Mathui 2:11 - Ṉa Alaofua Falu 1923 1949

¹¹ Ma si maṉa na kera kotho i maafera, keka rikia kali wela eri isana thainana na ni Meri; kera aru iano, keka faabaita nia; ma keka egwea ogogonia kera ki, keka tona falea bada si do ki ifana, ṉa goloda ma do inoto thasune makwa lea ma mura.

Mathui 2:11 Iomraidhean Croise

GENESIS 43:11

Ma maka kera na tha Isirela ka soree isada, So e una eri asi maṉa eri, si ade la na muki ilia nania; ṉalia kau i la kwadee do kamulua ki tei do ana foee do lea ka tatha ki na i fanua nei; muka sifo fafia si do na muki tona falea ifana wane eri, ta kasi baoma, ta kasi dudueliṉa, tei do makwa lea ki, ta si mura, tei foee ’ai ki ne ṉilo, ma tei fa ṉali:

Fa Ṉu Abu ki 2:12

Nonoia Kaluwane eri, ada ka rakeiri, ma keki bii labatai teefau bonaa ani kamulua faisia tala, si maṉa na kera soonia ta kasi era fafaekwa mena ana rakeiria nia. Lea iada, toa eki sui bana na kera takofale kera iana.

Fa Ṉu Abu ki 45:8

Tooni oe ki sui boo ka makwa lea asi mura, ma si alosi, ma si kasia, ne toto i biu inoto na kera thauwanidaki ana aefori; kera faaseethathala oe ania.

Fa Ṉu Abu ki 72:10

Kiṉa i Tasisi ki ma auua ki keki lae mai fafia si do keki tona faledaki: kiṉa i Siba ma Iba keki tona faledo ifana.

Fa Ṉu Abu ki 72:15

Ma keki to bada ana marukia; ma keki falea ta sii asi golu i Siba ifana: ma wane ki keki foa uri nia ka toto bana, keki taṉoa ta si kadee maṉa si e’i.

Fa Ṉu Abu ki 95:6

Lae si mai, kulu foa, kulu agwaoro iano; kulu boururu inaofatha Jihova ne thauwai kulu:

Mathui 1:18

Futa lana mai tha Jesus Christ e una eri: Si maṉa na kera lufia naa thainana na ni Meri ifatha Josefa, maṉa kesi abetai keroa u, kera riki nia e iana atha Spirit Abu.

Mathui 12:46

Si maṉa nia kai ṉata u isana malului wane eki, rikia fasi, thainana bia doorana kera kera takwe i maa, keki rofea fasi keki ṉata bi nia.

Mathui 14:33

Ma toa na kera ni la foorua eri keka faabaita nia, keka una eri, Oe Kaluwane tha God mamana boo.

Mathui 2:10

Ma si maṉa na kera rikia fa bubulu lo, keka seethathala ana seethathala la baita ka tatha.

Mathui 2:2

Keka una eri, Nifenia wane ne futa Kiṉa Ju ki? uria na mili rikia fa bubulu nia ibali tae lana thato, ma mika lae mai fasi miki faabaita nia.

Luke 2:16

Ma kera lae fofoa mai, ma keka fulatoona ni Meri ma tha Josefa, ma wela aabu eri kai teo i la do ni faṉa buloka.

Luke 2:38

Ma nia ka fula asi kadee maṉa eri boo, ka sore lea lau boo talea tha Lord, ma ka ṉata suli nia isana toa eki sui boo na keki maakwalia tae la faisida i Jerusalema.

Jone 19:39

Ma tha Nikodimasi e lae lau bomai, wane eri ne lae mai inao isatha Jesus i la rodo, ka ṉalia mai mura na kera dola ana alosi, ma kulua lana fuliṉana tee taleṉee fa pauda.

Si do na kera fatai nia 19:10

Ma nau ku aru isana aaena sa kwai faabaita nia. Ma nia ka soree isaku, Ada oko ilia: nau ku ra ifatha God ’uri oe lau boo ma dooramu kera na kera rau asi do na kera faamamanea sulia tha Jesus: oki faabaita tha God: uria na ṉa faamamane la sulia tha Jesus na ṉa Spirit ne ni ana porofeta ba ki.

Si do na kera fatai nia 5:8

Me ṉalia buka eri e sui, fai do maruki eki ma ro akwala ma fai ulunao eki keka asi kera iano inaofana ṉa Lama, ma kera sui kera rau ana kwadili ki, ma ana labeṉa na kera thauwanidaki ana goloda ne fuṉu asi do thasune makwa lea, foa la toa abu ki neri.