Mathui 19:23 - Ṉa Alaofua Falu 1923 1949

²³ Sui tha Jesus ka soree isana toa nia ne toleda, Mamana ku soree isamulua, E afetai sa ta wane ne rikii do kai kotho ana tooa i thalo.

Mathui 19:23 Iomraidhean Croise

Mathui 13:22

Ma wane na kera afusia maalutana kwarafifi ki, nia nania na kai roṉoa si baea eri; ma manata baita la ana si do kada nei ki, bia kaura lana inotoa ki, kai suusia si baea eri, ma nia ka ai si fuṉu.

Mathui 18:3

Ma ka sorea, Mamana ku soree isamulua, Mada sa e ai musi akele, fasi muki ’uria naa kala wela, e ai dodoloa muki kotho ana tooa i thalo.

Mathui 19:22

Ma si maṉa na wane bii baita eri e roṉoa si ṉata eri, nia ka lae ana liodila: uria nia rikia do oro.

Mathui 21:31

Nifenia wane ana ro wane eki ne ilia si do maka nia e thathamia? Keka sorea, Wane inao. Tha Jesus ka soree isada, Mamana ku soree isamulua, wane eki na kera ṉalia takisi ki bia sesele eki keki lae ana tooa tha God inaomulua.

Mathui 5:20

Uria ku soree isamulua, Mada sa kokoto la kamulua e ai si talua kokoto la wane ni kekeda ki bia Farisi ki, kamulua e ai dodoloa muki kotho ana tooa i thalo.

Mako 10:23

Ma tha Jesus e lio kakali nia, ka soree isana toa nia ne toleda, E afetai faamau sa toa na kera rikii do keki kotho ana tooa tha God!

Luke 18:24

Ma si maṉa na tha Jesus e rikia na nia liodila faamau, nia ka sorea, E afetai faamau sa toa na kera rikii do keki kotho ana tooa tha God!

Jone 3:3

Tha Jesus e luua, ka soree isana, Mamana, mamana, ku soree isamu, Mada sa ta wane si futa lau iburi, nia sa ka rikia tooa tha God e ai.

Jone 3:5

Tha Jesus e luua, ka una eri, Mamana, mamana, ku soree isamu, Mada sa ta wane si futa ana kafo bia tha Spirit, nia sa ka kotho ana tooa tha God e ai.

Si do Aposela ki kera ilidaki 14:22

Keko faaṉadoa ruruuna toa na tha Jesus e toleda, keko soree isada keki to ṉado asi do eki na kulu fitoona, keko faaroṉoda na kuki to e ai si ei boo ana taa la oro ki fasi kuki kotho ana tooa tha God.

I. Korinitha 1:26

Uria na muki rikia aili la na kera aili kamulua mania, doora kera, na toa na liode too ki ana seeda i talaada kesi oro, ma toa sukwai kesi oro, ma toa inoto kesi oro isamulua:

Jemesi 2:6

Ma ni kamulua mulu fare faekwa ana wane ne ai si rikii do. Musi thaitoomana na toa eki na kera rikii do kera malataa ani kamulua, ma talani kera kera aba kamulua muki lae inaona do ni ono la wane ni kotu ki?