu ba e sorea na Christ kai maṉo mai ana kwalafa tha Defeta, ma i Bethelihemo, toaa na tha Defeta e toto iei, mado?

Efesasi 1:22

Ma nia alua si do ki sui bana ka roo sulia ifara aaena, ma ka fale nia ifana figua eri fasi kai gwau ania, inoto asi do ki sui bana,

Kolose 1:18

Ma nia gwauna seedo eri, na ṉa figua: nia na thafali la, ulunao faisia toa na kera mae; fasi nia kai inoto ka tatha asi do ki sui.

Hibaru ki 7:14

Sulaania do fatai neri na Lord kulu e tae mai ana kwalafa tha Juda; kulee toa na tha Mosesi e ai si sorea boo ta si do sulida sulia wane ni foa ki.

Si do na kera fatai nia 11:15

Ma fiuna angel ka ufia buṉu; ma si ṉata la baita ki ka fula mai i thalo iburiana, na keka una eri, Ṉa tooa fanua nei iano ni naa ifana Lord kia, ma Christ nia: ma nia kai inoto ka tatha toto si sui.

Si do na kera fatai nia 2:27

Ma nia kai inoto iada fafia kodoe thalo, ’uria lau boo kera dekwe maga ana kwadee do ki wane ni thauwai lana kwadee do ki; alafana inotoa ni nau ku ṉalia ana Maka nau:

Si do na kera fatai nia 7:17

Uria ṉa Lama na ni la do ni ono la ana inotoa eri kai fono toi kakali kera, ma kai talai kera uria ruka‐mauri eki asi kafo ana marukia: ma tha God kai usua kafona maada ka sui bana ka ai naa faisia maada.